1 Corintios 2:4 - Tupanaarü Ore

⁴ Rü yexguma pemaxã chidexagu rü pemaxã nüxü̃ chixuxgu ga Tupanaarü ore, rü tama ñoma nüxü̃ cua̱xüchixü̃ãcü pemaxã nüxü̃ chixu ga ore nax pexü̃́ chanangúchaü̃xẽẽxü̃ca̱x rü peyaxõgüxü̃ca̱x. Natürü Tupanaãxẽ i Üünexü̃arü ngü̃xẽẽmaxã rü Tupanaarü poramaxã nixĩ ga pexü̃́ chanangúchaü̃xẽẽxü̃.

1 Corintios 2:4 Referans Kwoze

1 Corintios 4:20

Erü Tupana íngẽxmaxü̃wa rü tama dexagümare nixĩ, natürü ngéma nango̱x i Tupanaarü pora.

1 Tesalonicenses 1:5

Rü yexguma pemaxã nüxü̃ tixuxgu ga Tupanaarü ore i tüxü̃ maxẽxẽẽxü̃, rü tama toechama tidexagümare, yerü Tupanaãxẽ ya Üünecü toxü̃ narüngü̃xẽxẽ nax Tupanaarü poramaxã pemaxã nüxü̃ tixuxü̃. Rü mea nüxü̃ tacuáãcüma pemaxã nüxü̃ tixu ga yema ore yerü toõxẽwatama nüxü̃ tacua̱x nax aixcüma yixĩxü̃. Rü pematama meama nüxü̃ pecua̱x nax aixcüma mea pepe̱xewa tamaxẽxü̃ nax yemaacü pexü̃ tarüngü̃xẽẽgüxü̃ca̱x.

1 Corintios 1:17

Yerü nüma ga Cristu rü tama choxü̃ namu nax duü̃xü̃güxü̃ íchabaiü̃xẽẽxü̃ca̱x, natürü choxü̃ namu nax duü̃xü̃gümaxã nüxü̃ chixuxü̃ca̱x i norü ore i mexü̃. Rü nanaxwa̱xe i tauxchaxü̃ i oremaxã nüxü̃ chixu i ngẽma ore. Erü ngẽxguma chi ñoma nüxü̃ cua̱xüchixü̃rüxü̃ nüxü̃ chixuxgu i ngẽma ore, rü ngürüãchi i duü̃xü̃gü rü tá chauguama narüxĩnüe rü tá nüxü̃ inayarüngümae nax Cristu yixĩxü̃ ga tüxü̃ maxẽxẽẽcü ga yexguma curuchagu nayu̱xgux.

1 Corintios 2:1

Pa Chauenexẽgüx, yexguma noxri petanüwa chaxũxgu nax pemaxã nüxü̃ chixuxü̃ca̱x ga Tupanaarü ore i Cristuchiga, rü tama ñoma nüxü̃ cua̱xüchixü̃rüü̃ãcüma pemaxã chidexa, rü tama ore ga guxchaxü̃maxã nixĩ ga pemaxã nüxü̃ chixuxü̃.

Norü taxre ga popera ga Pedru ümatüxü̃ 1:16

Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

1 Corintios 2:13

Rü ñu̱xma nax pemaxã nüxü̃ tixuxü̃ i ngẽmachiga, rü Tupanaãxẽ ya Üünecü toxna ãxü̃ i oremaxã nixĩ i pemaxã nüxü̃ tixuxü̃. Rü tama ore i torü cua̱xwa tayaxuxü̃maxã nixĩ i pemaxã nüxü̃ tixuxü̃. Rü ngẽmaãcü Tupanaãxẽ i Üünexü̃arü oremaxã tayango̱xẽxẽ i ngẽma Tupana nagu rüxĩnüxü̃ rü tüxü̃́ naxwa̱xexü̃.

Colosenses 2:4

Rü pemaxã nüxü̃ chixu i ngẽma, erü tama chanaxwa̱xe nax texé pexü̃ womüxẽẽgüxü̃ namaxã i ta̱xacürü ore i chixexü̃wa pexü̃ gagüxü̃.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Echequié 13:6

Rü ngẽma norü ngo̱xetügü rü doramare nixĩ. Rü ngẽma nüxü̃ yaxugüxü̃ i tá ngupetüxü̃ rü doramare nixĩ. Rü nüxü̃ nixugüe nax choma namaxã nüxü̃ chixuxü̃ i ore natürü tama choma nixĩ i chayadexaxẽẽxü̃. Rü nümagü rü ínanangu̱xẽxẽ nax yanguxü̃ca̱x i ngẽma ore i nüxü̃ yaxugüxü̃.

Ucu̱xẽgüchiga 7:21

Norü dexa ga maixcuraxü̃maxã nanachixewe rü düxwa nanangĩãẽraxü̃ ga yema ngextü̱xüxü̃.

Ngechuchuarü ngúexü̃gü ga yamugüxü̃arü puracüchiga 26:28

Rü Pauruxü̃ nangãxü̃ ga Agrípa, rü ñanagürü: —¿Ẽ̱xna cuma nagu curüxĩnügu rü ngẽmaãcü noxre i curü oremaxã Cristuaxü̃́ choxü̃ cuyaxõxẽẽxü̃? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 16:5

Rü nümagü ga yema Firitéugüarü ãẽ̱xgacügü rü Daríraxü̃tawa naxĩ rü ñanagürügü ngĩxü̃: —¡Chanchóü̃xü̃ nawomüxẽxẽ, rü nüxna naca nax ngextá ne naxũxü̃ i ngẽma norü pora, nax ngẽmaãcü nüxü̃ tarüporamaegüxü̃ca̱x, rü tayayauxgüxü̃ca̱x, rü tayana̱i̱xgüxü̃ca̱x! Rü wüxichigü i toma rü tá cuxna ngĩxü̃ taxã i 1,100 tachinü i diẽru ega cunaxüxgux i ngẽma —ñanagürügü ngĩxü̃.

Ãẽ̱xgacügü ga guxchaxü̃güarü mexẽxẽruü̃gü 14:15

Rü yexguma ãgümücü ga ngunexü̃wa nanguxgu, rü Chanchóü̃ma̱xü̃ ñanagürügü: —¡Pora naxü nax yimá cute toxü̃́ natauxchaxẽxẽxü̃ca̱x i ngẽma dexa i ẽxü̃guxü̃ i tomaxã nüxü̃ yaxuxü̃! Rü ngẽxguma taxũtáma tomaxã nüxü̃ quixuxgu i ta̱xacüchiga nax yixĩxü̃, rü tá cuxü̃ tigu rü ítanagu i cunatü rü guxü̃ma i cutanüxü̃. Pema rü perü petawa toxna pexu nax toxna penapuxü̃xü̃ca̱x i torü ngẽmaxü̃gü —ñanagürügü.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Ucu̱xẽgüchiga 20:19

Ngẽma oregüta̱xáxü̃, rü tama nüxicatama nüxna nadau i ngẽma ore i tama mexü̃ nax guxã nüxü̃ cuáxü̃. Rü ngẽmaca̱x tama name i namaxã cuxãmücü i ngẽma oregüta̱xáxü̃.

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

2 Corintios 6:6

Rü ngẽxgumarüxü̃ ta duü̃xü̃güxü̃ nüxü̃ tadauxẽxẽ nax aixcüma mexü̃gu tarüxĩnüexü̃, rü mea nüxü̃ tacuáxü̃ i Tupanaarü ore i aixcüma ixĩxü̃, rü yáxna duü̃xü̃gümaxã taxĩnüexü̃, rü namaxã tamecümaxü̃. Rü duü̃xü̃güxü̃ nüxü̃ tadauxẽxẽ nax towa nangẽxmaxü̃ i Tupanaãxẽ ya Üünecü rü ngẽmaca̱x aixcüma guxü̃ i duü̃xü̃güxü̃ tangechaxü̃.