1 Corintios 1:22 - Tupanaarü Ore

²² Ngẽma Yudíugü rü nüxü̃ nadaugüchaü̃ i cua̱xruü̃gü i Tupanaarü poramaxã üxü̃. Rü ngẽma Griégugü rü naxca̱x nadaugü i ñoma i naanecüã̱x i duü̃xü̃güarü cua̱x.

1 Corintios 1:22 Referans Kwoze

Ore i mexü̃ ga Cuáü̃ ümatüxü̃ 2:18

Rü yexguma ga yema Yudíugüarü ãẽ̱xgacügü rü Ngechuchuna nacagü, rü ñanagürügü: —¿Ta̱xacürü cua̱xruxü̃xü̃ tá toxü̃ cudauxẽxẽ nax nawa nüxü̃ tacuáxü̃ca̱x nax aixcüma Tupana yixĩxü̃ ya cuxü̃ mucü nax ícunawoxü̃xü̃ca̱x i ñaa duü̃xü̃gü i nua? —ñanagürügü.

Ore i mexü̃ ga Luca ümatüxü̃ 11:16

Natürü ga togü rü Ngechuchuxü̃ naxügüchaxü̃, rü yemaca̱x naxca̱x ínacagü nax nüxü̃ nawéaxü̃ ga wüxi ga cua̱xruxü̃ ga daxũcüã̱x nax yemawa nüxü̃ nacua̱xgüxü̃ rü aixcüma Cristu yixĩ.

Ore i mexü̃ ga Márcu ümatüxü̃ 8:11

Rü Ngechuchuxü̃tawa nangugü ga Parichéugü, rü inanaxügüe ga nax namaxã yaporagatanücüüxü̃. Rü nüxna nacagüe nax nüxü̃ nüxü̃ nadauxẽẽxü̃ca̱x ga wüxi ga cua̱xruxü̃ ga Tupanaarü poramaxã naxüxü̃, nax yemaacü nüxü̃ naxügüxü̃ca̱x, rü nüxü̃ nacua̱xgüxü̃ca̱x rü aixcüma Tupana Nane yixĩxü̃.

Ore i mexü̃ ga Luca ümatüxü̃ 11:20

Natürü pemaxã nüxü̃ chixu rü aixcüma Tupanaarü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax núma petanüwa nanguxü̃ ya Tupana nax ãẽ̱xgacü yixĩxü̃ca̱x.

Ore i mexü̃ ga Cuáü̃ ümatüxü̃ 4:28

Rü yexguma ga yema ngecü rü yéma ngĩxü̃ ita̱x ga ngĩrü tü̃xü̃. Rü ĩanewa ixũ nax duü̃xü̃gümaxã nüxü̃ yanaxuxü̃ca̱x.

Nüxíraxü̃xü̃ ga popera ga ãẽ̱xgacügüchiga 13:3

Rü yematama ngunexü̃gu ga yema orearü uruxü̃ rü ãẽ̱xgacümaxã nüxü̃ nixu ga wüxi ga cua̱xruxü̃ nax yemawa nüxü̃ nacuáxü̃ca̱x nax aixcüma Tupanaarü ore yixĩxü̃ ga nüxü̃ yaxuxü̃, rü ñanagürü: —Ñaa nixĩ i cua̱xruxü̃ i Cori ya Tupana nüxü̃ ixuxü̃: “Rü ñaa ãmarearü guruxü̃ rü tá nangĩãchi rü yima tanimaca ya naétüwa ngẽxmacü rü tá nagüane” —ñanagürü.

Ore i mexü̃ ga Cuáü̃ ümatüxü̃ 4:48

Rü Ngechuchu nanangãxü̃, rü ñanagürü nüxü̃: —Pema rü tama peyaxõgü ega tama nüxü̃ pedauxíragu i cua̱xruü̃gü i Tupanaarü poramaxã üxü̃ —ñanagürü.