1 Corintios 10:21 - Tupanaarü Ore21 Rü pema nax peyaxaxgüxü̃ ya yimá bínu ya tórü Corixü̃ namaxã picua̱xüü̃gücü rü taxucürüwama namaxã pexãmücü i ngẽma duü̃xü̃gü i ngo̱xgüwe rüxĩxü̃. Rü pema nax tórü Coriarü mechawa penangṍxü̃ i ngẽma õna i nüxü̃ namaxã picua̱xüü̃güxü̃ rü taxucürüwama ngẽma duü̃xü̃gü i ngo̱xgüwe rüxĩxü̃arü mechawa rü ta peyachibüe. Gade chapit la |
Rü yexguma ga nüma ga Ería rü guxü̃ma ga duü̃xü̃gümaxã nidexa rü ñanagürü: —¿Ñuxguratáta i pemax i nüxü̃ perüxoexü̃ nax taxre i ĩnügu perüxĩnüexü̃? Rü ngẽxguma Cori ya Tupana rü aixcüma Tupana yixĩxgu ¡rü nawe perüxĩ! Rü ega Baá yixĩxgu ¡rü ngẽmawe perüxĩ! —ñanagürü. Rü nüma ga duü̃xü̃gü rü taxuxü̃maama nanangãxü̃gagü.
Rü ngẽxguma õna i üünexü̃ca̱x ingutaque̱xegügu, rü yaxaxgügu ya yimá bínu ya üünecü rü moxẽ naxca̱x ixãgügu, rü ngẽmaãcü yigü tawe̱x nax Cristu ya nagü taxca̱x ibacüwe rüxĩxü̃. Rü ngẽxguma nangõ̱xgügu i ngẽma paũ i ibücuxü̃, rü ngẽmaãcü yigü tawe̱x nax nawe rüxĩxü̃ ya Cristu ya naxü̃ne taxca̱x ixãcü.
Erü cuma nax mea Tupanaxü̃ cucuáxü̃, rü ngẽxguma chi cunangõ̱xgu i ngẽma namachi i ngextá tupananetachicüna̱xãgüxü̃ íyacua̱xüü̃güxü̃wa, rü ngürüãchi wüxi i cuenexẽ i tauta mea Tupanaxü̃ cuáxü̃ tá cuxü̃ nadau. Rü ngürüãchi nüma rü tá ta nanangõ̱x i ngẽma namachi woo naãxẽwa nagu naxĩnügu nax wüxi i chixexü̃ yixĩxü̃ nax nangṍxü̃ i ngẽma namachi.
¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.