1 Corintios 10:2 - Tupanaarü Ore

² Rü guxü̃ma ga yema duü̃xü̃gü rü yexguma wüxigu Moichémaxã yema caixanexü̃pechitatüü̃gu yaxĩxü̃tanügu rü yema Taxtü ga Dauchíüxü̃wa yachoü̃gu, rü nügü nango̱xẽẽgü nax Moichéweama naxĩxü̃.

1 Corintios 10:2 Referans Kwoze

Romanos 6:3

¿Tama ẽ̱xna nüxü̃ pecua̱x nax ta̱xacüca̱x yixĩxü̃ nax íibaiü̃xü̃? Rü ítabaiü̃ nax ngẽmaãcü duü̃xü̃güxü̃ nawéxü̃ca̱x nax aixcüma Ngechuchu ya Cristuarü duü̃xü̃gü ixĩgüxü̃. Rü yexguma íibaiü̃gu, rü nüma nayuxü̃rüxü̃ yexma nayu ga tacüma ga nũxcümaü̃xü̃.

Ínachoxü̃xü̃chiga 14:31

Rü nüma ga Iraétanüxü̃ rü yexguma nüxü̃ nadaugügu ga yema Cori ya Tupana norü poramaxã Equítuanecüã̱xgümaxã naxüxü̃, rü Cori ya Tupanaxü̃ nicua̱xüü̃gü rü aixcüma nüxü̃́ nayaxõgü. Rü yexgumarüxü̃ ta nüxü̃́ nayaxõgü ga guma Moiché ga Tupanaarü duü̃ ixĩcü.

Gálatas 3:27

Rü ñu̱xma nax Cristuégagu ípebaiü̃xü̃, rü Cristuarü pixĩgü, rü nüma rü pemaxã inacua̱x nax naxrüxü̃ pixĩgüxü̃ca̱x.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.