1 Corintios 2:12 - Tupanaarü Ore

¹² Rü yixema rü tama ñoma i naanecüã̱x i naãxẽ nixĩ ga iyauxgüxü̃. Natürü tanayauxgü i ngẽma Naãxẽ ya Üünexü̃ ga Tupana taxca̱x núma muxü̃ nax nüxü̃ icuáxü̃ca̱x i guxü̃ma i ngẽma ngü̃xẽẽgü ga Tupana norü ngechaü̃maxã tüxna ãxü̃.

1 Corintios 2:12 Referans Kwoze

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 2:20

Natürü guxãma i pema rü Cristu ya Üünecü marü pexna nanamu i Naãxẽ ya Üünexü̃, rü ngẽmaca̱x meama nüxü̃ pecua̱x i Tupanaarü ore i aixcüma ixĩxü̃.

Romanos 8:1

Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Romanos 8:32

Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?

Yema Cuáü̃ nüxü̃ dauxü̃ i yixcüra tá ngupetüxü̃chiga 22:6

Rü ñu̱xũchi ga yema Tupanaarü orearü ngeruxü̃ rü ñanagürü choxü̃: “Ñaa ore rü aixcüma nixĩ, rü name nax yaxõxü̃. Rü nüma ya tórü Cori ya Tupana ga nũxcüma norü orearü uruü̃gümaxã nüxü̃ ixucü nax ta̱xacü tá ínguxü̃, rü nümatama nixĩ i ñu̱xma inamuãxü̃ i norü orearü ngeruxü̃ i daxũcüã̱x nax norü duü̃xü̃güxü̃ nüxü̃ nadauxẽẽxü̃ca̱x nax ta̱xacü tá paxa ínguxü̃”, ñanagürü.

1 Corintios 3:22

Rü ngẽmaca̱x i choma i Pauru, rü Apóru, rü Pedru rü ñoma i naane, rü tórü maxü̃, rü tórü yu, rü ngẽma ñu̱xma ngẽxmaxü̃ rü ngẽma yixcüra tá ngẽxmaxü̃, rü guxü̃ma i ngẽma rü pexrü nixĩ.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

1 Corintios 1:27

Rü woo ñoma i naanecüã̱x nagu narüxĩnüe nax pema rü duü̃xü̃gü i taxuwama mexü̃ pixĩgüxü̃, natürü Tupana pexü̃ nade nax naxãnexü̃ca̱x i ngẽma duü̃xü̃gü i nügügu rüxĩnüexü̃ nax nüxü̃ yacua̱xüchixü̃. Rü Tupana pexü̃ nade i pema nax duü̃xü̃gü pexü̃ ixugügu nax peturaexü̃ nax ngẽmaãcü naxãnexü̃ca̱x i ngẽma duü̃xü̃gü i poraexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.