Biblia Todo Logo
Bib sou entènèt

- Piblisite -




1 Corintios 13:7 - Tupanaarü Ore

7 Rü yíxema aixcüma tüxü̃́ nangẽxmaxẽ i ngechaü̃ rü nüxü̃ tarüngüma i guxü̃ma i guxchaxü̃gü, rü guxü̃guma tayaxõ, rü guxü̃guma mexü̃gu tarüxĩnü, rü guxü̃ma i guxchaxü̃gümaxã yáxna taxĩnü.

Gade chapit la Kopi




1 Corintios 13:7
29 Referans Kwoze  

Rü guxü̃arü yexera i ngẽma pexü̃́ chanaxwa̱xexü̃ nixĩ nax aixcüma pegü pengechaü̃güxü̃ i wüxichigü. Erü ngẽxguma aixcüma pegü pengechaü̃gügu rü ngẽmaãcü inayarüxo i muxü̃ma i pecadugü.


Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma. Rü tama taxãũxãchiwa̱xe, rü tama togüxü̃ tügü tarüyexera, rü tama tügü ticua̱xüxü̃.


Rü wüxi i Tupanaarü puracütanüxü̃ rü tama name nax texémaxã nuca̱x nadauxü̃. Rü name nax guxãmaãma namecümaxü̃ rü ínamemarexü̃ nax yáxna namaxã naxĩnüãcüma duü̃xü̃güxü̃ nangúexẽxẽ i Tupanaarü ore.


Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.


Ngẽma nax yigüchi ixaiexü̃ rü dai ínanguxẽxẽ, natürü yigü nax ingechaxü̃xü̃, rü yigüxü̃́ nüxü̃ itarüngüma i guxü̃ma i tórü guxchaxü̃gü.


Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.


¡Rü ngẽxguma texé petanüwa guxchaxü̃gü tüxü̃́ ngẽxmagu, rü pegü perüngü̃xẽxẽgü! Erü ngẽmaãcü tá peyangu̱xẽxẽ i ngẽma Cristu pexü̃ muxü̃.


¡Natürü cuma rü mea cugüna nadau, rü ínaxuãxẽ! ¡Rü namaxã napora i ngẽxguma ngúxü̃ cuxca̱x ínguxgu! ¡Rü nüxü̃ ixuama i ngẽma ore i mexü̃ i tüxü̃ maxẽxẽxẽxü̃! ¡Rü mea yanguxẽxẽ i ngẽma puracü ya Tupana cuxna ãxü̃!


Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.


¡Rü choxü̃ nangu̱xẽxẽ nax mea chauãẽxü̃ chacuáxü̃ca̱x! Erü nagu chayaxõ i ngẽma curü mugü.


Rü ngẽmaca̱x tomatama taãẽãcüma pechigaxü̃ tixu natanüwa i ngẽma togü i Tupanaaxü̃́ yaxõgüxü̃. Rü namaxã nüxü̃ tixu nax aixcüma mea peyaxõgüxü̃, rü ñuxãcü namaxã peporaexü̃ woo pewe yangexü̃tanügu i ngẽma Yudíugü rü woo namuxgu i ngẽma ngúxü̃ i pexca̱x íngugüxü̃.


Rü cuma nüxü̃ cucua̱x ga ñuxãcü chowe ningẽxü̃tanü ga duü̃xü̃gü rü ñuxãcü ngúxü̃ chinge ga yexguma Antioquíawa rü Icóniowa rü Lístrawa chayexmagu. Natürü yáxna namaxã chaxĩnü ga guxü̃ma ga yema ngúxü̃ ga chingexü̃. Rü tórü Cori ya Tupana rü choxü̃ ínapoxü̃ na̱xcha̱xwa i guxü̃ma i ngẽma ngúxü̃.


Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.


Rü chaugagu tá guxü̃ i duü̃xü̃gü pexchi naxaie. Natürü yíxema aixcüma yaxṍxe rü tama choxü̃ ítáxe, rü yíxema tá tixĩ ya nayaxúxe i maxü̃ i taguma gúxü̃.


Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.


Tupana rü marü tüxna nanaxã i maxü̃ i taguma gúxü̃ rü ñu̱xma ítanangu̱xẽxẽ nax naxü̃tawa ingugüxü̃. Natürü nüxü̃ tacua̱x rü ngẽxguma chi marü nüxü̃ idaugügu i ngẽma írüngu̱xẽẽgüxü̃, rü taxuca̱xma tü̱xcüü̃ ítanangu̱xẽẽgü. Erü ngẽma marü nüxü̃ idauxü̃, rü taxuca̱xma ítanangu̱xẽxẽ.


Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.


Rü yemaacü ga Acóbu rü 7 ga taunecü ngĩxca̱x napuracü ga Raqué. Natürü Acóbuca̱x rü gumá 7 ga taunecü rü tama nũxcücüraxü̃ nixĩ yerü poraãcü nüxü̃́ ingúchaü̃xü̃chi.


Rü yexguma ma̱xpǘne ga Chinaíwa tayexmagügu, rü choma rü pexü̃ ñachagürü: “Choma rü taxucürüwama chaxicatama pemaxã ichacua̱x i guxãma i pemax.


Rü yexguma ga Ngechuchu rü ñanagürü nüxü̃: —¿Rü tü̱xcüü̃ “ega chomaxã nanguü̃xgu”, ñacurügü? Erü guxü̃ma natauxcha tümaca̱x ya yíxema yaxṍxe —ñanagürü.


Erü nüma i ngẽma yatü rü ngĩxicatama naanegu ngĩxü̃ nangau i ngẽma pacü, rü ngĩma rü chi woo wáita naxü̱xgu rü ngü̃xẽẽca̱x ínaca̱xgu rü taxúema ngĩxü̃ ítapoxü̃.


Swiv nou:

Piblisite


Piblisite