1 Corintios 3:19 - Tupanaarü Ore

¹⁹ Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

1 Corintios 3:19 Referans Kwoze

Yox 5:13

Nüma ya Cori ya Tupana rü norü chixexü̃gutama nanayixẽxẽ i ngẽma dorata̱a̱xgüxü̃. Rü ñu̱xũchi nagu nayanachixexẽxẽ i norü ĩnügü i chixexü̃ i nagu naxĩnüexü̃.

Wiyaegü 141:10

Natürü nümatátama nagu nayi i ngẽma yauxruxü̃ i cha̱u̱xca̱x yanuagüxü̃. Rü yoxni i chomax rü tá chiña.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

2 Chamué 16:23

Rü yema ga ngunexü̃gügu rü yema Aitópearü ucu̱xẽgü rü ñomatama Tupanaarü orewa nayauxgüxü̃rüxü̃ nixĩ. Rü yema Dabí naga naxĩnüxü̃rüxü̃ rü Acharóü̃ rü ta naga naxĩnü.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

2 Chamué 15:31

Rü yexguma Dabímaxã nüxü̃ yaxugüegu ga Aitópe rü Acharóü̃arü ĩnüwaama üxü̃, rü nüma ga Dabí rü Cori ya Tupanana naca nax nagu yanachixexẽẽãxü̃ca̱x ga yema Aitópe nagu rüxĩnüxü̃.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

Ínachoxü̃xü̃chiga 1:10

¡Rü ngẽmaca̱x, ngĩxã naxca̱x tadaugü nax ñuxãcü íyachaxãchixẽẽxü̃ nax yamuxü̃! Erü ngẽxguma chi ngürüãchi to i nachixü̃ane tamaxã nügü daixgu, rü nüma i Iraétanüxü̃ rü tá tórü uanügütanügu naxãgü nax tüxü̃ nada̱i̱xü̃ca̱x rü ñu̱xũchi ngẽmaãcü nayoxniegü nax tüxna naxĩgüxü̃ —ñanagürü.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ucu̱xẽgüchiga 14:8

Yimá yatü ya naãẽxü̃ cuácü, rü ngẽmamaxã nixĩ i nüxü̃ nacuáxü̃ i nacüma i mexü̃. Natürü ngẽma naechitamare maxü̃xü̃, rü nacüma i chixexü̃tama nixĩ i nawomüẽẽxü̃.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

1 Corintios 4:6

Pa Chauenexẽgüx, perü mexü̃ca̱x nixĩ i pemaxã nüxü̃ tixuxü̃ i ngẽma ore nax Tupana naxwa̱xexü̃ãcüma pemaxẽxü̃ca̱x. Rü choma rü Apóru nixĩ i perü cua̱xruü̃gü tixĩgüxü̃. Rü name nixĩ nax towa pengúexü̃ rü tama ípeyatóxẽẽxü̃ i Tupanaarü ore i marü ümatüxü̃. Rü ngẽmaãcü taxũtáma texé tügü ticua̱xüxü̃ namaxã i wüxi i Tupanaarü orearü uruxü̃ rü ngẽma to rü tama.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Popera ga Chantiágu ümatüxü̃ 3:15

Erü ngẽma nax ixãũxãchiwa̱xegüxü̃ rü duü̃xü̃güchi nax ixaiexü̃ rü togüarü yexera yigü nax ixĩgüxẽẽchaü̃xü̃, rü tama Tupanawa ne naxũ, natürü ñoma i naanearü ĩnüwa rü ngo̱xo i Chatanáwa nixĩ i ne naxũxü̃.