1 Corintios 11:3 - Tupanaarü Ore

³ Natürü chanaxwa̱xe i nüxü̃ pecua̱x nax Cristu rü wüxichigü i yatüeru nax yixĩxü̃, rü nüma ya yatü rü naxma̱xeru nax yixĩxü̃ ngẽxgumarüxü̃ ya Tupana rü Cristueru nax yixĩxü̃.

1 Corintios 11:3 Referans Kwoze

Naanearü ügüchiga 3:16

Rü yexguma ga Tupana rü yema ngexü̃ ñanagürü: —Tá chanayexeraguxẽxẽ nax cuxü̃́ nangúxü̃ i ngẽxguma cuxãxãcügux. Rü cuxü̃́ nangúãcü tá cuxíxraxacü. Natürü taxũtáma nüxü̃ curüxo nax cute cuxü̃́ ngúchaü̃xü̃. Rü nüma rü tá cumaxã inacua̱x —ñanagürü.

Colosenses 3:18

Pa Ngexü̃gü i Ãtegüxü̃x, rü name nixĩ i petega pexĩnüe. Erü woetama ngẽma nixĩ i mexü̃ nax penaxüxü̃ erü tórü Cori ya Cristuarü duü̃xü̃gü pixĩgü.

Colosenses 1:18

Rü nüma ya Cristu rü naeru nixĩ i guxü̃ma i ngẽma yaxõgüxü̃, rü nümagü rü Cristuxü̃ne nixĩgü. Rü naxü̃pa ga guxü̃ma rü Cristu rü woetama marü nayexma. Rü nüma nixĩ ga nüxíra yuwa ínadaxü̃ nax guxü̃arü ãẽ̱xgacü yixĩxü̃ca̱x.

1 Corintios 3:23

Rü pema rü Cristuarü pixĩgü, rü Cristu rü Tupanaarü nixĩ.

Efesios 4:15

Natürü i toma rü yigü ingechaü̃güãcüma nagu taxĩ i ngẽma ore i aixcüma ixĩxü̃, nax ngẽmaãcü guxü̃wama yexeraãcü naxrüxü̃ ixĩgüxü̃ca̱x ya Cristu ya guxü̃ma i yaxõgüxü̃arü ãẽ̱xgacü ixĩcü.

Nüxíraxü̃xü̃ ga popera ga Pedru ümatüxü̃ 3:1

Rü pemax, Pa Ngexü̃güx, rü name nixĩ i petega pexĩnüe. Rü ngẽxguma chi nangẽxmagu i petegü i tama yaxõgüxü̃ rü tá nüxü̃ nadaugü i perü maxü̃ i mexü̃ i Tupanape̱xewa rü duü̃xü̃güpe̱xewa rü tá ngẽmaca̱x nayaxõgü woo nataxuxguma i ucu̱xẽxü̃ namaxã pixuxgu.

Colosenses 2:19

Natürü i nümagü rü tama aixcüma naga naxĩnüe ya yimá taeru ixĩcü ya Cristu. Rü nüma ya Cristu nixĩ i tüxü̃ yamuxẽẽxü̃ rü tüxü̃ naporaexẽẽxü̃ ya guxãma ya yíxema nüxü̃́ yaxõgüxe nax guxãma wüxigu tarüxĩnüexü̃ca̱x ngẽma Tupana naxwa̱xexü̃rüxü̃.

Colosenses 2:10

Rü ñu̱xmax, rü pewa nangẽxma i Tupanaarü pora erü Cristuarü pixĩgü. Rü nüma ya Cristu rü namaxã inacua̱x i guxü̃ma i naãẽgüarü ãẽ̱xgacügü i iporaexü̃.

Ore i mexü̃ ga Cuáü̃ ümatüxü̃ 14:28

Marü pemaxã nüxü̃ chixu nax pexna tá íchixũxü̃ rü wena táxarü pexca̱x chataeguxü̃ nax pemaxã changexmaxü̃ca̱x. Rü choxü̃ pexĩnüe ga yexguma yema ñachagu. Rü ngẽxguma aixcüma choxü̃ pengechaü̃gu rü tá petaãẽgü i ngẽxguma nüxü̃ pecua̱xgu nax Chaunatüca̱x chataeguxü̃, erü Chaunatü rü chorü yexera nixĩ.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ichaía 55:4

Rü choma rü gumá ãẽ̱xgacüxü̃ chaxuneta nax chauétüwa yadexaxü̃ca̱x nape̱xewa ga yema togü ga nachixü̃anegü. Rü nüxü̃ chaxuneta nax namaxã inacuáxü̃ca̱x rü nangúexẽẽãxü̃ca̱x ga yema togü ga nachixü̃anecüã̱xgü.

Ichaía 52:13

Rü nüma ya Cori ya Tupana rü ñanagürü: —Yimá chorü duü̃ rü tá norü uanüxü̃ narüporamae rü tá chanatachigaxẽxẽ.