1 Corintios 11:2 - Tupanaarü Ore

² Pa Chauenexẽgüx, pemaxã chataãxẽ erü guxü̃guma chaugu perüxĩnüe rü nagu pexĩ ga yema ngu̱xẽẽtae ga pexü̃ changúexẽẽxü̃.

1 Corintios 11:2 Referans Kwoze

2 Tesalonicenses 2:15

Rü ngẽmaca̱x, Pa Chauenexẽgüx, rü chanaxwa̱xe i mea peyaxõgüama rü tama nüxü̃ ipeyarüngümae ga yema ore ga tomatama pexü̃ tangúexẽẽxü̃ rü yema ore ga poperagu pexca̱x taxümatüxü̃.

1 Corintios 4:17

Rü ngẽmaca̱x pexü̃tawa chanamu ya Timutéu ya poraãcü nüxü̃ changechaü̃cü. Rü nüma rü chaunerüxü̃ nixĩ i Coriarü puracüwa, rü aixcüma mea nayanguxẽxẽ i guxü̃ma i ngẽma nagu chanamuxü̃. Rü nüma tá pexna nüxü̃ nacua̱xãchixẽxẽ nax ñuxãcü Ngechuchu ya Cristupe̱xewa mea chamaxü̃xü̃ rü mea chanangúexẽẽxü̃ ga yema yaxõgüxü̃ ga natanügu chixũgüxü̃.

2 Tesalonicenses 3:6

Pa Chauenexẽgüx, tórü Cori ya Ngechuchu ya Cristuégagu pexü̃ tamu nax nüxna pixĩgachixü̃ca̱x i ngẽma yaxõxü̃ i tama nagu ixũxü̃ i ngẽma pexü̃ tangúexẽẽxü̃.

1 Corintios 15:2

Rü ngẽma oregagu nixĩ i pexü̃́ nangẽxmaxü̃ i maxü̃ i taguma gúxü̃, ega aixcüma guxü̃guma peyaxõgügu. Natürü ngẽxguma tama guxü̃guma peyaxõgügu, rü natüca̱xmamare nixĩ i ngẽma perü õ.

1 Corintios 11:22

¿Ẽ̱xna pengechiü̃gü rü ngẽmaca̱x tama ngéma pechibüexü̃ rü pexaxegüxü̃? ¿Tü̱xcüü̃ nüxü̃ pexoe i ngẽma togü i yaxõgüxü̃ rü penaxãneexẽxẽ i ngẽma yaxõgüxü̃ i taxuxü̃ma nüxü̃́ ngẽxmagüxü̃? ¿Rü ta̱xacüxü̃ tá pemaxã chixu i ñu̱xmax? ¿Pexca̱x rü tá pemaxã chataãxẽxü̃? Dücax, pemaxã nüxü̃ chixu rü tama pemaxã chataãxẽ naxca̱x i ngẽma pexügüxü̃.

1 Corintios 11:17

Rü ñu̱xma i ñaa popera i pexca̱x chaxümatüxü̃wa rü pemaxã nüxü̃ chixu rü nangẽxma i wüxi i pecüma i chixexü̃ i tama namaxã chataãẽxü̃. Erü cha̱u̱xca̱x i ngẽma perü ngutaque̱xegü rü tama perü meruü̃gü nixĩgü, rü taxü̃ i guxchaxü̃ pexca̱x ínanguxẽẽgü.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

1 Tesalonicenses 3:6

Natürü ñu̱xma nax ínanguxü̃ i Timutéu nax petanüwa ne naxũxü̃, rü mexü̃ i ore i pechiga ngéma ne nange. Rü tomaxã nüxü̃ nixu nax mea peyaxõgüxü̃ rü pegü pengechaü̃güxü̃. Rü tomaxã nüxü̃ nixu nax guxü̃guma toxü̃ pengechaü̃güãcüma toxna pecua̱xãchiexü̃. Rü tomaxã nüxü̃ nixu ta nax poraãcü wena toxü̃ pedaugüchaü̃xü̃ ngẽxgumarüxü̃ i toma rü ta wena pexü̃ tadaugüchaüxü̃rüxü̃.

1 Corintios 7:17

Rü ñu̱xma rü pemaxã nüxü̃ chixu rü nüma ga Tupana rü wüxichigü ga duü̃xẽna nanaxã ga tümaarü cua̱x nax tümaarü maxü̃maxã itacuáxü̃ca̱x rü mea tanaxüxü̃ca̱x i ngẽma puracü ga noxri tüxü̃́ yexmaxü̃ ga tauta Tupana tümaca̱x caxgux. Rü ngẽma ngu̱xẽẽtae nixĩ i namaxã chanangúexẽẽxü̃ i guxü̃ma i yaxõgüxü̃ i wüxichigü ya ngutaque̱xepataü̃wa ngẽxmagüxü̃.

1 Tesalonicenses 1:6

Rü pema rü meama nagu pexĩ ga yema pexü̃ tangúexẽẽxü̃ rü yema tüxü̃ nangúexẽẽxü̃ ga tórü Cori ya Ngechuchu. Rü ngẽma taãxẽ i Tupanaãxẽ ya Üünecü pexna ãxü̃maxã penayauxgü ga yema ore ga woo yemaca̱x poraãcü ngúxü̃ nax pingegüxü̃.