Biblia Todo Logo
Bib sou entènèt

- Piblisite -




1 Corintios 10:22 - Tupanaarü Ore

22 ¿Rü ñuxũ ñapegüxü̃ i ñu̱xmax? ¿Ẽ̱xna penanuxẽẽchaü̃ ya tórü Cori? ¿Ẽ̱xna pexca̱x rü nüxü̃ tarüporamaegü i yixemax?

Gade chapit la Kopi




1 Corintios 10:22
18 Referans Kwoze  

Rü choxü̃ penuexẽxẽ namaxã i ngẽma perü tupananeta i tama aixcüma Tupana ixĩxü̃. Rü choxü̃ penuexẽxẽ namaxã i ngẽma naxchicüna̱xãgü i taxuwama mexü̃. Rü ngẽmaca̱x i ñu̱xma i choma rü tá pexü̃ chanuexẽxẽ namaxã i duü̃xü̃gü i tama choxü̃́ yaxõgüxü̃. Rü tá pexü̃ chanuexẽxẽ namaxã i wüxi i duü̃xü̃gütücumü i tama ixĩnüechaü̃xü̃.


Rü pema rü nüxü̃ picua̱xüü̃gü ga yema tupananetachicüna̱xãgü ga nawa rüxoxegaxü̃, rü yemaacü penanuxẽxẽ ga Tupana.


Rü wüxi i ãũcümaxü̃chixü̃ nixĩ nax Tupana ya Maxü̃cüme̱xẽgu iyi̱xixü̃ nax tüxü̃ napoxcuexü̃ca̱x.


Rü ngẽxguma tá cuxü̃ chapoxcugu, Pa Yerucharéü̃x, rü taxuacütáma cho̱xme̱xwa cugü ícupoxü̃. Rü choma ya Cori ya Tupana nixĩ i nüxü̃ chixuxü̃ i ngẽma. Rü choma rü tá chayanguxẽxẽ.


Rü ngẽma ñu̱xma nüxü̃ idauxü̃ rü woetama nũxcüma Tupana nanaxüéga. ¿Rü texé tá namaxã tügü tadai ya wüxi ya tümaarü yexera poracü ixĩcü?


Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.


Rü ñanagürü ga Tupana: —Wüxi i naxpáü̃ i waixü̃münaxca̱x rü tama norü üruü̃xü̃maxã narüxutaga. Rü ngẽma waixü̃mü rü tama ngẽma üwechiruü̃xü̃ ñanagürü: “¿ta̱xacü ícuxü?” ñanagürü. Rü ngẽma napáxü̃ rü tama norü üruü̃xü̃ ñanagürü: “Cuma rü tama nüxü̃ cucua̱x nax mea choxü̃ cuxüxü̃”, ñanagürü.


Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.


Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?


Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.


Erü yimá perü Cori ya Tupana ya petanüwa ngẽxmacü rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.


Erü yimá Cori ya perü Tupana rü Tupana ya pexü̃ inuxü̃cü nixĩ. Rü nüma rü ñoma wüxi i üxüema i guxü̃ma iyarüxoxẽẽxü̃rüxü̃ nixĩ.


Rü tama chanaxwa̱xe i ta̱xacürü tupananetaxü̃mare picua̱xüü̃gü erü choma ya pexrü Cori ya Tupana rü inuxwa̱xecü chixĩ rü ngẽmatama nixĩ i chauéga.


¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.


Natürü yexguma ãẽ̱xgacü yixĩxgu ga Roboáü̃ rü yema Yudáanecüã̱xgü ga duü̃xü̃gü üxü̃ rü poraãcü nachixexüchi ga Tupanape̱xewa. Rü yema norü chixexü̃gü ga naxügüxü̃ rü guxü̃ma ga norü o̱xigü ügüxü̃ ga chixexü̃xü̃ narüyexera ga Tupanape̱xewa.


Natürü ngẽma nax choxü̃ nachixeãẽgüxü̃ rü naétü nügütama nachixeãẽgü rü ngẽmaãcü taxü̃ i ãne nügüca̱x ínanguxẽẽgü. Rü chomatama ya Cori ya Tupana nixĩ i nüxü̃ chixuxü̃ i ngẽma.


¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.


Swiv nou:

Piblisite


Piblisite