1 Corintios 1:27 - Tupanaarü Ore

²⁷ Rü woo ñoma i naanecüã̱x nagu narüxĩnüe nax pema rü duü̃xü̃gü i taxuwama mexü̃ pixĩgüxü̃, natürü Tupana pexü̃ nade nax naxãnexü̃ca̱x i ngẽma duü̃xü̃gü i nügügu rüxĩnüexü̃ nax nüxü̃ yacua̱xüchixü̃. Rü Tupana pexü̃ nade i pema nax duü̃xü̃gü pexü̃ ixugügu nax peturaexü̃ nax ngẽmaãcü naxãnexü̃ca̱x i ngẽma duü̃xü̃gü i poraexü̃.

1 Corintios 1:27 Referans Kwoze

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

1 Corintios 1:20

Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

Wiyaegü 8:2

Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.

Ichaía 29:14

Rü ngẽmaca̱x i choma rü taxü̃ i cua̱xruü̃gü i chorü poramaxã chaxüxü̃ tá ñaa duü̃xü̃güxü̃ ichawe̱x nax ngẽmamaxã íchanaba̱i̱xgüexü̃ca̱x. Rü ngẽma norü ucu̱xẽruü̃gü i cua̱x nüxü̃́ ngẽxmagüxü̃ rü tá nüxü̃́ inarüxomare i norü cua̱x —ñanagürü ya Tupana.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

2 Corintios 4:7

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

Chofonía 3:12

“Pa Yerucharéü̃x, cuwa tá chayaxügüxẽxẽ i ñuxre i duü̃xü̃gü i mecümaxü̃ i tama nügü icua̱xüü̃güxü̃. Rü nümagü rü tá choxü̃́ nayaxõgü.

2 Corintios 10:10

Rü nangẽxma i duü̃xü̃gü i nüxü̃ nixugüxü̃ nax chorü poperawaxicatama pexü̃ íchabaixgüxü̃, natürü ngẽxguma pexü̃tawa changexmagu rü taxúexü̃ma ichabáixgü nax chauga taxĩnüxü̃ca̱x, ñaxü̃maxã choxü̃ nixugüe.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Ore i mexü̃ ga Matéu ümatüxü̃ 9:9

Rü yéma inaxũãchi ga Ngechuchu. Rü nüxü̃ nadau ga wüxi ga yatü ga Matéugu ãégaxü̃ ga yéma rütoxü̃ ga Rómaarü ãẽ̱xgacüca̱x diẽru ngĩxü̃ ínayauxgüxü̃wa, yerü woetama yemawa napuracü. Rü Ngechuchu rü ñanagürü nüxü̃: —¡Chowe rüxũ! —ñanagürü. Rü yexguma ga Matéu rü inachi, rü nawe narüxũ.

Ngechuchuarü ngúexü̃gü ga yamugüxü̃arü puracüchiga 17:18

Rü nayexmagü ta ga ñuxre ga yatügü ga Epicúriugüarü ngu̱xẽẽtaewa ngúexü̃, rü togü ga Etóicugüarü ngu̱xẽẽtaewa ngúexü̃. Rü nümagü rü inanaxügüe ga Paurumaxã nax yanaxutagagüxü̃. Rü ñuxre ga nümagü rü ñanagürügü: —¿Rü ta̱xacü nixĩ i nüxü̃ yaxuxü̃ i ñaa yatü i idexaechamarexü̃? —ñanagürügü. Rü togü nanangãxü̃gü, rü ñanagürügü: —Maneca wüxi i to i nachixü̃anecüã̱xarü tupanagüarü orearü uruxü̃ nixĩ —ñanagürügü. Rü yemaacü nidexagü ga yema duü̃xü̃gü, yerü Pauru rü nüxü̃ nixu ga ore ga mexü̃ ga Ngechuchuchiga rü wena nax namaxü̃xü̃chiga.

Ngechuchuarü ngúexü̃gü ga yamugüxü̃arü puracüchiga 7:54

Rü yexguma nüxü̃ naxĩnüegu ga yema ore, rü nanuexüchi ga yema ãẽ̱xgacügü. Rü norü numaxã Estébaü̃ca̱x nixü̃́xchapütagü.

Ngechuchuarü ngúexü̃gü ga yamugüxü̃arü puracüchiga 7:35

Rü woo ga noxri ga nümagü ga natanüxü̃ rü gumá Moichéxü̃ naxoe ga yexguma ñagügu: “¿Rü texé cuxü̃ tamu nax toeru quixĩxü̃ca̱x rü tomaxã icucuáxü̃ca̱x?” ñagügu. Natürü ga Tupana rü yéma nanamuama nax yema duü̃xü̃güxü̃ ínanguxü̃xẽxẽxü̃ca̱x rü norü ãẽ̱xgacü nax yixĩxü̃ca̱x. Rü yemaacü Moichéxü̃ namu ga Tupana ga yexguma naxü̃tawa namuãgu ga yema norü orearü ngeruxü̃ ga yema naixeta ga iya̱u̱xraxü̃wa naxca̱x nango̱xgu.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Yeremía 8:9

Natürü ngẽma nüxü̃ icuáxü̃ rü tá naxãnee, rü tá namuü̃e ñoma naeü̃ i yütagu nguxü̃rüxü̃. ¿Rü ngexü̃ i perü cua̱x i ñu̱xma nax tama penayauxgüxü̃ i ngẽma chorü ore?

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.

1 Corintios 2:12

Rü yixema rü tama ñoma i naanecüã̱x i naãxẽ nixĩ ga iyauxgüxü̃. Natürü tanayauxgü i ngẽma Naãxẽ ya Üünexü̃ ga Tupana taxca̱x núma muxü̃ nax nüxü̃ icuáxü̃ca̱x i guxü̃ma i ngẽma ngü̃xẽẽgü ga Tupana norü ngechaü̃maxã tüxna ãxü̃.

Iraétanüxü̃arü muxchiga 22:30

Natürü ga yema búru rü ñanagürü nüxü̃: —Choma nixĩ i curü búru i guxü̃guma chautagu cuxaunagüüxü̃ ega ngextá cuxũũxgu. Cuma rü meama nüxü̃ cucua̱x rü taguma ñuxgu ñu̱xmarüxü̃ cumaxã chixĩ —ñanagürü. Rü nüma ga Balaáü̃ rü nanangãxü̃ rü: —Aixcüma nixĩ i ngẽma —ñanagürü.