1 Corintios 2:6 - Tupanaarü Ore

⁶ Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

1 Corintios 2:6 Referans Kwoze

Popera ga Yudíugü ga yaxõgüxü̃ca̱x ümatüxü̃ 5:14

Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.

Popera ga Chantiágu ümatüxü̃ 3:15

Erü ngẽma nax ixãũxãchiwa̱xegüxü̃ rü duü̃xü̃güchi nax ixaiexü̃ rü togüarü yexera yigü nax ixĩgüxẽẽchaü̃xü̃, rü tama Tupanawa ne naxũ, natürü ñoma i naanearü ĩnüwa rü ngo̱xo i Chatanáwa nixĩ i ne naxũxü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

1 Corintios 1:28

Rü Tupana nanade ga yema duü̃xü̃gü ga togü nüxü̃ oexü̃, rü ñoma i naanewa taxuxü̃ma ixĩgüxü̃ rü taxuxü̃ma nüxü̃́ ngẽxmagüxü̃. Rü yemaacü Tupana nanaxãneexẽxẽ i ngẽma duü̃xü̃gü i ñoma i naanewa tachigagüxü̃.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

Yox 12:19

Rü norü puracüwa ínanawoxü̃ i chacherdótegü. Rü ínanawoxü̃ i ngẽma ãẽ̱xgacügü ixĩgüxü̃.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

1 Corintios 2:13

Rü ñu̱xma nax pemaxã nüxü̃ tixuxü̃ i ngẽmachiga, rü Tupanaãxẽ ya Üünecü toxna ãxü̃ i oremaxã nixĩ i pemaxã nüxü̃ tixuxü̃. Rü tama ore i torü cua̱xwa tayaxuxü̃maxã nixĩ i pemaxã nüxü̃ tixuxü̃. Rü ngẽmaãcü Tupanaãxẽ i Üünexü̃arü oremaxã tayango̱xẽxẽ i ngẽma Tupana nagu rüxĩnüxü̃ rü tüxü̃́ naxwa̱xexü̃.

1 Corintios 2:1

Pa Chauenexẽgüx, yexguma noxri petanüwa chaxũxgu nax pemaxã nüxü̃ chixuxü̃ca̱x ga Tupanaarü ore i Cristuchiga, rü tama ñoma nüxü̃ cua̱xüchixü̃rüü̃ãcüma pemaxã chidexa, rü tama ore ga guxchaxü̃maxã nixĩ ga pemaxã nüxü̃ chixuxü̃.

Ore i mexü̃ ga Luca ümatüxü̃ 16:8

Rü norü cori rü nüxü̃ nicua̱xü̃ama ga yema norü duü̃xü̃ ga chixexü̃, yerü nüxü̃ nadau nax nüxü̃ nacua̱xüchixü̃ nax duü̃xü̃güaxü̃́ nangúchaü̃ẽẽãxü̃ ega ta̱xacü naxü̱xgu. Rü pemaxã nüxü̃ chixu rü ñoma i naanecüã̱x i duü̃xü̃gü, rü ngẽma yaxõgüxü̃arü yexera paxa naxca̱x nadaugü nax duü̃xü̃güaxü̃́ nangúchaü̃xẽẽãxü̃ ega ta̱xacü naxü̱xgu.

Ore i mexü̃ ga Matéu ümatüxü̃ 19:21

Rü Ngechuchu nanangãxü̃ rü ñanagürü nüxü̃: —Ega aixcüma Tupanape̱xewa mecü quixĩxchaü̃gu, rü name nixĩ i namaxã cutaxe i guxü̃ma i curü ngẽmaxü̃gü rü togü i ngearü diẽruã̱xgüxü̃na cunaxã i ngẽma curü natanü. Rü ngẽxguma tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ichaía 40:23

Rü nüma ya Tupana rü inayanaxoxẽxẽ i ngẽma duü̃xü̃gü i ñoma i naanewa nügü írüporaexü̃ rü ngẽma ãẽ̱xgacügü i ñoma i naanewa ngẽxmagüxü̃.

Wiyaegü 37:37

¡Natürü, dücax, nangugü ya yimá duü̃ ya aixcüma mecü rü mexü̃gu rüxĩnücü! Rü ngẽma tá naxca̱x ínguxü̃ rü taãxẽ nixĩ.

Wiyaegü 146:4

Rü ngẽxguma nayuegu i ngẽma duü̃xü̃gü rü wenaxarü waixü̃müxü̃ nixĩgü. Rü ngẽma ngunexü̃gutama inayarüxo i guxü̃ma i ta̱xacü i nagu naxĩnüexü̃.

1 Corintios 3:1

Pa Chauenexẽgüx, yexguma noxri petanüwa changuxgu, rü taxucürüwa duü̃xü̃gü i meama Tupanaxü̃ cua̱xgüxü̃rüxü̃ãcü pemaxã nüxü̃ chixu i Tupanaarü ore. Natürü duü̃xü̃gü ga yexwacax yaxõgüxü̃rüü̃ãcü pemaxã nüxü̃ chixu yerü pema rü yexwacax peyaxõgü ga yexguma. Rü yemaca̱x yexwacax yaxõgüxü̃rüü̃ãcü pemaxã nüxü̃ chixu ga Cristuchiga.

1 Corintios 12:8

Rü Naãxẽ ya Üünexü̃ rü tümaxü̃ nanaxã i tauxcha nax ucu̱xẽxü̃ tacuáxü̃ca̱x. Rü ngẽmatama Naãxẽ ya Üünexü̃ rü toguxeaxü̃́ nanatauxchaxẽxẽ nax nüxü̃ tacuáxü̃ nax mea tangúexẽẽtaexü̃ i Tupanaarü ore.

2 Corintios 4:3

Rü ngẽxguma chi texéca̱x naguxchagu i ngẽma ore i mexü̃ i nüxü̃ tixuxü̃, rü ngẽma duü̃xü̃gü i iyarütauxexü̃ca̱xicatama nixĩ i naguxchaxü̃.

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:1

Rü ngẽmaca̱x name nixĩ i yexeraãcü tingúeetanü nax aixcüma mea nüxü̃ icuáxü̃ca̱x i Cristuchiga. Rü tanaxwa̱xe nax nüxü̃ ichopetüxü̃ ga yema ore ga nawa inaxügüxü̃ nax Cristuchigaxü̃ icuáxü̃. Rü taxũtáma yeü̃cürü yema ore ga nawa inaxügüxü̃chiga tidexagüecha. Rü taxuca̱xma tü̱xcüü̃ wena pemaxã nüxü̃ tixu nax nüxü̃ perüxoexü̃ca̱x nax nagu pexĩxü̃ i ngẽma mugü ga Moiché ümatüxü̃ i tama tüxü̃ maxẽxẽẽxü̃. Rü ngẽxgumarüxü̃ ta taxuca̱xma tü̱xcüü̃ wena pemaxã nüxü̃ tixu i nachiga nax ñuxãcü Tupanaaxü̃́ yaxõgüxü̃.