1 Corintios 1:26 - Tupanaarü Ore

²⁶ Pa Chauenexẽgüx, name nixĩ i nagu perüxĩnüe nax Tupana pexü̃ dexü̃ nax norü duü̃xü̃gü pixĩgüxü̃ca̱x woo noxretama pixĩgü nax nüxü̃ pecua̱xüchixü̃ ega duü̃xü̃gü pexü̃ ngugügu. Rü woo noxretama pixĩgü nax ãẽ̱xgacügü pixĩgüxü̃, rü woo noxretama pixĩgü i ngẽma itaarü diẽruã́xü̃tanüxü̃ pixĩgüxü̃, natürü Tupana rü pexü̃ nade nax norü duü̃xü̃gü pixĩgüxü̃ca̱x.

1 Corintios 1:26 Referans Kwoze

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

1 Corintios 1:20

Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Ore i mexü̃ ga Luca ümatüxü̃ 1:3

Rü ngẽmaca̱x, Pa Teóquirux, rü choma rü ta meama naxca̱x íchaca nachiga ga guxü̃ma ga yema Ngechuchu üxü̃ ga yexguma noxritama inaxügüãgu ga norü puracü. Rü ñu̱xma rü cha̱u̱xca̱x name nax meama cuxca̱x chanaxümatüxü̃ i ngẽmachiga nax meama nüxü̃ cucuáxü̃ca̱x nax aixcüma yixĩxü̃ ga yema ore ga marü cuxü̃ nangu̱xẽẽgüxü̃.

1 Corintios 2:13

Rü ñu̱xma nax pemaxã nüxü̃ tixuxü̃ i ngẽmachiga, rü Tupanaãxẽ ya Üünecü toxna ãxü̃ i oremaxã nixĩ i pemaxã nüxü̃ tixuxü̃. Rü tama ore i torü cua̱xwa tayaxuxü̃maxã nixĩ i pemaxã nüxü̃ tixuxü̃. Rü ngẽmaãcü Tupanaãxẽ i Üünexü̃arü oremaxã tayango̱xẽxẽ i ngẽma Tupana nagu rüxĩnüxü̃ rü tüxü̃́ naxwa̱xexü̃.

Norü taxre ga popera ga Cuáü̃ ümatüxü̃ 1:1

Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.

Filipenses 4:22

Rü ngẽxgumarüxü̃ ta pexü̃ narümoxẽgü i guxü̃ma i ngẽma yaxõgüxü̃ i núma ngẽxmagüxü̃. Rü ngẽma yexera pexü̃ rümoxẽgüxü̃ nixĩ i taenexẽgü i Rómaarü ãẽ̱xgacüpatawa puracüexü̃.

Ngechuchuarü ngúexü̃gü ga yamugüxü̃arü puracüchiga 17:34

Natürü ñuxre ga duü̃xü̃gü rü Pauruwe narüxĩ, rü Ngechuchuaxü̃́ nayaxõgü. Rü natanüwa nayexma ga Dioníchiu ga wüxi ga Areópagutanüxü̃, rü wüxi ga ngecü ga Dámari ga ngĩéga. Rü ñuxre ga togü rü ta nayaxõgü.

Ngechuchuarü ngúexü̃gü ga yamugüxü̃arü puracüchiga 13:12

Rü yexguma yemaxü̃ nada̱u̱xgu ga yema capaxũarü ãẽ̱xgacü rü nayaxõ ga Tupanaarü ore, yerü namaxã naba̱i̱xãchi ga yema Pauru rü Bernabé nangu̱xẽẽxü̃ ga Cori ya Tupanachiga.

Ngechuchuarü ngúexü̃gü ga yamugüxü̃arü puracüchiga 13:7

Rü yema capaxũarü ãẽ̱xgacü rü Chérquiu ga Paurugu naxãéga. Rü nüma rü wüxi ga yatü ga mea naãxẽxü̃ cuácü nixĩ. Rü yema yuüxü̃ rü gumá ãẽ̱xgacüarü ngü̃xẽẽruxü̃ nixĩ. Rü nüma ga ãẽ̱xgacü rü norü duü̃xü̃güxü̃ namu nax Chauru rü Bernabéca̱x yacagüxü̃ca̱x, yerü nüxü̃ naxĩnüchaü̃ ga Tupanaarü ore.

Chofonía 3:12

“Pa Yerucharéü̃x, cuwa tá chayaxügüxẽxẽ i ñuxre i duü̃xü̃gü i mecümaxü̃ i tama nügü icua̱xüü̃güxü̃. Rü nümagü rü tá choxü̃́ nayaxõgü.

Yox 37:24

Rü ngẽmaca̱x guxü̃ma i duü̃xü̃gü nüxü̃ namuü̃e. Rü Tupanape̱xewa rü woo ngẽma duü̃xü̃gü i nüxü̃ icua̱xüchixü̃ rü taxuxü̃ma nixĩgü —ñanagürü ga Eriú.

Romanos 11:29

Rü ngẽxguma Tupana texémaxã inaxunetagu nax ãmare tüxna naxãxü̃, rü taguma nüxü̃ inayarüngüma i ngẽma. Rü ngẽxgumarüxü̃ ta i ngẽxguma texéca̱x nacaxgu, rü taguma nüxü̃ inayarüngüma.

Norü taxre ga popera ga ãẽ̱xgacügüchiga 5:4

Rü nüma ga Naamáü̃ rü nachixü̃anearü ãẽ̱xgacü ga réimaxã nüxü̃ nixu ga yema ore ga yema pacü nüxü̃ ixuxü̃.