1 Corintios 1:24 - Tupanaarü Ore

²⁴ Natürü ngẽma duü̃xü̃gü ya Tupana dexü̃ i Yudíugü rüẽ̱xna ngẽma tama Yudíugü ixĩgüxü̃ rü ngẽma duü̃xü̃güca̱x Tupana inanawe̱x i norü pora rü norü cua̱x ga yexguma pecaduca̱x nayu̱xgu ga Cristu.

1 Corintios 1:24 Referans Kwoze

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Colosenses 2:3

Rü nawa nixĩ i nangẽxmaxü̃ i guxü̃ma i cua̱xgü i mexü̃.

1 Corintios 1:18

Rü ngẽma ore i nüxü̃ ixuxü̃ nax tórü pecaduca̱x curuchagu nayuxü̃ ya Cristu, rü wüxi i natüca̱xmamare nixĩ naxca̱x i ngẽma duü̃xü̃gü i poxcuwa ĩxü̃. Natürü yixema nax Tupana tüxü̃ maxẽxẽẽxü̃, rü taxca̱x rü ngẽma ore rü Tupanaarü pora nixĩ.

1 Corintios 1:9

Rü Tupana rü guxü̃guma nayanguxẽxẽ i norü uneta. Rü nüma nixĩ ga pexü̃ nadexü̃ nax wüxigu Nane ya tórü Cori ya Ngechuchu ya Cristumaxã pexãmücügüxü̃ca̱x.

Romanos 1:16

Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.

Romanos 1:4

Natürü nümatama ya Ngechuchu rü üünecü nixĩ. Rü yexguma Tupanaãxẽarü poramaxã yuwa ínadaxgu rü Tupana tüxü̃ nüxü̃ nadauxẽxẽ nax aixcüma Nanexü̃chi nax yixĩxü̃.

Romanos 9:24

Rü ngẽmaãcü i yixema nax Yudíugü ixĩgüxü̃, rü tatanüwa Tupana tüxü̃ nidexechi ya ñuxre nax norü duü̃xü̃gü tixĩgüxü̃ca̱x. Rü ngẽxgumarüxü̃ ta i ngẽma tama Yudíugü ixĩgüxü̃tanüwa rü nayadexechi i togü.

Ore i mexü̃ ga Luca ümatüxü̃ 7:35

Natürü Tupanaarü cua̱x rü meama nango̱x tümawa ya yíxema aixcüma nawe rüxĩxe —ñanagürü ga Ngechuchu.

Ore i mexü̃ ga Luca ümatüxü̃ 11:49

Rü yemaca̱x nixĩ ga Tupana ga ñaxü̃: “Ngẽma duü̃xü̃gütanüwa tá chanamugü i chorü orearü uruü̃gü rü chorü orearü ngeruü̃gü. Natürü ngẽma duü̃xü̃gü rü tá nanadai i nümaxü̃ i chorü orearü uruü̃gü rü chorü orearü ngeruü̃gü, rü togü rü tá nawe ningẽxü̃tanü”, —ñanagürü ga Tupana.

Ucu̱xẽgüchiga 8:1

Ngẽma cua̱x rü tagaãcü taxca̱x naca, rü ngẽma ĩnü i mexü̃ rü tüxü̃ nüxü̃ naxĩnüxẽxẽ i naga.