1 Corintios 15:44 - Tupanaarü Ore

⁴⁴ Rü itanata̱x i ngẽma naxü̃ne i ñoma i naanecüã̱x ixĩxü̃. Natürü ngẽxguma ínadaxgu, rü daxũcüã̱x i naxü̃ne tá nixĩ. Rü ñu̱xma nax nangẽxmaxü̃ i naxü̃ne i ñoma i naanecüã̱x rü ngẽmawa nüxü̃ tacua̱x nax nangẽxmaxü̃ ta i naxü̃ne i daxũcüã̱x.

1 Corintios 15:44 Referans Kwoze

1 Corintios 15:50

Rü dücax, Pa Chauenexẽgüx, pemaxã nüxü̃ chixu rü ñaa taxü̃ne i namachinaxca̱x rü naxchina̱xãnaxca̱x, rü taxucürüwa Tupana ãẽ̱xgacü íyixĩxü̃wa nangu. Erü ngẽma iyarüxoxü̃, rü taxucürüwama Tupanaxü̃tawa i ngextá taxuxü̃ma íyarüxoxü̃wa nixücu.

Ore i mexü̃ ga Luca ümatüxü̃ 24:31

Rü yexgumatama naãxẽxü̃ nicua̱xãchitanü. Rü nüxü̃ nacua̱xgü nax gumá yixĩxü̃ ga Ngechuchu. Natürü yexgumatama ngürüãchi inayarütaxu ga nümax.

Ore i mexü̃ ga Cuáü̃ ümatüxü̃ 20:26

Rü 8 ga ngunexü̃guwena rü wenaxarü nangutaque̱xegü ga yema ngúexü̃gü ga wüxi ga ĩpatawa. Rü natanüwa nayexma ga Tumáchi ga yexguma. Rü woo nax nawãxtaxü̃ ga ĩã̱x, rü ngürüãchi yéma nango̱x ga Ngechuchu, rü norü ngãxü̃tanügu nachi. Rü nüxü̃ narümoxẽ, rü ñanagürü: —¡Petaãẽgü! —ñanagürü.

Ore i mexü̃ ga Cuáü̃ ümatüxü̃ 20:19

Rü yema yüxüarü ngunexü̃arü chütacü, rü nangutaque̱xegü ga Ngechuchuarü ngúexü̃gü. Rü nügü narüwãxtaü̃gü, yerü yema Yudíugüarü ãẽ̱xgacügüxü̃ namuü̃e. Rü Ngechuchu rü ngürüãchi yéma nango̱x, rü norü ngãxü̃tanügu nachi. Rü nüxü̃ narümoxẽ, rü ñanagürü: —¡Petaãẽgü! —ñanagürü.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.