1 Corintios 2:5 - Tupanaarü Ore

⁵ Rü yemaacü Tupanaarü poramaxã pemaxã nüxü̃ chixu ga yema ore nax Tupanagagu yixĩxü̃ nax nüxü̃́ peyaxõgüxü̃, rü tama ñoma i naanecüã̱x i duü̃xü̃güarü cuágagu nax yixĩxü̃.

1 Corintios 2:5 Referans Kwoze

2 Corintios 4:7

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

2 Corintios 12:9

Natürü nüma ya tórü Cori rü ñanagürü choxü̃: “Choma cuxü̃ changechaü̃, rü ngexicatama nixĩ i cunaxwa̱xexü̃. Rü choma rü ngẽma duü̃xü̃gü i tama poraexü̃wa nixĩ i chanango̱xẽẽxü̃ i chorü pora”, ñanagürü choxü̃. Rü ngẽmaca̱x chataãxẽ ega tama chaporagu. Erü ngẽxguma tama chaporagu rü ngẽxguma nixĩ i chowa inawéãxü̃ i norü pora ya Cristu.

2 Corintios 6:7

Rü duü̃xü̃güxü̃ nüxü̃ tadauxẽxẽ nax aixcüma mea namaxã nüxü̃ tixu i ngẽma ore i aixcüma ixĩxü̃, rü itanawe̱x i Tupanaarü pora i towa ngẽxmaxü̃. Rü ngẽma toxne ixĩxü̃, rü ngẽma nixĩ i torü maxü̃ i aixcüma mexü̃. Rü ngẽmamaxã nixĩ i togü ítapoxü̃xü̃ i torü uanügüpe̱xewa.

1 Corintios 1:17

Yerü nüma ga Cristu rü tama choxü̃ namu nax duü̃xü̃güxü̃ íchabaiü̃xẽẽxü̃ca̱x, natürü choxü̃ namu nax duü̃xü̃gümaxã nüxü̃ chixuxü̃ca̱x i norü ore i mexü̃. Rü nanaxwa̱xe i tauxchaxü̃ i oremaxã nüxü̃ chixu i ngẽma ore. Erü ngẽxguma chi ñoma nüxü̃ cua̱xüchixü̃rüxü̃ nüxü̃ chixuxgu i ngẽma ore, rü ngürüãchi i duü̃xü̃gü rü tá chauguama narüxĩnüe rü tá nüxü̃ inayarüngümae nax Cristu yixĩxü̃ ga tüxü̃ maxẽxẽẽcü ga yexguma curuchagu nayu̱xgux.

1 Corintios 3:6

Rü chauxü̃tawa nixĩ ga nüxü̃ pexĩnüexü̃ rü peyaxõgüxü̃ ga Tupanaarü ore ga noxrix. Rü Apóru nixĩ ga pexü̃ rüngü̃xẽẽcü nax yexeraãcü mea peyaxõgüxü̃ ga yema ore. Natürü Tupana nixĩ ga pexü̃ maxẽxẽẽcü.

Ngechuchuarü ngúexü̃gü ga yamugüxü̃arü puracüchiga 16:14

Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.