1 Corintios 13:8 - Tupanaarü Ore

⁸ Rü ngẽma ngechaü̃ rü tagutáma inayacua̱x. Natürü ngẽma nax nüxü̃ ixuxü̃ i Tupanaarü ore rü wüxi i ngunexü̃gu tá inayacua̱x. Rü ngẽma tama nüxü̃ icuáxü̃ i nagawa nax idexaxü̃, rü tá ta inayacua̱x. Rü ngẽma cua̱x i ñu̱xma tüxü̃́ ngẽxmaxü̃ rü wüxi i ngunexü̃gu rü marü taxuwatáma tüxü̃́ name.

1 Corintios 13:8 Referans Kwoze

1 Corintios 13:13

Rü ñu̱xma rü nangẽxma i tomaepü̱x i nacümagü i guxü̃gutáma ngẽxmaxü̃. Rü wüxi nixĩ nax yaxõxü̃, rü ngẽma to nixĩ nax ínangu̱xẽẽxü̃ nax nataeguxü̃ ya Cristu, rü ngẽma to nixĩ nax tüxü̃́ ngẽxmaxü̃ i ngechaü̃. Natürü ngẽma tomaepü̱xtanüwa rü ngẽma guxü̃arü yexera rümemaexü̃ nixĩ i ngẽma ngechaü̃.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Ngechuchuarü ngúexü̃gü ga yamugüxü̃arü puracüchiga 2:4

Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Popera ga Yudíugü ga yaxõgüxü̃ca̱x ümatüxü̃ 8:13

Rü dücax, ñu̱xma nax Tupana ngexwaca̱xü̃xü̃ i unetachiga idexaxü̃, rü nüxü̃ tacua̱x nax yema nüxíraxü̃xü̃ ga uneta rü ñu̱xma rü marü taxuwama namexü̃ rü paxa tá iyanaxoxü̃.

1 Corintios 13:10

Rü guxü̃ma i ngẽma cua̱x i ñu̱xma tüxü̃́ ngẽxmaxü̃ rü tá inayarüxo i ngẽxguma Tupanape̱xewa ingugügu. Rü ngẽxguma i nüma rü tá guxü̃xü̃ma tüxü̃ nacua̱xẽxẽ.

1 Corintios 12:10

Rü toguxe rü tüxna nanaxã i pora nax itanawéxü̃ca̱x i cua̱xruü̃gü i Tupanaarü poramaxã üxü̃. Rü toguxe rü tüxü̃́ nanatauxchaxẽxẽ nax nüxü̃ tixuxü̃ca̱x i Tupanaarü ore. Rü toguxe rü tüxna nanaxã i cua̱x nax nüxü̃ tacuáxü̃ca̱x i ta̱xacü yixĩxü̃ i ngo̱xogüarü ixĩxü̃ rü ta̱xacü yixĩxü̃ i Tupanaãxẽ i Üünexü̃arü ixĩxü̃. Rü toguxe rü tüxna nanaxã i tauxcha nax ngẽma tama nüxü̃ tacuáxü̃ i nagawa tidexaxü̃ca̱x. Rü toguxe rü tüxna nanaxã i cua̱x nax tanango̱xẽẽxü̃ca̱x nax ta̱xacüchiga yixĩxü̃ nax tidexaxü̃ ya yíxema to i nagawa idexaxe.

Ngechuchuarü ngúexü̃gü ga yamugüxü̃arü puracüchiga 19:6

Rü yexguma Pauru rü yema yaxõgüxü̃étügu naxǘxme̱xgu, rü nüxna nangu ga Tupanaãxẽ ya Üünecü, rü to ga nagawachigü nidexagü, rü nüxü̃ nixugüe ga Tupanaarü ore.

Ore i mexü̃ ga Luca ümatüxü̃ 22:32

Natürü choma rü Chaunatüxü̃ cuxca̱x chaca̱a̱xü̃ nax tama nüxü̃ curüxoxü̃ca̱x nax cuyaxõxü̃. Rü ngẽmaca̱x i cumax, Pa Pedru, rü ngẽxguma cha̱u̱xca̱x cutaegu̱xgu, rü chanaxwa̱xe i nüxü̃ curüngü̃xẽxẽ i cumücügü nax tama nüxü̃ naxoexü̃ca̱x nax yaxõgüãxü̃ —ñanagürü.

Yeremía 49:7

Ñaa nixĩ i Cori ya Tupana ya Guxãétüwa Ngẽxmacüarü ore nachiga i Edóü̃ane. Rü ñanagürü: —Yima ĩane ya Temáü̃wa rü marü nataxuma i duü̃xü̃gü i aixcüma nüxü̃ cua̱xüchixü̃. Rü ngẽma nüxü̃ cuáxüra rü tama nüxü̃ nacua̱x i ta̱xacü tá naxügüxü̃. Rü Temáü̃wa nataxuma i duü̃xü̃gü i aixcüma nüxü̃ cuáxü̃ nax naxucu̱xẽãxü̃ i duü̃xü̃gü.

1 Corintios 14:39

¡Rü ngẽmaca̱x, Pa Chauenexẽgüx, rü Tupanana naxca̱x peca i cua̱x nax meama nüxü̃ pixuxü̃ca̱x i norü ore! ¡Rü tama penachu̱xu nax to i nagawa yadexagüxü̃ i duü̃xü̃gü!

Ngechuchuarü ngúexü̃gü ga yamugüxü̃arü puracüchiga 13:1

Rü yema yaxõgüxü̃ ga Antioquíawa yexmagüxü̃tanüwa rü nayexma ga ñuxre ga yatügü ga Tupanaarü orearü uruü̃gü, rü ñuxre ga yatügü ga Tupanaarü orewa ngu̱xẽẽtaegüxü̃. Rü yematanüwa nayexma ga Bernabé, rü Chimóü̃ ga Waxwégu ãégaxü̃, rü Lúchiu ga Chirénecüã̱x, rü Menaéü̃ ga wüxigu Gariréaanearü ãẽ̱xgacü ga Eródemaxã yaexü̃, rü Chauru.

1 Corintios 8:2

Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.