1 Corintios 14:6 - Tupanaarü Ore

⁶ Rü dücax, Pa Chauenexẽgüx, rü ngẽxguma chi pexü̃tawa chaxũxgu, rü chi to i nagawa chidexagu, ¿rü ta̱xacüwa chi pexü̃́ namexü̃ i ngẽma? Natürü ngẽxguma chi pemaxã nüxü̃ chixuxgu i ngẽma Tupana tüxü̃ nüxü̃ cua̱xẽẽxü̃, rü ẽ̱xna ngẽma chomatama nüxü̃ chacuáxü̃ nax aixcüma yixĩxü̃, rüe̱xna ngẽma ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃, rüe̱xna ta̱xacürü to i ngu̱xẽẽtae i Tupanachiga, rü ngẽmawaxi nixĩ i pexü̃́ mexü̃.

1 Corintios 14:6 Referans Kwoze

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

Norü taxre ga popera ga Timutéuca̱x naxümatüxü̃ ga Pauru 3:16

Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Romanos 6:17

Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.

1 Corintios 14:1

¡Rü naxca̱x peda̱u̱x nax duü̃xü̃güxü̃ pengechaü̃güxü̃! Rü ngẽxgumarüxü̃ ta name nixĩ i naxca̱x pedau i ngẽma cua̱xgü i Naãxẽ ya Üünexü̃wa ne ĩxü̃. Rü ngẽma cua̱x i yexeraãcü penaxwa̱xexü̃ nixĩ nax pexü̃́ natauxchaxü̃ nax nüxü̃ pixuxü̃ i Tupanaarü ore.

Norü taxre ga popera ga Cuáü̃ ümatüxü̃ 1:9

Rü yíxema nangupetüxẽẽ́xe ga yema Cristu tüxü̃ ngúexẽẽxü̃, rü tama Tupanaxü̃ tacua̱x. Natürü yíxema tama nüxna íchoxü̃xẽ ga yema Cristu tüxü̃ ngúexẽẽxü̃, rü aixcüma nüxü̃ tacua̱x ya Tanatü ya Tupana rü Nane ya Ngechuchu.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Norü taxre ga popera ga Pedru ümatüxü̃ 1:5

Rü ngẽmaca̱x penaxwa̱xegü nax pegü peporaexẽẽxü̃ nax perü õétüwa peyaxǘcuchixü̃ i mexü̃ i pecüma. Rü ngẽma pecüma i mexü̃étüwa penaxwa̱xe nax cua̱x pexü̃́ ngẽxmagüxü̃ nax nüxü̃ pecuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Norü taxre ga popera ga Timutéuca̱x naxümatüxü̃ ga Pauru 3:10

Natürü cumax, Pa Timutéux, marü nüxü̃ cucua̱x i ngẽma chorü ngu̱xẽẽtae, rü chaucüma, rü ngẽma nagu charüxĩnüxü̃, rü ngẽma chorü õ, rü ñuxãcü nüxü̃ changechaü̃xü̃ ga yema yaxõgüxü̃ rü yáxna namaxã chaxĩnüxü̃.

Norü taxre ga popera ga Timutéuca̱x naxümatüxü̃ ga Pauru 2:14

Rü ngẽma yaxõgüxü̃ i cuxü̃tawa ngẽxmagüxü̃, rü name nixĩ i Tupanaégagu nüxna nüxü̃ cucua̱xãchixẽxẽ nax tama ngẽma ore i taxuwama mexü̃ca̱x nügümaxã nax yaporagatanücüüxü̃ca̱x. Erü ngẽma rü guxchaxü̃ ínanguxẽxẽ tümaca̱x ya yíxema nüxü̃ ĩnüexe.

Filipenses 3:15

Rü guxãma ya yíxema marü aixcüma Cristuaxü̃́ yaxõgüxe, rü name nixĩ i ngẽmagutama tarüxĩnüe. Natürü ngẽxguma chi texé i petanüwa toõcü nagu tarüxĩnügu, rü Tupana tá tüxü̃ nüxü̃ nacua̱xẽxẽ i ngẽmachiga.

Efesios 3:4

Rü ngẽxguma mea nawa pengúegu i ngẽma popera rü tá nüxü̃ pecua̱x nax aixcüma yixĩxü̃ ga yema ore ga noxri Tupana nüxicatama nüxü̃ cuáxü̃ nax Cristugagu duü̃xü̃güxü̃ namaxẽxẽẽxü̃.

2 Corintios 12:7

Natürü tórü Cori rü tama nanaxwa̱xe i chaugü namaxã chicua̱xüxü̃ ga yema ẽxü̃guxü̃ ga mexẽchixü̃ ga choxü̃ nüxü̃ nacua̱xẽẽxü̃. Rü yemaca̱x chaxunewa nangu ga wüxi ga choxü̃́ ngúxü̃ ñoma wüxi ya tuxu chaxunewa ingaxixü̃rüxü̃. Rü yema rü ñoma wüxi ga Chatanáarü chuxchirüxü̃ choxna nangu nax choxü̃ nachixewexü̃ca̱x nax tama chaugü chicua̱xüxü̃xü̃ca̱x.

2 Corintios 12:1

Taxuwama name nax yigü icua̱xüü̃xü̃. Natürü tá pemaxã nüxü̃ chixuama nax ñuxãcü tórü Cori choxü̃ nango̱xetüxẽẽxü̃ rü choxü̃ nüxü̃ nacua̱xẽẽxü̃ ga ta̱xacü ga ẽxü̃guxü̃.

2 Corintios 11:6

Rü woo tama choxü̃́ nangẽxmagu i tauxcha nax duü̃xü̃güpe̱xewa chidexaxü̃, natürü aixcüma mea nüxü̃ chacua̱x i ngẽma nachiga chidexaxü̃. Rü guxü̃guma guxü̃ma i torü puracüwa marü pexü̃ tanawe̱x nax aixcüma mea nüxü̃ tacuáxü̃ i ngẽma nachiga tidexagüxü̃.

1 Corintios 10:33

Rü choma rü guxü̃wama guxü̃xü̃ma chataãẽxẽẽchaü̃. Rü ngẽmaca̱x tama chanaxü i ngẽma chomatama namaxã chataãẽxü̃, natürü chanaxü i ngẽma togü namaxã taãẽxü̃ nax ngẽmaãcü nümagü rü ta nüxü̃́ nangúchaü̃ nax yaxõgüãxü̃ rü nayauxgüãxü̃ i maxü̃ i taguma gúxü̃.

Romanos 16:17

Pa Chauenexẽgüx, pexü̃ chaca̱a̱xü̃ nax pegüna pedaugüxü̃ca̱x nüxna i ngẽma duü̃xü̃gü i pexü̃ itoyechaü̃xü̃ rü chixexü̃gu pexü̃ yixẽẽchaü̃xü̃. Erü ngẽma duü̃xü̃güarü ngu̱xẽẽtae rü tama namaxã nawüxigu i ngẽma ngu̱xẽẽtae ga noxri peyauxgüxü̃ ga yexguma noxri peyaxõgügu. Rü name nixĩ i noxtacüma nüxna pixĩgachi i ngẽma duü̃xü̃gü rü tama natanügu pexãgü.

Romanos 15:14

Pa Chauenexẽgüx, meama nüxü̃ chacua̱x nax guxü̃ i duü̃xü̃gümaxã pemecümaxü̃, rü aixcüma Tupanaxü̃ nax pecuáxü̃. Rü nüxü̃ chacua̱x nax meama nüxü̃ pecuáxü̃ nax pegü pixucu̱xẽgüxü̃.

Ngechuchuarü ngúexü̃gü ga yamugüxü̃arü puracüchiga 2:42

Rü yema yexwacax yaxõgüxü̃ rü guxü̃guma inarüxĩnüe ga yema ngúexü̃gü ga Ngechuchu imugüxü̃arü ngu̱xẽẽtae. Rü mea nügümaxã nangaugü ga norü yemaxü̃gü. Rü guxü̃guma nayumüxẽgüxü̃ rü chibüca̱x nangutaque̱xegüxü̃.

Ore i mexü̃ ga Matéu ümatüxü̃ 16:26

Rü ¿Ta̱xacüwa i nüxü̃́ namexü̃ ya wüxi ya yatü ega nayauxãgu i guxü̃ma i ñoma i naanewa ngẽxmaxü̃ natürü iyanatauxẽẽãgu i norü maxü̃? Erü taxucürüwama wüxi ya yatü rü norü diẽrumaxã naxca̱x nataxe i norü maxü̃.

Ore i mexü̃ ga Matéu ümatüxü̃ 16:17

Rü Ngechuchu nanangãxü̃ rü ñanagürü nüxü̃: —Cuma rü aixcüma cutaãxẽ, Pa Chimóü̃, Pa Yoná Nanex, erü taxuxü̃ma i duü̃xü̃ nixĩ i cuxü̃ nüxü̃ cua̱xẽẽxü̃ i ngẽma, natürü Chaunatü ya daxũgucü nixĩ ya cuxü̃ nüxü̃ cua̱xẽẽcü nax Nane chixĩxü̃.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.

1 Chamué 12:21

¡Rü taxṹ i nawe perüxĩxü̃ i ngẽma tupananetagü i tama pexü̃ rüngü̃xẽẽxü̃ rü tama pexü̃ maxẽxẽxẽxü̃! Erü ucaxü̃mare nixĩ i ngẽma tupananetagü.

1 Corintios 14:7

¡Rü dücax ngẽma paxetaruxü̃ i quena rü ẽ̱xna árpa! Rü ngẽxguma ngéma naxãgamaregu rü tama ínaxueguãchigagu rü taxũchima nüxü̃ tacua̱x nax ta̱xacügu napaxüxü̃.