1 Corintios 14:5 - Tupanaarü Ore

⁵ Choma chierüx chanaxwa̱xe nax guxãma i pema rü ngẽma tama nüxü̃ pecuáxü̃ i nagawa nax pidexagüxü̃. Natürü ngẽma yexeraãcü chanaxwa̱xexü̃ nixĩ nax duü̃xü̃gümaxã nüxü̃ pixuxü̃ i Tupanaarü ore. Erü ngẽma nixĩ i to i nagawa idexaxü̃arü yexera rümemaexü̃ ega tataxu̱xgu nax texé nüxü̃ ixuxü̃ nax ta̱xacüchiga yixĩxü̃ i ngẽma dexa i to i nagawa nüxü̃ tixuxü̃ nax ngẽmaãcü nüxü̃ nangü̃xẽẽxü̃ca̱x i ngẽma yaxõgüxü̃.

1 Corintios 14:5 Referans Kwoze

1 Corintios 12:10

Rü toguxe rü tüxna nanaxã i pora nax itanawéxü̃ca̱x i cua̱xruü̃gü i Tupanaarü poramaxã üxü̃. Rü toguxe rü tüxü̃́ nanatauxchaxẽxẽ nax nüxü̃ tixuxü̃ca̱x i Tupanaarü ore. Rü toguxe rü tüxna nanaxã i cua̱x nax nüxü̃ tacuáxü̃ca̱x i ta̱xacü yixĩxü̃ i ngo̱xogüarü ixĩxü̃ rü ta̱xacü yixĩxü̃ i Tupanaãxẽ i Üünexü̃arü ixĩxü̃. Rü toguxe rü tüxna nanaxã i tauxcha nax ngẽma tama nüxü̃ tacuáxü̃ i nagawa tidexaxü̃ca̱x. Rü toguxe rü tüxna nanaxã i cua̱x nax tanango̱xẽẽxü̃ca̱x nax ta̱xacüchiga yixĩxü̃ nax tidexaxü̃ ya yíxema to i nagawa idexaxe.

1 Corintios 13:1

Rü woo togü i nagawa chidexagu, rü woo Tupanaarü orearü ngeruü̃gü i daxũcüã̱xgawa chidexagu, natürü ñoma wüxi i paxetaruxü̃ i ãgamarexü̃rüxü̃ chixĩ ega tama choxü̃́ nangẽxmagu i ngechaü̃.

Ore i mexü̃ ga Márcu ümatüxü̃ 16:17

Rü ñaa tá nixĩ i cua̱xruü̃gü i nawa nüxü̃ icuáxü̃ i ngẽma yaxõgüxü̃. Rü chauégagu tá ínanawoxü̃ i ngo̱xogü. Rü ngexwaca̱xü̃xü̃ i nagagüwa tá nidexagü.

1 Corintios 14:1

¡Rü naxca̱x peda̱u̱x nax duü̃xü̃güxü̃ pengechaü̃güxü̃! Rü ngẽxgumarüxü̃ ta name nixĩ i naxca̱x pedau i ngẽma cua̱xgü i Naãxẽ ya Üünexü̃wa ne ĩxü̃. Rü ngẽma cua̱x i yexeraãcü penaxwa̱xexü̃ nixĩ nax pexü̃́ natauxchaxü̃ nax nüxü̃ pixuxü̃ i Tupanaarü ore.

1 Corintios 13:4

Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma. Rü tama taxãũxãchiwa̱xe, rü tama togüxü̃ tügü tarüyexera, rü tama tügü ticua̱xüxü̃.

Romanos 14:19

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

1 Corintios 14:17

Rü woo ngẽma curü yumüxẽ rü namexẽchigu, natürü yíxema duü̃xẽgü ya ngéma irüxĩnüexe rü taxuxü̃ma i mexü̃ nawa tayaxu ega to i nagawa cuyumüxẽgu.

Naanearü ügüchiga 30:34

Rü Labáü̃ nanangãxü̃ rü ñanagürü: —Marü name nixĩ i ngẽma nüxü̃ quixuxü̃ —ñanagürü.