1 Corintios 3:11 - Tupanaarü Ore

¹¹ Rü ngẽma puracü rü Ngechuchu ya Cristu nixĩ ga inaxügücü, rü ngẽmaca̱x taxucürüwama texé toguena tanaxü i ngẽma puracü ga noxri Ngechuchu ya Cristu ixügüxü̃.

1 Corintios 3:11 Referans Kwoze

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

1 Corintios 3:10

Rü choma nixĩ ga Tupana choxü̃ muxü̃ nax chaxíra pemaxã nüxü̃ chixuxü̃ca̱x ga Cristuchiga. Rü togü nixĩ ga chowena yexeraãcü pexü̃ ngúexẽẽxü̃. Natürü guxãma ya texé ya naxǘxe i ñaa puracü rü name nixĩ i taxuãxẽ nax mea tanaxüxü̃ca̱x.

1 Corintios 3:12

Rü ñu̱xma nax Ngechuchu ya Cristu yixĩxü̃ ga inaxügücü i ngẽma puracü rü wüxichigü i yixema rü tanaxwa̱xe i taxuãxẽ nax mea yanguxẽẽxü̃ i ngẽma puracü i Cristu tüxna ãxü̃. Erü yíxema aixcüma mea naxǘxe i ngẽma puracü, rü ñoma wüxi i ĩpataarü üruxü̃ i úirumü rü diẽrumü rü nuta ya mexẽchicümaxã üpataxü̃rüxü̃ tixĩ. Natürü yíxema tama aixcüma mea naxǘxe i ngẽma puracü rü ñoma ĩpataarü üruxü̃ i chixexü̃ i nai rü naixatü rü dexnemena̱xãmaxã üpataxü̃rüxü̃ tixĩ.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.