1 Corintios 12:12 - Tupanaarü Ore

¹² Rü duü̃xü̃xü̃ne rü woo muxü̃gu nixüye, natürü wüxitama i naxü̃ne nixĩ. Rü ngẽxgumarüxü̃ ta i ngẽma Cristuaxü̃́ yaxõgüxü̃ rü woo namu, natürü wüxitama i naxü̃newa naxügü.

1 Corintios 12:12 Referans Kwoze

Colosenses 3:15

Rü name nixĩ nax pewa nangẽxmaxü̃ i ngẽma taãxẽ i Cristu pexna ãxü̃ nax ngẽmaãcü aixcüma pegü pengechaü̃güxü̃ca̱x. Yerü yemaca̱x nixĩ ga Tupana pexü̃ dexü̃ nax wüxitama i duü̃xü̃gü pixĩgüxü̃ca̱x rü mea wüxigu perüxĩnüexü̃ca̱x. Rü name nixĩ i Tupanana moxẽ pexãgü.

1 Corintios 12:27

Rü ñu̱xma i wüxichigü i pemax, rü Cristuxü̃nearü üye pixĩgü, rü wüxichigü rü naxü̃newa pexügü.

Colosenses 2:19

Natürü i nümagü rü tama aixcüma naga naxĩnüe ya yimá taeru ixĩcü ya Cristu. Rü nüma ya Cristu nixĩ i tüxü̃ yamuxẽẽxü̃ rü tüxü̃ naporaexẽẽxü̃ ya guxãma ya yíxema nüxü̃́ yaxõgüxe nax guxãma wüxigu tarüxĩnüexü̃ca̱x ngẽma Tupana naxwa̱xexü̃rüxü̃.

Efesios 4:4

Erü ñu̱xma nax Cristuarü duü̃xü̃gü pixĩgüxü̃, rü wüxitama i duü̃xü̃ pixĩgü. Rü wüxitama nixĩ i Naãxẽ ya Üünexü̃ i pewa ngẽxmaxü̃. Rü ñu̱xma nax Tupana pexü̃ dexü̃ rü wüxitama i maxü̃ i taguma gúxü̃ ípenangu̱xẽxẽ.

1 Corintios 10:17

Rü woo nax imuxü̃ i yixema, natürü wüxitama i paũ tangõ̱xgü. Rü ngẽmaãcü, woo nax imuxü̃ i yixema, natürü wüxitama i naxü̃ne tixĩgü.

Efesios 5:30

Rü guxãma i yixema nax yaxõgüxü̃ rü Cristuxü̃ne tixĩgü rü wüxigu naxü̃newa taxügü.

Colosenses 1:18

Rü nüma ya Cristu rü naeru nixĩ i guxü̃ma i ngẽma yaxõgüxü̃, rü nümagü rü Cristuxü̃ne nixĩgü. Rü naxü̃pa ga guxü̃ma rü Cristu rü woetama marü nayexma. Rü nüma nixĩ ga nüxíra yuwa ínadaxü̃ nax guxü̃arü ãẽ̱xgacü yixĩxü̃ca̱x.

Efesios 5:23

Erü nüma ya yatü rü naxma̱xeru nixĩ, ngẽxgumarüxü̃ ya Cristu nax guxü̃ma i yaxõgüxü̃eru nax yixĩxü̃. Rü ngẽma yaxõgüxü̃ rü Cristuxü̃ne nixĩgü, rü Cristu rü norü Maxẽxẽẽruxü̃ nixĩ.

Efesios 4:12

Rü yemaacü norü duü̃xü̃güxü̃ nangúexẽxẽ nax ngẽma yaxõgüxü̃xü̃ nangü̃xẽẽgüxü̃ca̱x nax ngẽmaãcü guxü̃ma i ngẽma Cristuaxü̃́ yaxõgüxü̃ rü yexeraãcü nüxü̃ yacuáetanüxü̃ca̱x i norü ore rü naga ixĩnüexü̃.

Gálatas 3:16

Rü dücax, rü yexgumarüü̃tama nixĩ ga nangupetüxü̃ ga yexguma Tupana rü Abraáü̃maxã rü Abraáü̃taamaxã inaxunetagu. Rü Tupanaarü ore i ümatüxü̃wa rü tama “Abraáü̃taagü”, ñanagürü, yerü tama muxü̃ma ga duü̃xü̃güchiga nidexa. Natürü yema ore rü “Abraáü̃taxa”, ñanagürümare, yerü wüxitama ga duü̃xü̃chiga nixĩ ga yadexaxü̃. Rü yema rü Cristuchiga nixĩ.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Efesios 1:23

Rü ñu̱xma rü guxü̃ma i yaxõgüxü̃ rü wüxigu Cristume̱xẽwa nangẽxmagü rü nüma rü nawa nangẽxma. Rü ngẽxgumarüxü̃ ta nawa nangẽxma i guxü̃ma i ta̱xacü i ngẽxmagüxü̃.

1 Corintios 12:7

Rü Naãxẽ ya Üünexü̃ rü wüxíewachigü nanango̱xẽxẽ i Tupanaarü pora nax ngẽmaãcü guxãarü ngü̃xẽẽruxü̃ yixĩxü̃ca̱x.

1 Corintios 12:20

Rü ngẽma naxü̃ne rü woo muxü̃gu nixüye, natürü wüxitama i naxü̃ne nixĩ.