1 Corintios 15:10 - Tupanaarü Ore

¹⁰ Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

1 Corintios 15:10 Referans Kwoze

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

2 Corintios 3:5

Rü tama tóxrütama cua̱xmaxã nixĩ i tanaxüxü̃ i ngẽma puracü. Natürü guxü̃ma i ngẽma taxüxü̃ rü Tupanaarü ngü̃xẽẽmaxã nixĩ i tanaxüxü̃.

Filipenses 2:13

Erü Tupana nixĩ ya perü maxü̃wa puracücü nax mexü̃gu perüxĩnüexü̃ca̱x. Rü nüma nixĩ i pexü̃ nangü̃xẽẽxü̃ nax naga pexĩnüexü̃ca̱x rü peyanguxẽẽxü̃ca̱x i ngẽma norü ngúchaü̃.

Gálatas 2:8

Rü yimátama Tupana ga Pedruxü̃ mucü nax Yudíugümaxã nüxü̃ yaxuxü̃ca̱x ga ore i mexü̃, rü yimátama Tupana nixĩ ga choxü̃ mucü nax yema duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x i ngẽma norü ore.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

2 Corintios 12:11

Bexmana ñoma wüxi i ãũãẽxü̃rüxü̃ chidexa, natürü pegagutama nixĩ i düxwa ngẽmaãcü chaugüétüwa chidexaxü̃. Natürü pema chi nixĩ ga chauétüwa pidexagüxü̃ rü tama i chomax. Rü woo taxuwama chame i chomax, natürü taxuwama choxü̃ narüyexeragü i ngẽma orearü uruü̃güneta i nawe perüxĩxü̃.

2 Corintios 6:1

Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

1 Corintios 4:7

Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

1 Corintios 15:2

Rü ngẽma oregagu nixĩ i pexü̃́ nangẽxmaxü̃ i maxü̃ i taguma gúxü̃, ega aixcüma guxü̃guma peyaxõgügu. Natürü ngẽxguma tama guxü̃guma peyaxõgügu, rü natüca̱xmamare nixĩ i ngẽma perü õ.

Romanos 11:1

Ñu̱xma pexna chaca rü, ¿ẽ̱xna pexca̱x rü Tupana rü marü nüxü̃ naxo i norü duü̃xü̃gü i Iraétanüxü̃gü? Tama nixĩ i nüxü̃ naxoxü̃. Erü choma i Pauru rü Yudíu chixĩ. Rü Abraáü̃tanüxü̃ chixĩ, rü Abraáü̃taxa ya Bẽyamíü̃tanüxü̃ chixĩ.

Ore i mexü̃ ga Matéu ümatüxü̃ 10:20

Rü taxũtáma pema nixĩ i pidexagüxü̃, natürü Tupanaãxẽ ya Üünecü tá nixĩ i pewa idexaxü̃.

1 Corintios 3:6

Rü chauxü̃tawa nixĩ ga nüxü̃ pexĩnüexü̃ rü peyaxõgüxü̃ ga Tupanaarü ore ga noxrix. Rü Apóru nixĩ ga pexü̃ rüngü̃xẽẽcü nax yexeraãcü mea peyaxõgüxü̃ ga yema ore. Natürü Tupana nixĩ ga pexü̃ maxẽxẽẽcü.

1 Corintios 3:10

Rü choma nixĩ ga Tupana choxü̃ muxü̃ nax chaxíra pemaxã nüxü̃ chixuxü̃ca̱x ga Cristuchiga. Rü togü nixĩ ga chowena yexeraãcü pexü̃ ngúexẽẽxü̃. Natürü guxãma ya texé ya naxǘxe i ñaa puracü rü name nixĩ i taxuãxẽ nax mea tanaxüxü̃ca̱x.

1 Corintios 15:11

Natürü i ñu̱xma rü nüetama nixĩ ega woo choma chixĩxgu rü ẽ̱xna togü yixĩxgu ga pemaxã nüxü̃ ixuxü̃ ga yema ore. Yerü yema ore ga pemaxã nüxü̃ tixuxü̃, rü Tupanaarü ore i tüxü̃ maxẽxẽẽxü̃ nixĩ, rü yema nixĩ ga pixõgüxü̃.

1 Tesalonicenses 5:12

Pa Chauenexẽgüx, pexü̃ taca̱xaxü̃gü nax nüxü̃ pengechaü̃güxü̃ i ngẽma taenexẽgü i petanüwa puracüexü̃ rü pemaxã icua̱xgüxü̃ rü pexü̃ ngúexẽẽxü̃ i Cori ya Ngechuchuarü ore.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.