1 Corintios 12:7 - Tupanaarü Ore

⁷ Rü Naãxẽ ya Üünexü̃ rü wüxíewachigü nanango̱xẽxẽ i Tupanaarü pora nax ngẽmaãcü guxãarü ngü̃xẽẽruxü̃ yixĩxü̃ca̱x.

1 Corintios 12:7 Referans Kwoze

1 Corintios 14:19

Natürü woo 10,000 i ore i taxúema nüxü̃ cuáxü̃ i nagawa nax chidexaxü̃, natürü ngẽma yaxõgüxü̃arü ngutaque̱xegüwa rü cha̱u̱xca̱x rü narümemae chi nixĩ ega woo wüxime̱xpü̱x i ore i meama nüxü̃ icuáxü̃wa namaxã nüxü̃ chixuxgu i Tupanaarü ore nax ngẽmaãcü ngẽmamaxã mea chanangúexẽẽxü̃ca̱x.

1 Corintios 14:12

Choma nüxü̃ chacua̱x rü pema rü pexü̃́ nangúchaü̃ nax pexü̃́ nangẽxmaxü̃ i ngẽma cua̱x i Tupanaãxẽ ya Üünecü tüxna ãxü̃. Natürü name nixĩ i naxca̱x pedau nax guxü̃arü yexera pexna naxããxü̃ i ngẽma cua̱x i namaxã nüxü̃ perüngü̃xẽẽxü̃ i guxü̃ma i yaxõgüxü̃ nax yexeraãcü mea Tupanaaxü̃́ yaxõgüãxü̃ca̱x.

1 Corintios 14:17

Rü woo ngẽma curü yumüxẽ rü namexẽchigu, natürü yíxema duü̃xẽgü ya ngéma irüxĩnüexe rü taxuxü̃ma i mexü̃ nawa tayaxu ega to i nagawa cuyumüxẽgu.

1 Corintios 14:5

Choma chierüx chanaxwa̱xe nax guxãma i pema rü ngẽma tama nüxü̃ pecuáxü̃ i nagawa nax pidexagüxü̃. Natürü ngẽma yexeraãcü chanaxwa̱xexü̃ nixĩ nax duü̃xü̃gümaxã nüxü̃ pixuxü̃ i Tupanaarü ore. Erü ngẽma nixĩ i to i nagawa idexaxü̃arü yexera rümemaexü̃ ega tataxu̱xgu nax texé nüxü̃ ixuxü̃ nax ta̱xacüchiga yixĩxü̃ i ngẽma dexa i to i nagawa nüxü̃ tixuxü̃ nax ngẽmaãcü nüxü̃ nangü̃xẽẽxü̃ca̱x i ngẽma yaxõgüxü̃.

Ínachoxü̃xü̃chiga 28:3

¡Rü namaxã idexa i guxü̃ma i ngẽma duü̃xü̃gü i naxchiruarü üwa cua̱x nüxna chaxãxü̃ nax ngẽma naxügüxü̃ca̱x i naxchiru ya Aróü̃ rü ngẽmaãcü chorü chacherdóte nax yaxĩxü̃ca̱x!

1 Corintios 12:12

Rü duü̃xü̃xü̃ne rü woo muxü̃gu nixüye, natürü wüxitama i naxü̃ne nixĩ. Rü ngẽxgumarüxü̃ ta i ngẽma Cristuaxü̃́ yaxõgüxü̃ rü woo namu, natürü wüxitama i naxü̃newa naxügü.