1 Corintios 10:4 - Tupanaarü Ore

⁴ Rü guxü̃ma ga yema duü̃xü̃gü nayaxaxgü ga yema dexá ga Cristu nüxna ãxü̃. Yerü Cristu rü yema duü̃xü̃güxü̃ ínixümücü ga yema ínaxĩxü̃wa, rü nüxna nanaxã ga yema dexá ga yaxaxgüxü̃.

1 Corintios 10:4 Referans Kwoze

Ínachoxü̃xü̃chiga 17:6

Rü choma rü tá yima ma̱xpǘne ya Oréxwa tá cuxü̃ chananguxẽxẽ yima ma̱xpǘnetapü̱xwa. Rü yima ma̱xpǘnetapü̱xwa tá cunacua̱i̱xca rü ngéma tá nanagoxü̃chiü i dexá nax duü̃xü̃gü nawa axegüxü̃ca̱x —ñanagürü. Rü nüma ga Moiché rü yema Tupana nüxü̃ ixuxü̃ãcü nanaxü nape̱xewa ga yema Iraétanüxü̃arü ãẽ̱xgacügü.

Ore i mexü̃ ga Cuáü̃ ümatüxü̃ 7:37

Rü yema nawa iyacuáxü̃ ga petaarü ngunexü̃ nixĩ ga guxü̃ ga togü ga ngunexü̃arü yexera rümemaexü̃. Rü yema ngunexü̃gu nixĩ ga inachixü̃ ga Ngechuchu rü tagaãcü ñaxü̃: —Ngẽxguma texé ita̱xawaxgu rü ¡nua chauxü̃tawa taxũ rü tayaxaxe!

Ichaía 48:21

Rü woo yema taxü̃ ga naxnecüanewa pexü̃ nachopetüxẽxẽ, natürü tama pita̱xawae yerü nüma ga Tupana rü nanangǘxte̱xẽxẽ ga nuta rü yéma nayagoxü̃chíüxẽxẽ ga dexá.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Wiyaegü 105:41

Rü yexguma Tupana nuta nangǘxtexẽẽgu rü taxü̃ ga dexá yéma nayagoxü̃chixü. Rü yema dexá rü ñoma wüxi ga natürüxü̃ ínachianexü̃wa naya̱x.

Wiyaegü 78:20

Rü aixcüma nixĩ ga Tupana ga nangǘxtexẽẽãxü̃ ga gumá nuta ga taxüchicü. Rü aixcüma yéma nayagoxü̃chixü ga dexá ñoma natürüxü̃ rü ga paanexü̃ rü nibaxichi. ¿Natürü nüxü̃́ natauxchaxü̃ nax paũ tüxna naxãxü̃ rü namachi tüxna naxãxü̃ i yixema nax norü duü̃xü̃gü ixĩgüxü̃? —ñanagürügü.

Wiyaegü 78:15

Rü yema chianexü̃wa ga ngextá ínataxuxü̃wa ga dexá rü wüxi ga ma̱xpǘnetapü̱xgu naponeta. Rü yéma nayagoxü̃chixü ga dexá rü yemaacü meama naxaxegü ga guxü̃ma.

Iraétanüxü̃arü muxchiga 20:11

Rü yema ñaxguwena ga Moiché rü guma naixmena̱xãmaxã naxunagüchacüxü, rü taxree̱xpü̱xcüna gumá nutawa nanacua̱i̱xca. Rü taxü̃ ga dexá yéma inayagoxü̃chíü. Rü yemaacü ga duü̃xü̃gü rü naxü̃nagü rü naxaxegü.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Ichaía 43:20

Rü guxü̃ma i naeü̃gü i idüraexü̃ rü airugü i naixnecücüã̱x rü abetrúgü rü tá choxü̃ nicua̱xüü̃gü. Erü ngéma taxúema íxãpataxü̃wa rü ínapaanexü̃wa rü tá dexá chayagoxü̃chíüxẽxẽ nax ngéma naxaxegüxü̃ca̱x i chorü duü̃xü̃gü i nüxü̃ chaxunetaxü̃ rü chango̱xẽẽxü̃ nax choxü̃ yacua̱xüü̃güxü̃ca̱x.

Colosenses 2:17

Rü aixcüma yema nũxcümaü̃güxü̃ ga Yudíugü rü nanaxauregü ga yema nacümagü yerü ga Cristu rü tauta ínangu ga yexguma. Natürü i ñu̱xma rü marü ínangu ya Cristu rü tórü pecaduca̱x nayu nax tama nagu ixĩxü̃ i ngẽma nũxcümaü̃güxü̃ i nacümagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.

Wenaxarü naxümatü ga Tupanaarü mugü 9:21

Rü yemawena rü chanayaxu ga yema wocaxacüchicüna̱xã ga pema pexüxü̃ rü namaxã chixexü̃ pexügüxü̃ rü üxüétüwa chayata̱xcuchi. Rü yemawena rü chanawaxi ñu̱xmata naxãte̱xemare rü ñu̱xũchi yema dexá ga ma̱xpǘnewa rüyaexü̃wa chayagüete̱xe.

Danié 2:38

Rü ngẽmaca̱x i ñu̱xma rü guxü̃ma i duü̃xü̃gümaxã rü naeü̃gümaxã rü werigümaxã icucua̱x. Erü nüma ya Tupana rü cuxme̱xwa nanangexmagüxẽxẽ. Rü cuchiga nixĩ, Pa Ãẽ̱xgacüx, i ngẽma naxchicüna̱xãeru i úirunaxca̱x.

Naanearü ügüchiga 41:26

Rü ngẽma 7 i wocagü i imexẽchixü̃, rü 7 ya taunecüchiga nixĩ. Rü ngẽmachigatama nixĩ i ngẽma 7 ya̱xa i trigu i mexẽchixü̃. Rü ngẽma taxre i cunegü rü ngẽmachigatama nixĩ.

Naanearü ügüchiga 40:12

Rü yexguma ga Yúche rü ñanagürü nüxü̃: —Ngẽma cunegü rü ñaxü̃chiga nixĩ: “Rü ngẽma tomaepü̱x i nachacüxü rü tomaepü̱x i ngunexü̃chiga nixĩ.

Danié 7:17

Ngẽma ãgümücü i ngo̱xogü, rü ngẽmagü nixĩ i ngẽma ãgümücü i ãẽ̱xgacügü i ñoma i naanemaxã tá icua̱xgüxü̃.