1 Corintios 2:11 - Tupanaarü Ore

¹¹ Rü duü̃xü̃gütanüwa rü ¿texé nüxü̃ tacua̱x nax ta̱xacügu naxĩnüxü̃ i wüxichigü i duü̃xü̃? Rü ngẽma naãxẽ i wüxichigü i duü̃xü̃wa ngẽxmaxü̃xicatama nixĩ i nüxü̃ cuáxü̃ i ngẽma nagu naxĩnüxü̃. Rü ngẽxgumarüxü̃ ta Tupanaãxẽ i Üünexü̃xicatama nixĩ i nüxü̃ cuáxü̃ nax ta̱xacügu naxĩnüxü̃ ya Tupana.

1 Corintios 2:11 Referans Kwoze

Ucu̱xẽgüchiga 20:27

Ngẽma naãxẽ ya Tupana wüxichigü i duü̃xü̃na ãxü̃, rü guxü̃ma i norü maxü̃gu nabáxi.

1 Corintios 2:10

Rü ngẽma nixĩ ya Tupana i Naãxẽ ya Üünexü̃arü ngü̃xẽẽmaxã tüxü̃ nüxü̃ cua̱xẽẽxü̃. Rü ngẽma Naãxẽ ya Üünexü̃ rü guxü̃xü̃ma nacua̱x, rü aixrüxü̃ i ngẽma Tupanaxicatama nüxü̃ cuáxü̃ rü nüxü̃ nacua̱x.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Ucu̱xẽgüchiga 14:10

Wüxichigü i duü̃xü̃ rü nüxicatama nixĩ i nüxü̃ nacuáxü̃ i norü guxchaxü̃gü, rü tama togü i duü̃xü̃gü i tama nüxü̃ nacuáxü̃maxã nüxü̃ nixu i norü taãxẽ.

Ucu̱xẽgüchiga 20:5

Ngẽma duü̃xü̃arü ĩnü i cúxü̃, rü ñoma dexá i mátamaxü̃gu yacúxü̃rüxü̃ nixĩ. Natürü ngẽma naãẽxü̃ cuáxü̃ rü nüxü̃ inayangauama i ngẽma norü ĩnü i ngẽma duü̃xü̃.

Yox 15:8

¿Ẽ̱xna nagu curüxĩnügu nax Tupanaarü ucu̱xẽruxü̃ quixĩxü̃, rüe̱xna cugüca̱x rü cuxicatama nixĩ i wüxi i yatü i nüxü̃ cuáxü̃ quixĩxü̃ i ñoma i naanewa?

1 Corintios 12:8

Rü Naãxẽ ya Üünexü̃ rü tümaxü̃ nanaxã i tauxcha nax ucu̱xẽxü̃ tacuáxü̃ca̱x. Rü ngẽmatama Naãxẽ ya Üünexü̃ rü toguxeaxü̃́ nanatauxchaxẽxẽ nax nüxü̃ tacuáxü̃ nax mea tangúexẽẽtaexü̃ i Tupanaarü ore.