1 Corintios 16:4 - Tupanaarü Ore

⁴ Rü ngẽxguma chi choxü̃́ natauxchagu nax ngéma Yerucharéü̃wa chaxũxü̃, rü nümagü rü tá wüxigu chomaxã ngéma naxĩ.

1 Corintios 16:4 Referans Kwoze

2 Corintios 8:19

Rü naétü ngẽma yaxõgüxü̃tücumügü rü ngẽma taenexẽxü̃ naxunetagü nax toxü̃ íyaxümücüxü̃ca̱x rü toxü̃ nangü̃xẽẽxü̃ca̱x i ngẽxguma Yerucharéü̃wa ngĩxü̃ tangexgu i ngẽma diẽru, nax ngẽmaãcü nüxü̃ ticua̱xüü̃güxü̃ca̱x ya tórü Cori, rü guxãma nüxü̃ daugüxü̃ca̱x nax taãẽãcüma yigü rüngü̃xẽẽgüxü̃.

2 Corintios 8:4

Rü poraãcü toxü̃ naca̱a̱xü̃gü nax tama nüxna tanachu̱xuxü̃ca̱x nax yemaacü yema togü ga taenexẽgüxü̃ nangü̃xẽẽgüxü̃ca̱x.

Romanos 15:25

Natürü i ñu̱xma rü Yerucharéü̃wa tá chaxũ, nax ngéma chanangexü̃ca̱x i ñuxre i diẽru naxca̱x i taenexẽgü i ngéma ngẽxmagüxü̃.

1 Corintios 16:3

Rü ngẽxguma petanüwa changuxgu, rü tá chanaxümatü i ñuxre i poperagü naxca̱x i taenexẽgü i Yerucharéü̃wa ngẽxmagüxü̃. Rü ñu̱xũchi ngẽma poperamaxã tá Yerucharéü̃wa chanamugü i ngẽma duü̃xü̃gü i pema nüxü̃ pexunetaxü̃ nax ngéma ngĩxü̃ nangegüxü̃ca̱x i ngẽma diẽru i taenexẽgüca̱x ngĩxü̃ penutaque̱xecü.

1 Corintios 16:5

Choma rü Machedóniaanewa tá chaxüpetü nax íchayadauxü̃ca̱x i taenexẽgü i ngéma ngẽxmagüxü̃. Rü ngẽmawena rü tá petanüwa changu nax pexü̃ íchayadauxü̃ca̱x.