1 Corintios 12:11 - Tupanaarü Ore

¹¹ Rü guxü̃ma i ngẽma rü Tupanaãxẽ i Üünexü̃tama nixĩ i naxüxü̃. Rü nüma nixĩ i wüxichigü i duü̃xü̃na naxããxü̃ i ngẽma cua̱x i nüma nanaxwa̱xexü̃ nax nüxna naxããxü̃.

1 Corintios 12:11 Referans Kwoze

1 Corintios 12:4

Rü ngẽma yaxõgüxü̃tanüwa rü nangẽxma i natoraü̃chigüxü̃ i cua̱x. Natürü wüxitama nixĩ i ngẽma Naãxẽ ya Üünexü̃ i tüxna naxãxü̃ i ngẽma cua̱x.

Popera ga Yudíugü ga yaxõgüxü̃ca̱x ümatüxü̃ 2:4

Rü nümatama ga Tupana rü ta taxca̱x nanango̱xẽxẽ nax aixcüma yixĩxü̃ i Cristugagu tüxü̃́ nangẽxmaxü̃ i ngẽma maxü̃. Yerü nüma ga Tupana rü Naãxẽ ya Üünexü̃wa tüxü̃ nanawe̱x ga naguxü̃raü̃xü̃ ga taxü̃ ga mexü̃gü rü cua̱xruxü̃gü ga norü poramaxã naxüxü̃ yema nüma nanaxwa̱xexü̃ãcüma.

2 Corintios 10:13

Natürü toma rü tama togü namaxã ticua̱xüü̃gü i ngẽma yaxõgüxü̃ i tama toxme̱xwa ngẽxmagüxü̃. Yerü Tupana nixĩ ga tomaxã nüxü̃ ixucü nax ngextá nanaxwa̱xexü̃ nax tapuracüexü̃. Rü nüma nixĩ ga noxri Coríntiuwa ga petanüwa toxü̃ nangugüxẽẽxü̃.

Efesios 4:7

Natürü wüxichigü i yixema rü tanayaxu i ngẽma cua̱xgü i Cristu tüxna ãxchaü̃xü̃.

1 Corintios 12:6

Rü Tupanaarü pora rü toraxü̃ãcü nango̱x. Natürü wüxitama nixĩ ya yimá Tanatü ya tawa nango̱xẽẽcü i ngẽma norü pora.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Efesios 1:11

Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

1 Corintios 7:17

Rü ñu̱xma rü pemaxã nüxü̃ chixu rü nüma ga Tupana rü wüxichigü ga duü̃xẽna nanaxã ga tümaarü cua̱x nax tümaarü maxü̃maxã itacuáxü̃ca̱x rü mea tanaxüxü̃ca̱x i ngẽma puracü ga noxri tüxü̃́ yexmaxü̃ ga tauta Tupana tümaca̱x caxgux. Rü ngẽma ngu̱xẽẽtae nixĩ i namaxã chanangúexẽẽxü̃ i guxü̃ma i yaxõgüxü̃ i wüxichigü ya ngutaque̱xepataü̃wa ngẽxmagüxü̃.

1 Corintios 7:7

Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.

Romanos 12:6

Rü wüxichigü i yixema, rü Tupana tüxna nanaxã i tórü cua̱x i nüma nanaxwa̱xexü̃ nax tüxü̃́ nangẽxmaxü̃. Rü tanaxwa̱xe i meama nagu taxĩ i ngẽma cua̱x ya Tupana tüxna ãxü̃. Rü ngẽxguma tüxna naxããgu i tórü cua̱x nax norü orearü uruxü̃ ixĩgüxü̃ca̱x, rü name nixĩ i ngẽma õ i tüxü̃́ ngẽxmaxü̃maxã tanaxü i ngẽma puracü.

Romanos 9:18

Rü ngẽmaãcü ya Tupana rü nüxü̃́ tangechaü̃tümüxü̃ ya yíxema nüxü̃́ ngechaü̃tümüü̃chaü̃xẽ. Rü ngẽxguma tüxü̃ nataiãchiarü maxü̃ã̱xẽẽchaü̃gu rü tüxü̃ nanataiãchiarü maxü̃ã̱xẽxẽ.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Ore i mexü̃ ga Cuáü̃ ümatüxü̃ 3:8

Yimá buanecü rü ínanaxwa̱xexü̃wa nabu. Rü nüxü̃ cuxĩnü i naga, natürü tama nüxü̃ cucua̱x nax ngextáama ne naxũxü̃ rü ngextáama nax naxũxü̃. Rü ngẽxgumarüxü̃ ta tixĩgü ya guxãma ya yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃ —ñanagürü.

Ore i mexü̃ ga Matéu ümatüxü̃ 20:15

¿Tama ẽ̱xna name i ngẽma choma chanaxwa̱xexü̃ãcü ngĩmaxã nax chaxüxü̃ i chorü diẽru? ¿Rü ẽ̱xna quixãũxãchi erü ngẽmaãcü chamecüma?” ñanagürü.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

1 Corintios 12:18

Natürü Tupana ga naxücü ga taxü̃ne, rü ngextá nüma ínanaxwa̱xexü̃wa nanangexmaxẽxẽ i taeru rü tachacüxügü rü taparagü.