1 Corintios 15:57 - Tupanaarü Ore

⁵⁷ Natürü name nixĩ i Tupanana moxẽ taxã yerü núma nanamu ga tórü Cori ya Ngechuchu ya Cristu nax ngẽma yuxü̃ tüxü̃ naporamaexẽẽxü̃ca̱x.

1 Corintios 15:57 Referans Kwoze

2 Corintios 2:14

Rü Tupanana moxẽ taxãgü erü ñu̱xma nax Cristuarü duü̃xü̃gü tixĩgüxü̃, rü nüma ya Tupana rü guxü̃guma tomaxã nanaxũpe̱xe. Rü nüma nixĩ i towa duü̃xü̃güxü̃ nüxü̃ nacua̱xẽẽxü̃ i norü ore. Rü ngẽma norü ore rü guxü̃wama nangu, rü ñoma i naanewa rü ñoma wüxi i pumara i yixichixü̃rüxü̃ nixĩ.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Ucu̱xẽgüchiga 21:31

Ngẽma churara rü nanamexẽxẽ i norü cowaru nax daiwa naxũxü̃ca̱x. Natürü Tupana nixĩ ya yimá pora nüxna ãcü nax norü uanügüxü̃ naporamaexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

2 Corintios 9:15

Rü ngẽmaca̱x i ñu̱xma rü Tupanana moxẽ taxã, yerü tüxna nanamu ga Nane nax tórü ãmare yixĩxü̃ca̱x. Rü nataxuma i ore i nagu mexü̃ nax nüxü̃ ixuxü̃ca̱x nax ñuxãcü namaxã itaãẽgüxü̃ i ngẽma ãmare ya Tupana tüxna ãxü̃.

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Efesios 5:20

Rü name nixĩ i guxü̃guma tórü Cori ya Ngechuchu ya Cristuégagu Tanatü ya Tupanana moxẽ pexãgü naxca̱x i guxü̃ma i norü ngü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:11

Rü ñu̱xmax, Pa Chaunex, rü cuxü̃tawa nangẽxma ya Tupana, rü marü cua̱x cuxna naxã nax cunaxüxü̃ca̱x ya yima napata ya taxü̃ne, yexgumarüxü̃ ga cumaxã nax naxueguãxü̃ nax cuma tá yixĩxü̃ nax cunaxüxü̃.

2 Corintios 1:11

Natürü tanaxwa̱xe i pema rü perü yumüxẽmaxã toxü̃ perüngü̃xẽxẽ. Rü ngẽxguma ngẽmaãcü penaxü̱xgux, rü muxü̃ma i duü̃xü̃gü rü tá Tupanana moxẽ naxãgü naxca̱x i ngẽma ngü̃xẽxẽ i nüma toxna naxãxü̃.

1 Corintios 15:51

Natürü chanaxwa̱xe nax nüxü̃ pecuáxü̃ i Tupanaarü ĩnü i ẽxü̃guxü̃ ga noxri nüxicatama nüxü̃ nacuáxü̃. Rü dücax, taxũtáma guxã tayue, natürü guxãxü̃ne rü tá naxüchicüü.

Norü taxre ga popera ga ãẽ̱xgacügüchiga 5:1

Rü nüma ga Naamáü̃ rü guma Chíriaanearü ãẽ̱xgacü ga réiarü churaragüeru nixĩ. Rü norü ãẽ̱xgacü rü poraãcü nüxü̃ nangechaü̃ rü nüxü̃ narüngü̃xẽxẽ yerü muẽ̱xpü̱xcüna rü norü churaragümaxã norü uanügüxü̃ narüporamae. Natürü nüma ga Naamáü̃ rü chaxünemaxã nida̱xawe.

Ngechuchuarü ngúexü̃gü ga yamugüxü̃arü puracüchiga 27:35

Rü yexguma marü yema ñaxgu, rü nanayaxu ga wüxi ga paũ, rü Tupanana moxẽ naxã nape̱xewa ga guxü̃ma. Rü inanabücu ga yema paũ, rü inanaxügü nax nangṍoxü̃.

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.