1 Corintios 13:5 - Tupanaarü Ore

⁵ Rü yíxema tüxü̃́ nangẽxmaxẽ i ngechaü̃ rü tama taguxchigawa̱xe, rü tama tügüguxicatama tarüxĩnü, rü tama tanuxwa̱xe, rü tama nagu tarüxĩnüecha ega texé guxchaxü̃ tümamaxã uxgu.

1 Corintios 13:5 Referans Kwoze

1 Corintios 10:24

Rü tama name nixĩ i tóxrütama mexü̃ca̱x tadaugü, natürü name nixĩ i togüarü mexü̃ca̱x tadaugü.

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Filipenses 2:21

Erü guxü̃ma i togü rü naxca̱x nadaugü i noxrütama ngúchaü̃gü, rü tama aixcüma nagu narüxĩnüe i ngẽma Ngechuchu ya Cristuarü ngúchaü̃.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

1 Corintios 12:25

Rü ngẽmaãcü Tupana nanaxü i taxü̃ne nax wüxichigü i norü üye nügügu naxĩnüexü̃ca̱x rü nügü nangüxẽẽgüxü̃ca̱x.

2 Corintios 5:19

Yerü ga Tupana rü Cristugagu nügümaxã duü̃xü̃güxü̃ narüngüxmüexẽxẽ. Rü nüma rü tama duü̃xü̃güarü pecadugü naxĩnüãcüma nanaxü ga yema. Rü ñu̱xma rü toxü̃ namu nax ngẽmachigaxü̃ duü̃xü̃gümaxã tixuxü̃.

1 Corintios 10:33

Rü choma rü guxü̃wama guxü̃xü̃ma chataãẽxẽẽchaü̃. Rü ngẽmaca̱x tama chanaxü i ngẽma chomatama namaxã chataãẽxü̃, natürü chanaxü i ngẽma togü namaxã taãẽxü̃ nax ngẽmaãcü nümagü rü ta nüxü̃́ nangúchaü̃ nax yaxõgüãxü̃ rü nayauxgüãxü̃ i maxü̃ i taguma gúxü̃.

1 Corintios 11:18

Erü duü̃xü̃gü chomaxã nüxü̃ nixugügü rü ngẽxguma tórü Corica̱x pengutaque̱xegüü̃xgu rü pegü pitoye. Rü chayaxõxõra nax aixcüma yixĩxü̃ i ngẽma nüxü̃ yaxugügüxü̃.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Ore i mexü̃ ga Luca ümatüxü̃ 7:39

Rü yexguma yemaxü̃ nada̱u̱xgu ga yema Parichéu ga Ngechuchuna uxü̃, rü naãxẽwa nagu narüxĩnü rü nügümaxãtama ñanagürü: —Ngẽxguma chi ñaa Ngechuchu rü aixcüma wüxi i Tupanaarü orearü uruxü̃ yixĩxgu, rü chi nüxü̃ nacua̱x nax ta̱xacü yixĩxü̃ i ñaa ngexü̃ i nüxü̃ ingõgüxü̃ rü chi nüxü̃ nacua̱x nax wüxi i ngexü̃ i chixexü̃gu maxü̃xü̃ yixĩxü̃ —ñanagürü ga naãxẽwa.

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

2 Tesalonicenses 3:7

Erü pema rü marü nüxü̃ pecua̱x nax mea pemaxẽxü̃ nax nagu pexĩxü̃ca̱x i tocüma. Yerü toma ga yexguma petanüwa tayexmagügu rü tapuracüe, rü tama yexma tarüchomare.

1 Corintios 7:36

Rü ngẽxguma texé nagu rüxĩnügu nax tümaxacü rü marü nax napaxü̃, rü tümaca̱x namexgu nax naxãtexü̃, rü marü name i ngĩxü̃ taxüte ega aixcüma tümaca̱x namexgu. Rü ngẽma nax naxãtexü̃ i tümaxacü rü tama pecadu nixĩ.

Ore i mexü̃ ga Matéu ümatüxü̃ 9:4

Natürü ga Ngechuchu rü nüxü̃ nacua̱xama ga yema naãẽwa nagu naxĩnüexü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu perüxĩnüe?

Ichaía 3:5

Rü perü ĩanewa rü tá taxü̃ i guxchaxü̃ ínangu, rü duü̃xü̃gü rü tá nügü nadai, rü woo nügümücügümaxã rü tá ta nügü nadai. Rü ngẽma ingextü̱xüxü̃ rü tá yaxguã̱xgüxü̃ tachoxü̃gagü, rü ngẽma duü̃xü̃gü i taxúema nüxü̃ cuáxchaxü̃xü̃ rü tá naxchi naxaie i ngẽma duü̃xü̃gü i tachigaxü̃.

Norü taxre ga popera ga Timutéuca̱x naxümatüxü̃ ga Pauru 2:10

Rü ngẽmaca̱x yáxna namaxã chaxĩnü i ngẽma ngúxü̃ i chingexü̃ naxca̱x i ngẽma duü̃xü̃gü ya Tupana dexü̃. Erü chanaxwa̱xe i nümagü rü ta Ngechuchu ya Cristuaxü̃́ nayaxõgü, rü ngẽmaãcü nax nayauxgüãxü̃ca̱x i ngẽma maxü̃ i mexü̃ i taguma gúxü̃.

Yeremía 11:19

Rü noxri ga choma rü taxuguma charüxĩnü ñoma wüxi i carnéruxacü i norü ma̱xchicawa nagagüxü̃rüxü̃ rü tama nüxü̃ chacua̱x nax wüxi i chixexü̃ cha̱u̱xca̱x ínamexẽẽgüxü̃. Rü yema uanügü rü chauchiga nidexagü rü nügümaxã ñanagürügü: —Ngĩxã tayadaxüchi i ngẽma nai i nanetü i baxcaxüchixü̃, rü wüxicana tayanaxoxẽxẽ natanüwa i ngẽma ñoma i naanewa maxẽxü̃ nax ngẽmaãcü taxúema nüxna cua̱xãchixü̃ca̱x —ñanagürügü.

Ucu̱xẽgüchiga 14:17

Ngẽma nuwa̱xexü̃ rü naechitamare namaxü̃ rü chixexü̃ naxü. Natürü yíxema tümaãẽxü̃ cuáxe rü yáxna namaxã taxĩnü i ngẽxguma guxchaxü̃gü tümaca̱x ínguxgu.

Yox 21:27

Rü choma rü meama nüxü̃ chacua̱x i ngẽma pema chomaxã nagu perüxĩnüe. Rü nüxü̃ chacua̱x i ngẽma ĩnügü i chixexü̃gü i pexü̃́ ngẽxmagüxü̃.

Iraétanüxü̃arü muxchiga 16:15

Rü yexguma ga Moiché rü poraãcü nanu, rü Cori ya Tupanaxü̃ ñanagürü: —Tama chanaxwa̱xe i nüxü̃́ cunayaxu i ngẽma duü̃xü̃güarü ãmaregü. Erü choma rü taguma ñuxgu wüxi i norü búru nüxna chayaxu, rü bai i ñuxgu wüxíemaxã chixexü̃ chaxü —ñanagürü.

Iraétanüxü̃arü muxchiga 12:3

Rü aixcüma nixĩ ga Moiché rü guxü̃ i duü̃xü̃güarü yexera tama nügü irütacü yixĩxü̃ i ñoma i naanewa.

Norü taxre ga popera ga Timutéuca̱x naxümatüxü̃ ga Pauru 4:16

Yexguma noxrixüchima ãẽ̱xgacügüpe̱xewa chaugüétüwa chidexagu rü taxúema choxü̃ tarüngü̃xẽxẽ. Guxü̃ma choxna nibuxmü. Natürü tama chanaxwa̱xe ya Tupana rü nagu narüxĩnü i ngẽma.

Iraétanüxü̃arü muxchiga 32:6

Natürü ga Moiché rü nanangãxü̃ rü nüxü̃ ñanagürü: —¿Ẽ̱xna pema rü nuatama perüchoxchaü̃ i ngẽxguma petanüxü̃ daiwa ĩxgu?