1 Corintios 10:15 - Tupanaarü Ore

¹⁵ Pemaxã nüxü̃ chixu i ngẽma ore, erü cha̱u̱xca̱x rü duü̃xü̃gü i nüxü̃ cuáxü̃ pixĩgü. Rü pema tátama penangugü i ngẽma pemaxã nüxü̃ chixuxü̃ rü aixcüma name rüe̱xna tama.

1 Corintios 10:15 Referans Kwoze

1 Tesalonicenses 5:21

Natürü name nixĩ i meama penangugü i guxü̃ma i ore nax nüxü̃ pecuáxü̃ca̱x rü aixcüma yixĩxü̃ i ngẽma ore rüe̱xna tama. ¡Rü ngẽma ore i aixcüma mexü̃xicatama pixõgü!

1 Corintios 8:1

Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

1 Corintios 11:13

Rü pematama tá penangugü rü name i wüxi i nge rü tama natüeruãcüma nayumüxẽxü̃.

1 Corintios 6:5

Rü pemaxã nüxü̃ chixu i ngẽma ore nax pexãneexü̃ca̱x. ¿Ẽ̱xna tataxuma i petanüwa ya wüxíe ya nüxü̃ cuáxe nax tanamexẽẽxü̃ i ngẽma guxchaxü̃ i petanüwa ngẽxmaxü̃?

1 Corintios 4:10

Rü ñu̱xma rü Cristugagu taxuxü̃ma icuáxü̃ toxü̃ nawogü i duü̃xü̃gü, natürü i pema rü Cristugagu pegu narüxĩnüe nax duü̃xü̃gü i nüxü̃ icuáxü̃ pixĩgüxü̃. Rü duü̃xü̃güca̱x rü taturae, natürü i pema rü peporae. Rü duü̃xü̃gü toxü̃ naxo, natürü i pema rü pexü̃ nangechaü̃gü.

1 Corintios 10:14

Rü ngẽmaca̱x, Pa Chauenexẽgü ya Pexü̃ Changechaü̃güxe, ¡rü nüxü̃ perüxoe i ngẽma nacümagü i tupananetachicüna̱xãgüca̱x naxügüxü̃ i ngẽma duü̃xü̃gü i tama yaxõgüxü̃!

1 Corintios 10:16

Rü ngẽxguma õna i üünexü̃ca̱x ingutaque̱xegügu, rü yaxaxgügu ya yimá bínu ya üünecü rü moxẽ naxca̱x ixãgügu, rü ngẽmaãcü yigü tawe̱x nax Cristu ya nagü taxca̱x ibacüwe rüxĩxü̃. Rü ngẽxguma nangõ̱xgügu i ngẽma paũ i ibücuxü̃, rü ngẽmaãcü yigü tawe̱x nax nawe rüxĩxü̃ ya Cristu ya naxü̃ne taxca̱x ixãcü.