1 Corintios 14:3 - Tupanaarü Ore

³ Natürü yíxema nüxü̃ ixuxe i Tupanaarü ore rü ngẽma yaxõgüxü̃arü ngü̃xẽẽruxü̃ tixĩ, erü ngẽma oremaxã nüxü̃́ tanangúchaü̃xẽxẽ nax yexeraãcü yaxõgüãxü̃ca̱x rü ngẽma oremaxã tanataãẽxẽxẽ i ngẽxguma guxchaxü̃ nüxü̃ üpetügu.

1 Corintios 14:3 Referans Kwoze

1 Corintios 14:12

Choma nüxü̃ chacua̱x rü pema rü pexü̃́ nangúchaü̃ nax pexü̃́ nangẽxmaxü̃ i ngẽma cua̱x i Tupanaãxẽ ya Üünecü tüxna ãxü̃. Natürü name nixĩ i naxca̱x pedau nax guxü̃arü yexera pexna naxããxü̃ i ngẽma cua̱x i namaxã nüxü̃ perüngü̃xẽẽxü̃ i guxü̃ma i yaxõgüxü̃ nax yexeraãcü mea Tupanaaxü̃́ yaxõgüãxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:13

Rü chanaxwa̱xe i ngutaque̱xewa i duü̃xü̃güpe̱xewa nüxü̃ cudaumatü i Tupanaarü ore, rü duü̃xü̃gümaxã nüxü̃ quixu nax ñuxũ ñaxü̃chiga yixĩxü̃. Rü chanaxwa̱xe i ngẽmaãcü cunangúexẽxẽ rü nüxü̃́ cunangúchaü̃xẽxẽ i ngẽma taenexẽgü ñu̱xmatáta ngéma changu i chomax.

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Popera ga Títoca̱x naxümatüxü̃ ga Pauru 1:9

Rü yíxema yaxõgüxü̃arü ãẽ̱xgacü ixĩxẽ rü name i mea nagu tixũ ga yema ore i aixcüma ixĩxü̃ ga tüxü̃ ingu̱xẽẽxü̃ nax tüma rü ta togüxü̃ tangúexẽẽxü̃ca̱x i ngẽma ore i mexü̃, nax ngẽmaãcü nüxü̃́ tanangúchaü̃xẽẽxü̃ca̱x nax yaxõgüãxü̃ca̱x i ngẽma duü̃xü̃gü i tama yaxõgüchaü̃xü̃.

Efesios 6:22

Rü ngẽmaca̱x nixĩ i pexü̃tawa chanamuxü̃, nax pemaxã nüxü̃ yaxuxü̃ca̱x nax ñuxãcü toxü̃ naxüpetüxü̃ rü ngẽmaãcü pexü̃ nataãẽxẽẽxü̃ca̱x.

Popera ga Títoca̱x naxümatüxü̃ ga Pauru 2:6

¡Rü ngẽxgumarüxü̃ ta meama yaxucu̱xẽgü i ngẽma ngextü̱xücügü nax aixcüma mea naãẽxü̃ nacuáãcüma namaxẽxü̃ca̱x!

1 Corintios 14:31

Rü ngẽxguma texé Tupana tümamaxã idexagu, rü name nixĩ i wüxichigü ítanangu̱xẽxẽ nax tümawa nanguxü̃ nax nüxü̃ tixuxü̃ca̱x i ngẽma Tupana tümamaxã nuxü̃ ixuxü̃ i ore nax ngẽmaãcü i ngẽma yaxõgüxü̃ rü nüxü̃ nacua̱xgüxü̃ca̱x nax ta̱xacüchiga yixĩxü̃ i ngẽma nüxü̃ tixuxü̃ rü nataãẽgüxü̃ca̱x.

1 Corintios 14:26

Dücax, Pa Chauenexẽgüx, ñu̱xma tá pemaxã nüxü̃ chixu nax ñuxãcü tá penaxüxü̃ ega ngẽxguma pengutaque̱xegügu. Rü ñuxre i pema rü marü name nax Tupanaarü wiyaegu pewiyaegüxü̃, rü toguxe rü tangu̱xẽẽtaegüxü̃, rü toguxe rü nüxü̃ tixuxü̃ i ngẽma ore ya Tupana tüxü̃ nüxü̃ cua̱xẽẽxü̃, rü toguxe rü nawa tidexagüxü̃ i naga i tama nüxü̃ tacua̱xgüxü̃, rü toguxe rü tanango̱xẽẽgüxü̃ i ngẽma dexa i to i nagawa nüxü̃ yaxugüxü̃. Natürü guxü̃ma i ngẽma rü tanaxwa̱xe i ngẽma yaxõgüxü̃arü ngü̃xẽẽca̱x nax yixĩxü̃, nax yexeraãcü yaxõgüãxü̃ca̱x rü mea Tupanaca̱x namaxẽxü̃ca̱x.

Romanos 14:19

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

Ngechuchuarü ngúexü̃gü ga yamugüxü̃arü puracüchiga 13:15

Rü yema ngutaque̱xewa nüxü̃ nadaumatügü ga Tupanaarü mugü ga Moiché ümatüxü̃ rü yema ore ga Tupanaarü orearü uruü̃gü ümatüxü̃. Rü yemawena, rü guma ngutaque̱xepataü̃arü ãẽ̱xgacügü, rü Bernabéna rü Pauruna nacagü, rü ñanagürügü: —Pa Toenexẽgüx, ngẽxguma pexü̃́ nangẽxmagu i perü ore i taãẽxẽẽruxü̃ i toxca̱x rü marü name i ñu̱xma tomaxã nüxü̃ pixu —ñanagürügü.

Popera ga Títoca̱x naxümatüxü̃ ga Pauru 2:9

¡Rü meama yaxucu̱xẽgü i ngẽma yaxõgüxü̃ i mugüruxü̃ ixĩgüxü̃! ¡Rü namaxã nüxü̃ ixu nax guxü̃guma mea norü coriga naxĩnüexü̃ca̱x, rü norü corimaxã namecümagüxü̃ca̱x, rü taguma norü corixü̃ nachoxü̃gagüxü̃ca̱x!

1 Tesalonicenses 2:3

Rü yexguma pemaxã nüxü̃ tixuxgu ga yema ore, rü tama ítatüeãcüma pemaxã nüxü̃ tixu. Rü tama chixexü̃ pemaxã taxügüchaü̃ãcüma rü tama pexü̃ tawomüxẽẽgüchaü̃ãcüma pemaxã nüxü̃ tixu ga yema ore.

1 Corintios 10:23

Pema rü ñaperügügü: “Marü ítanguxü̃ nax naxügüxü̃ca̱x i ta̱xacü i inaxwa̱xegüxü̃”, ñaperügügü. Rü aixcüma nixĩ i ngẽma, natürü tama tüxü̃́ name i guxü̃ma i ngẽma ixügüchaü̃xü̃. Rü aixcüma ítanguxü̃ nax naxügüxü̃ca̱x i ngẽma inaxwa̱xexü̃, natürü tama guxü̃ma i ngẽma ixügüxü̃ tüxü̃ narüngü̃xẽxẽ nax yexeraãcü yaxõgüxü̃ca̱x.

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.

Popera ga Yudíugü ga yaxõgüxü̃ca̱x ümatüxü̃ 13:22

Pa Chauenexẽgüx, pexü̃ chaca̱xaxü̃ nax yáxna namaxã pexĩnüexü̃ i ñaa noxretama i ore i pexca̱x chaxümatüxü̃ i namaxã pexü̃ chaxucu̱xẽxü̃.

Popera ga Yudíugü ga yaxõgüxü̃ca̱x ümatüxü̃ 10:25

Rü tama name nax nüxü̃ rüxoexü̃ nax ingutaque̱xegüxü̃, erü togü rü marü nüxü̃ narüxoe nax ngutaque̱xewa naxĩxü̃. Natürü name nixĩ i yigüaxü̃́ tanangúchaü̃xẽxẽ nax ingutaque̱xegüxü̃. Rü ñu̱xma nax nüxü̃ icuáxü̃ nax marü yangaicaxü̃ ya tórü Cori, rü name nax yexeraãcü yigüaxü̃́ nangúchaü̃xẽẽxü̃ nax ingutaque̱xegüxü̃.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:2

Rü ngẽxguma chi ngẽma mugüruü̃gü rü naxrüxü̃ yaxõgüxü̃maxã nacoriã̱xgügu, rü tama tanaxwa̱xe i ngẽma nax nügüenexẽgü yaxĩgüxü̃ca̱x nüxü̃ narüxoe nax nüxü̃ nangechaü̃güxü̃ i norü corigü. Natürü narümemae nax yexeraãcü mea naga naxĩnüexü̃ rü nüxü̃́ napuracüexü̃ erü norü corigü rü naxrüxü̃ yaxõgüxü̃ nixĩgü rü naenexẽgü ya Tupana nüxü̃ ngechaü̃güxü̃ nixĩgü. Pa Timutéux, chanaxwa̱xe i meama cunangúexẽxẽ i ngẽma cumaxã nüxü̃ chixuxü̃, rü guxü̃ma i yaxõgüxü̃pe̱xewa nüxü̃ quixu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:4

Rü chanaxwa̱xe i ngẽma duü̃xü̃gümaxã nüxü̃ quixu nax nüxü̃ naxoexü̃ca̱x nax namaxã nangúexẽẽãxü̃ i ngẽma nacümagü ga nũxcümaü̃güxü̃ ga duü̃xü̃gü nagu ĩxü̃. Rü ngẽma ngu̱xẽẽtaegagu düxwa nügümaxã nanue i duü̃xü̃gü erü doramare nixĩ, rü tama aixcüma nüxü̃ narüngü̃xẽxẽ i duü̃xü̃gü nax mea Tupanaaxü̃́ yaxõgüãxü̃ca̱x.

2 Tesalonicenses 3:12

Rü tórü Cori ya Ngechuchu ya Cristuégagu tanamu rü tanaxucu̱xẽ nax napuracüexü̃ca̱x i ngẽma duü̃xü̃gü nax nümatama norü õnaca̱x nataxegüxü̃ca̱x.

1 Tesalonicenses 4:18

Rü ngẽmaca̱x chanaxwa̱xe i ñaa oremaxã pegü petaãẽxẽẽgü.

1 Tesalonicenses 4:1

Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.

1 Tesalonicenses 3:2

Rü nagu tarüxĩnüe nax pexü̃tawa tanamuxü̃ ga taenexẽ ga Timutéu nax pexü̃ íyadauxü̃ca̱x. Rü nüma nixĩ i Tupanaarü puracütanüxü̃ i wüxigu tomaxã puracüxü̃ nax nüxü̃ tixuxü̃ca̱x i ngẽma ore i mexü̃ i Cristuchiga. Rü yéma petanüwa tanamu nax pexü̃ nangü̃xẽẽxü̃ca̱x nax yexeraãcü peyaxõgüxü̃ca̱x rü aixcüma petaãẽgüxü̃ca̱x rü yemaacü taguma texé ga petanüwa nüxü̃ rüxoxü̃ca̱x ga yexguma yema guxchaxü̃gü pexü̃́ yexmagu. Erü pematama marü nüxü̃ pecua̱x nax guxãma i yixema nax yaxõgüxü̃ rü ngúxü̃ tá tingegü.

1 Tesalonicenses 2:11

Rü ngẽxgumarüxü̃ ta pema nüxü̃ pecua̱x nax ñuxãcü pexü̃́ tanangúchaü̃xẽẽgüxü̃ rü pexü̃ tataãẽxẽẽgüxü̃ ga wüxichigü ñoma wüxi i papa i naxacügüxü̃ taãẽxẽẽgüxü̃rüxü̃.

Colosenses 4:8

Rü ñu̱xma rü petanüwa chanamu nax pexü̃ nataãẽxẽẽxü̃ca̱x rü pemaxã nüxü̃ yaxuxü̃ca̱x nax ñuxãcü choxü̃ nangupetüxü̃ i chomax.

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

2 Corintios 2:7

Rü ngẽmaca̱x i ñu̱xma rü chanaxwa̱xe i nüxü̃́ nüxü̃ iperüngüma i ngẽma chixexü̃ i naxüxü̃ rü nüxü̃ perüngü̃xẽxẽ nax ngẽma taxü̃ i norü ngechaü̃ rü tama yexeraxü̃ i chixexü̃wa nagaãxü̃ca̱x.

2 Corintios 1:4

Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

1 Corintios 14:17

Rü woo ngẽma curü yumüxẽ rü namexẽchigu, natürü yíxema duü̃xẽgü ya ngéma irüxĩnüexe rü taxuxü̃ma i mexü̃ nawa tayaxu ega to i nagawa cuyumüxẽgu.

1 Corintios 8:1

Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃.

Romanos 15:2

Natürü wüxichigü i yixema rü name nixĩ i taenexẽaxü̃́ tanangúchaü̃xẽxẽ nax ngẽmaãcü nüxü̃ rüngü̃xẽẽxü̃ca̱x nax yexeraãcü yaxõõxü̃ca̱x.

Romanos 12:8

Rü yíxema nüxü̃ cuáxe nax Tupanaarü oremaxã duü̃xü̃güxü̃ tataãẽxẽẽxü̃, rü name nixĩ i meama tanaxü i ngẽma. Rü yíxema nüxü̃ cuáxe nax togümaxã tangauxü̃ i tümaarü ngẽmaxü̃gü, rü name nixĩ i tümaarü ngúchaü̃maxã tanaxü i ngẽma. Rü yíxema ãẽ̱xgacü ixĩxẽ rü name nixĩ i meama tayanguxẽxẽ i ngẽma puracü. Rü yíxema nüxü̃ cuáxe nax togü tüxü̃́ ngechaü̃tümüxü̃güxü̃, rü name nixĩ i taãẽãcüma tanaxü i ngẽma.

Ngechuchuarü ngúexü̃gü ga yamugüxü̃arü puracüchiga 15:32

Rü Yúda rü Chíra ga Tupanaarü orearü uruü̃gü nax yixĩgüxü̃, rü muxü̃ma ga oremaxã nayaxucu̱xẽgü ga yema yaxõgüxü̃, rü nüxü̃ narüngü̃xẽxẽ nax yexeraãcü yaxõgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Ngechuchuarü ngúexü̃gü ga yamugüxü̃arü puracüchiga 9:31

Rü yema yaxõgüxü̃ ga guxü̃ma ga Yudéaanewa, rü Gariréaanewa rü Chamáriaanewa rü taãẽwa nayexmagü, rü yexeraãcü nayaxõgüetanü. Rü Cori ya Tupanaga naxĩnüe rü nüxü̃ namuü̃e. Rü Tupanaãxẽ ya Üünecüarü ngü̃xẽẽmaxã nimuetanü.

Ore i mexü̃ ga Luca ümatüxü̃ 3:18

Rü yema oremaxã rü muxü̃ma ga to ga ucu̱xẽgümaxã, rü Cuáü̃ duü̃xü̃gümaxã nüxü̃ nixu ga ore ga mexü̃ ga Ngechuchuchiga.

Popera ga Yudíugü ga yaxõgüxü̃ca̱x ümatüxü̃ 3:13

Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.

Ngechuchuarü ngúexü̃gü ga yamugüxü̃arü puracüchiga 4:36

Rü nayexma ga wüxi ga yatü ga Lebítanüxü̃ ga Chíperecüã̱x ga Yúchegu ãégacü. Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x rü Bernabémaxã nanaxugü. Rü ngẽma naéga, rü: “Taãẽxẽẽruxü̃”, ñaxü̃chiga nixĩ.