1 Corintios 13:10 - Tupanaarü Ore

¹⁰ Rü guxü̃ma i ngẽma cua̱x i ñu̱xma tüxü̃́ ngẽxmaxü̃ rü tá inayarüxo i ngẽxguma Tupanape̱xewa ingugügu. Rü ngẽxguma i nüma rü tá guxü̃xü̃ma tüxü̃ nacua̱xẽxẽ.

1 Corintios 13:10 Referans Kwoze

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

1 Corintios 13:9

Erü ngẽma tórü cua̱x i ñu̱xma tüxü̃́ ngẽxmaxü̃, rü tama ningu nax nüxü̃ icuáxü̃ca̱x i guxü̃ma i Tupanachiga. Rü ngẽxgumarüxü̃ ta i ngẽma norü orexü̃ nax ixuxü̃, rü tama ningu i tórü cua̱x nax nüxü̃ ixuxü̃ca̱x i guxü̃ma i Tupanachiga.

1 Corintios 13:11

Yexguma chabuxgu ga chomax, rü wüxi ga buxü̃rüxü̃ chidexa, rü buxü̃ nagu rüxĩnüxü̃gu charüxĩnü, rü tama mea chauãẽxü̃ chacua̱x. Natürü yexguma marü chaya̱xgu, rü nüxü̃ charüxo ga guxü̃ma ga yema chorü bucüma.

Filipenses 3:12

Rü ñu̱xma rü tama chanaxwa̱xe i nagu perüxĩnüe nax guxü̃xü̃ chacuáxü̃ i Cristuchiga, rü ẽ̱xna guxü̃wama nax chamexü̃. Natürü naxca̱x chadauama nax Ngechuchu ya Cristuarü ngúchaü̃ chaxüxü̃ca̱x, yerü yemaca̱x nixĩ ga nüma ga cha̱u̱xca̱x nadauxü̃ ga noxrix.