1 Corintios 15:51 - Tupanaarü Ore

⁵¹ Natürü chanaxwa̱xe nax nüxü̃ pecuáxü̃ i Tupanaarü ĩnü i ẽxü̃guxü̃ ga noxri nüxicatama nüxü̃ nacuáxü̃. Rü dücax, taxũtáma guxã tayue, natürü guxãxü̃ne rü tá naxüchicüü.

1 Corintios 15:51 Referans Kwoze

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

1 Corintios 4:1

Rü ngẽmaca̱x tanaxwa̱xe i nagu perüxĩnüe nax Cristuarü puracütanüxü̃mare tixĩgüxü̃. Rü nüma nixĩ i toxü̃ namuxü̃ nax pexü̃ tangúexẽẽxü̃ca̱x ga yema ore ga noxri Tupanaxicatama nüxü̃ cuáxü̃.

1 Corintios 15:6

Rü yemawena ga Cristu rü 500 arü yexera ga duü̃xü̃gü ga yaxõgüxü̃ca̱x nango̱x. Rü muxü̃ma i ngẽma duü̃xü̃gü rü ñu̱xma rü ta namaxẽ, natürü nümaxü̃ rü marü nayue.

1 Corintios 2:7

Natürü ngẽma cua̱x rü Tupanawa nixĩ i ne naxũxü̃. Rü ngẽma cua̱x nixĩ ga noxri tauta naane uxgu Tupanaxicatama nagu rüxĩnüxü̃ nax ñuxãcü tá tüxna naxããxü̃ i maxü̃ i taguma gúxü̃.

Efesios 5:32

Rü ngẽma orewa nango̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü ngẽmagu chanangu nax Cristu rü ngẽma yaxõgüxü̃ rü wüxitama yaxĩgüxü̃.

Efesios 3:3

Rü Tupana rü choxü̃ nüxü̃ nacua̱xẽxẽ ga norü ĩnü ga nüxicatama nüxü̃ nacuáxü̃. Rü yemachiga nixĩ ga írarüwa marü pexca̱x chanaxümatüxü̃ ga noxrix.

1 Corintios 15:18

Rü chi aixcüma yixĩxgu nax tama wena namaxẽxü̃ i duü̃xü̃gü, rü ngẽma duü̃xü̃gü i Cristuaxü̃́ yaxõgüxü̃ i marü yuexü̃, rü chi ta taxũchima nüxü̃́ nangẽxma i maxü̃ i taguma gúxü̃.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

2 Corintios 5:2

Rü ngẽmaca̱x i ñu̱xma i ñaa toxonewa tamaxẽyane rü yáxna tarüngü rü tama aixcüma tataãẽgü. Erü tanaxwa̱xe nax paxa toxü̃́ nangẽxmaxü̃ i ngẽma toxone i daxũguxü̃ i naanewa tá toxü̃́ ngẽxmaxü̃.

2 Corintios 5:4

Rü ñaa toxone i ñu̱xma toxü̃́ ngẽxmaxü̃wa tamaxẽyane rü tanaxĩ̱xãchiãẽgü rü yáxna tarüngü rü tama aixcüma tataãẽgü. Rü tama ítanatáxchaü̃ i toxone i ñoma i naanewa toxü̃́ ngẽxmaxü̃, natürü tanaxwa̱xegü nax tanayaxuxü̃ i toxone i ngexwaca̱xü̃xü̃ nax ngẽmaãcü ngẽma maxü̃ i ngexwaca̱xü̃xü̃ iyanaxoxẽẽxü̃ca̱x i toxone i ñu̱xma toxü̃́ ngẽxmaxü̃.