1 Corintios 16:11 - Tupanaarü Ore

¹¹ Rü ngẽmaca̱x tama chanaxwa̱xe i texé petanüwa nüxü̃ taxoe. Natürü chanaxwa̱xe i nüxü̃ perüngü̃xẽxẽ nax taãẽãcüma nua Epéchiuwa choxü̃ íyadauxü̃ca̱x. Erü poraãcü íchanangu̱xẽxẽ nax nua nanguxü̃ca̱x namaxã i ngẽma togü i taenexẽgü.

1 Corintios 16:11 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

Ngechuchuarü ngúexü̃gü ga yamugüxü̃arü puracüchiga 15:33

Rü marü ñuxre ga ngunexü̃ yéma nayexmagüguwena, rü ínixĩ. Rü yema yaxõgüxü̃ ga Antioquíacüã̱x, rü taãẽãcüma Yúdaxü̃ rü Chíraxü̃ narümoxẽgü rü meama ínayamugü nax naxca̱x nawoeguxü̃ca̱x ga yema Yerucharéü̃cüã̱x ga noxri natanüwa namugüxü̃.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

1 Corintios 16:10

Rü ngẽxguma Timutéu petanüwa nguxgu, rü chanaxwa̱xe i meama penayaxu nax petanüwa nataãẽxü̃ca̱x. Erü nüma rü ta chauxrüxü̃ tórü Coriaxü̃́ napuracü.

1 Corintios 16:6

Rü ngürüãchi tá ñuxre i ngunexü̃gü ngẽxma petanügu charüxã̱ũ̱x, rü bexmana ngürüãchi ngéma petanüwa tá chanangupetüxẽxẽ ya yimá tauemacügü ya nagu nagáuanecü. Rü ngẽmawena rü marü name nax choxü̃ perüngü̃xẽẽgüxü̃ nax ngẽma íchaxũxchaü̃xü̃wa chaxũxü̃ca̱x.

Norü tomaepü̱x ga popera ga Cuáü̃ ümatüxü̃ 1:6

Rü nümagü rü nua nangugü, rü torü ngutaque̱xepataü̃wa nüxü̃ nixugüe nax aixcüma nüxü̃ cungechaü̃xü̃ rü namaxã cumecümaxü̃. Rü chanaxwa̱xe i nüxü̃ curüngü̃xẽxẽ i ngẽma taenexẽgü i ngẽxguma wena cuxü̃tawa nangugügu. Rü ngẽxguma cuxna íyaxĩxgu rü ¡Tupana naxwa̱xexü̃ãcüma nüxna naxã i ta̱xacü i nüxü̃́ taxuxü̃ i norü namawaxü̃!

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Ngechuchuarü ngúexü̃gü ga yamugüxü̃arü puracüchiga 15:3

Rü yemaacü ga yema yaxõgüxü̃ ga Antioquíacüã̱x rü Yerucharéü̃wa nanamugü ga yema yatügü nax naxca̱x íyacagüxü̃ca̱x rü yamexẽẽgüãxü̃ca̱x ga yema wiecha̱xmüü̃pe̱xechiraü̃chiga. Rü Feníchiaanewa rü Chamáriaanewa nachopetü ga Pauru rü Bernabé. Rü yéma rü duü̃xü̃gümaxã nüxü̃ nixugüe nax yema tama Yudíugü ixĩgüxü̃ rü nüxü̃ nax naxoexü̃ ga nũxcümaü̃xü̃ ga nacümagü nax Tupanawe naxĩxü̃ca̱x. Rü yema oremaxã poraãcü nanataãẽxẽẽgü ga guxü̃ma ga yema yaxõgüxü̃.