1 Corintios 1:20 - Tupanaarü Ore

²⁰ Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

1 Corintios 1:20 Referans Kwoze

Romanos 1:22

Rü nügü yaxugüegu rü duü̃xü̃gü i nüxü̃ icuáxü̃ nixĩgü natürü taxuguma narüxĩnüe. Yerü nüxna nixĩgachitanü ga Tupana ya mexẽchicü ya taguma yucü, nax nawe naxĩxü̃ca̱x ga duü̃xü̃gü i yuxwa̱xexü̃chicüna̱xãgü, rü werigüchicüna̱xãgü, rü naẽü̃güchicüna̱xãgü, rü ãxtapegüchicüna̱xãgü.

Yox 12:17

Rü ngẽma nüxü̃ cua̱xüchigüxü̃ rü Tupana nüxna nanayaxu i ngẽma norü cua̱x. Rü ñu̱xũchi ngẽma guxchaxü̃arü mexẽẽruü̃gü rü Tupana nanatoãẽgü nax tama naãẽxü̃ yacuáxü̃ca̱x.

1 Corintios 3:19

Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

1 Corintios 1:19

Erü norü ore i ümatüxü̃wa rü ñanagürü ga Tupana: “Tá ichayanaxoxẽxẽ i norü cua̱x i ngẽma duü̃xü̃gü i nüxü̃ cua̱xüchigüxü̃. Rü tá nüxna chanayaxu i norü cua̱x i ngẽma naãxẽxü̃ cua̱xgüxü̃”, ñanagürü.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Yox 12:24

Rü ngẽma nachixü̃anemaxã icua̱xgüxü̃ rü nüxna nayaxu i norü cua̱x. Rü chianexü̃wa nu ne nanaxũxẽẽmare. Rü ngẽxguma ngextá naxũxgu rü nanadaueme̱xẽane ñoma naxca̱x naxẽanexü̃rüxü̃. Rü nichü̱xacüxü ñoma wüxi i ngãxü̃xü̃rüxü̃ —ñanagürü ga Yox.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

Ichaía 53:1

¿Texé tá tayaxõ ga yema ore ga nüxü̃ ixuxü̃? ¿Rü texéca̱x nixĩ ga nango̱xẽxẽãxü̃ ga norü pora ya Cori ya Tupana?

Ichaía 33:18

Rü ngẽxguma nüxna pecua̱xãchiegu ga yema muü̃ ga pexü̃́ yexmaxü̃ ga yexguma Achíriaanecüã̱x pexca̱x íyaxüãchigu, rü ñapegürü tá: —¿Ngexü̃ yixĩxü̃ ga yema ngĩrü ugüruxü̃ ga yéma diẽru ga Achíriaaneaxü̃́ ngĩxü̃ ixütanücü? ¿Rü ngexü̃ nixĩ ga yema úiruarü yaarü ngugüruxü̃? ¿Rü ngexü̃ nixĩ ga yema Yerucharéü̃arü dauxü̃taechicagü i taxü̃nearü ugüruxü̃? —ñaperügü tá.

Yox 12:20

Rü ngẽma ãẽ̱xgacügüarü ucu̱xẽruü̃gü rü nanangea̱xgüxẽxẽ. Rü ngẽma o̱xigü rü nüxna nanayaxu nax naãẽxü̃ yacuáxü̃.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

2 Chamué 16:23

Rü yema ga ngunexü̃gügu rü yema Aitópearü ucu̱xẽgü rü ñomatama Tupanaarü orewa nayauxgüxü̃rüxü̃ nixĩ. Rü yema Dabí naga naxĩnüxü̃rüxü̃ rü Acharóü̃ rü ta naga naxĩnü.

2 Chamué 15:31

Rü yexguma Dabímaxã nüxü̃ yaxugüegu ga Aitópe rü Acharóü̃arü ĩnüwaama üxü̃, rü nüma ga Dabí rü Cori ya Tupanana naca nax nagu yanachixexẽẽãxü̃ca̱x ga yema Aitópe nagu rüxĩnüxü̃.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ngechuchuarü ngúexü̃gü ga yamugüxü̃arü puracüchiga 17:18

Rü nayexmagü ta ga ñuxre ga yatügü ga Epicúriugüarü ngu̱xẽẽtaewa ngúexü̃, rü togü ga Etóicugüarü ngu̱xẽẽtaewa ngúexü̃. Rü nümagü rü inanaxügüe ga Paurumaxã nax yanaxutagagüxü̃. Rü ñuxre ga nümagü rü ñanagürügü: —¿Rü ta̱xacü nixĩ i nüxü̃ yaxuxü̃ i ñaa yatü i idexaechamarexü̃? —ñanagürügü. Rü togü nanangãxü̃gü, rü ñanagürügü: —Maneca wüxi i to i nachixü̃anecüã̱xarü tupanagüarü orearü uruxü̃ nixĩ —ñanagürügü. Rü yemaacü nidexagü ga yema duü̃xü̃gü, yerü Pauru rü nüxü̃ nixu ga ore ga mexü̃ ga Ngechuchuchiga rü wena nax namaxü̃xü̃chiga.

Romanos 1:20

Rü woo tama nüxü̃ idaugügu ya Tupana, natürü guxü̃ma i ngẽma naxüxü̃wa nixĩ i nangóxü̃. Rü yexguma noxri naane naxü̱xgumama nixĩ ga meama duü̃xü̃güxü̃ nüxü̃ nadauxẽẽxü̃ nax aixcüma Tupana nax yixĩxü̃ rü guxü̃guma nax naporaxü̃. Rü ngẽmaca̱x i ngẽma duü̃xü̃gü i chixexü̃ ügüxü̃, rü taxucürüwama ta̱xacümaxã nügü ínapoxü̃gü i Tupanape̱xewa.

1 Corintios 1:26

Pa Chauenexẽgüx, name nixĩ i nagu perüxĩnüe nax Tupana pexü̃ dexü̃ nax norü duü̃xü̃gü pixĩgüxü̃ca̱x woo noxretama pixĩgü nax nüxü̃ pecua̱xüchixü̃ ega duü̃xü̃gü pexü̃ ngugügu. Rü woo noxretama pixĩgü nax ãẽ̱xgacügü pixĩgüxü̃, rü woo noxretama pixĩgü i ngẽma itaarü diẽruã́xü̃tanüxü̃ pixĩgüxü̃, natürü Tupana rü pexü̃ nade nax norü duü̃xü̃gü pixĩgüxü̃ca̱x.

1 Corintios 1:27

Rü woo ñoma i naanecüã̱x nagu narüxĩnüe nax pema rü duü̃xü̃gü i taxuwama mexü̃ pixĩgüxü̃, natürü Tupana pexü̃ nade nax naxãnexü̃ca̱x i ngẽma duü̃xü̃gü i nügügu rüxĩnüexü̃ nax nüxü̃ yacua̱xüchixü̃. Rü Tupana pexü̃ nade i pema nax duü̃xü̃gü pexü̃ ixugügu nax peturaexü̃ nax ngẽmaãcü naxãnexü̃ca̱x i ngẽma duü̃xü̃gü i poraexü̃.

1 Corintios 1:28

Rü Tupana nanade ga yema duü̃xü̃gü ga togü nüxü̃ oexü̃, rü ñoma i naanewa taxuxü̃ma ixĩgüxü̃ rü taxuxü̃ma nüxü̃́ ngẽxmagüxü̃. Rü yemaacü Tupana nanaxãneexẽxẽ i ngẽma duü̃xü̃gü i ñoma i naanewa tachigagüxü̃.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

1 Corintios 6:2

¿Tama ẽ̱xna nüxü̃ pecua̱x nax yixema nax yaxõgüxü̃ tá yixĩxü̃ i naanearü gu̱xgu nüxna icagüxü̃ i guxü̃ma i ñoma i naanecüã̱x i duü̃xü̃gü? Rü ñu̱xma nax pema tá yixĩxü̃ i ñoma i naanecüã̱x i duü̃xü̃güxü̃ picagüxü̃, ¿rü tü̱xcüü̃ taxucürüwa i pematama penamexẽxẽ i ngẽma perü guxchaxü̃gü i íxrachiréxü̃?

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.