1 Corintios 16:7 - Tupanaarü Ore

⁷ Erü tama chanaxwa̱xe i paxaãchimare pexü̃ chadau. Natürü ngürüãchi muxü̃ i ngunexü̃gü petanügu charüxã́ũxchaü̃ ega chi norü ngúchaü̃ yixĩxgu ya tórü Cori.

1 Corintios 16:7 Referans Kwoze

Ngechuchuarü ngúexü̃gü ga yamugüxü̃arü puracüchiga 18:21

Rü yemaca̱x nüxü̃ narümoxẽ, rü ñanagürü nüxü̃: —Rü ngẽxguma Tupana naxwa̱xegu, rü wena táxarü pexca̱x chataegu —ñanagürü. Rü yemawena rü Epéchiuarü türewa nayarüxüe, rü inaxũãchi.

Popera ga Chantiágu ümatüxü̃ 4:15

Rü narümemae nixĩ nax ñapegüxü̃: “Ngẽxguma chi nanaxwa̱xegu ya Cori ya Tupana nax imaxẽxü̃, rü chi tanaxü i ngẽma puracü i nagu rüxĩnüexü̃”, ñapegüxü̃.

1 Corintios 4:19

Natürü ngẽxguma tórü Cori ya Tupana naxwa̱xegu, rü paxa tá ngéma chaxũ nax pexü̃ íchayadauxü̃ca̱x. Rü ngẽxguma rü tá chomaxü̃chi nüxü̃ chadau rü aixcüma yixĩ nax nüxü̃́ nangẽxmaxü̃ i Tupanaarü pora i ngẽma duü̃xü̃gü i nügü icua̱xüü̃güxü̃, rüe̱xna dexagümare yixĩ i ngẽma nüxü̃ yaxugügüxü̃.

2 Corintios 1:15

Rü yemagu charüxĩnüãcü nixĩ ga noxri nagu charüxĩnü nax petanüwaxíra chaxũxü̃ nax pexü̃ íchayadauxü̃ca̱x rü ngẽmaãcü pexü̃ nax charüngü̃xẽẽxü̃ca̱x. Rü nagu charüxĩnü rü ngẽxguma Machedóniaanewa chaxũxgu nax petanügu íchidauxü̃, rü ngẽxguma chataeguxgu rü wenaxarü petanügu íchidauxü̃. Rü ngẽxguma tá ningu nax taxree̱xpü̱xcüna petanüwa chaxũxü̃ nax ngẽmaãcü pexü̃́ natauxchaxü̃ca̱x nax choxü̃ perüngü̃xẽẽxü̃ nax Yudéaanewa chaxũxü̃ca̱x.

Romanos 1:10

Rü guxü̃guma nüxna chaca nax petanüwa choxü̃ namuxü̃ca̱x ega norü ngúchaü̃ yixĩxgu nax pexü̃ íchayadauxü̃ca̱x.

Yeremía 10:23

Pa Corix, choma nüxü̃ chacua̱x nax wüxichigü i duü̃xü̃ rü tama norü maxü̃arü yora nax yixĩxü̃, rü tama nüxü̃ nacua̱x nax ta̱xacü tá nüxü̃ ngupetüxü̃.

Ucu̱xẽgüchiga 19:21

Nüma ya yatü, rü nagu narüxĩnü i muxü̃ma i ngẽma naxüxchaü̃xü̃, natürü Cori ya Tupana naxwa̱xexü̃ãcü tá nixĩ i yanguxü̃.

Ore i mexü̃ ga Matéu ümatüxü̃ 3:15

Natürü ga Ngechuchu rü ñanagürü nüxü̃: —Name nixĩ i choxü̃ ícubaiexẽẽxü̃ i ñu̱xmax. Erü name nixĩ i tayanguxẽẽxü̃ i guxü̃ma i ngẽma Tupana tüxü̃ muxü̃ —ñanagürü. Rü yexguma ga Cuáü̃ rü: —Ngü̃ —ñanagürü.