1 Corintios 12:6 - Tupanaarü Ore

⁶ Rü Tupanaarü pora rü toraxü̃ãcü nango̱x. Natürü wüxitama nixĩ ya yimá Tanatü ya tawa nango̱xẽẽcü i ngẽma norü pora.

1 Corintios 12:6 Referans Kwoze

1 Corintios 12:11

Rü guxü̃ma i ngẽma rü Tupanaãxẽ i Üünexü̃tama nixĩ i naxüxü̃. Rü nüma nixĩ i wüxichigü i duü̃xü̃na naxããxü̃ i ngẽma cua̱x i nüma nanaxwa̱xexü̃ nax nüxna naxããxü̃.

1 Corintios 3:7

Rü ngẽmaca̱x woo yíxema tüxíra duü̃xü̃gümaxã nüxü̃ ixuxe i Tupanaarü ore rü woo yíxema wixwena yexeraãcü duü̃xü̃güxü̃ ngúexẽẽ́xe, rü taxuxü̃ma tixĩgü. Natürü Tupana nixĩ ya guxü̃ma ücü, erü nüma nixĩ i duü̃xü̃güxü̃ namaxẽxẽẽxü̃.

Ore i mexü̃ ga Cuáü̃ ümatüxü̃ 5:17

Natürü ga Ngechuchu rü ñanagürü nüxü̃: —Chaunatü ya Tupana rü guxü̃ i ngunexü̃gu napuracü rü mexü̃ naxü. Rü ngẽmaca̱x i choma rü ta naxrüxü̃ chapuracü —ñanagürü.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Efesios 4:6

Rü wüxitama nixĩ ya Tupana ya guxãnatü ixĩcü. Rü nüma rü guxãétüwa nangẽxma, rü guxãxü̃ narüngü̃xẽxẽ rü guxãwa namaxü̃.

Colosenses 1:29

Rü ngẽmaca̱x woo guxchaxü̃gü cha̱u̱xca̱x ínguxgu rü poraãcü chapuracüama namaxã i ngẽma pora i chowa ngẽxmaxü̃ i Cristu choxna ãxü̃.

Filipenses 2:13

Erü Tupana nixĩ ya perü maxü̃wa puracücü nax mexü̃gu perüxĩnüexü̃ca̱x. Rü nüma nixĩ i pexü̃ nangü̃xẽẽxü̃ nax naga pexĩnüexü̃ca̱x rü peyanguxẽẽxü̃ca̱x i ngẽma norü ngúchaü̃.

1 Corintios 15:28

Rü ngẽxguma guxü̃ma Cristume̱xẽwa ngẽxmagügu, rü ñu̱xũchi nümatama ya Cristu ya Tupana Nane rü tá Nanatüme̱xẽwa nügü nangẽxmaxẽxẽ. Yerü nüma ga Tupana nixĩ ga Cristume̱xẽwa nayexmagüxẽẽãxü̃ ga guxü̃ma. Rü ngẽmaãcü ya Tupana rü guxü̃maxã tá inacua̱x.

Yox 33:29

Rü Tupana rü muẽ̱xpü̱xcüna ngẽmaãcü duü̃xü̃gümaxã nanaxü nax ínapoxü̃ãxü̃ca̱x nüxna i yu rü ngẽmaãcü ñoma i naanearü ngóonexü̃wa namaxẽamaxü̃ca̱x.

1 Corintios 12:5

Rü nangẽxma nax toraxü̃ãcü Tupanaaxü̃́ ipuracüxü̃, natürü yimá tórü Cori ya tüxna naxãcü i ngẽma puracügü rü wüxitama nixĩ.