1 Corintios 1:14 - Tupanaarü Ore

¹⁴ Rü Tupanana moxẽ chaxã, yerü taxúema pexü̃ íchabaiü̃xẽxẽ ga pemax. Rü Críspo rü Gáyuxicatama nixĩ ga íchabaiü̃xẽẽxü̃.

1 Corintios 1:14 Referans Kwoze

Ngechuchuarü ngúexü̃gü ga yamugüxü̃arü puracüchiga 18:8

Rü Críspo ga ngutaque̱xepataü̃arü ãẽ̱xgacü rü naxma̱x rü guxü̃ma ga naxacügü rü Cori ya Ngechuchuaxü̃́ nayaxõgü. Rü yexgumarüxü̃ ta muxü̃ma ga Coríntiucüã̱xgü rü nayaxõgü ga yexguma nüxü̃ naxĩnüegu ga yema ore, rü ínabaiü̃.

Romanos 16:23

Rü pexü̃ narümoxẽ ta ya Gáyu ya napatawa changexmacü. Rü nüma rü inanaxã ya daa napata nax nawa nangutaque̱xegüxü̃ca̱x i guxü̃ma i yaxõgüxü̃. Rü ngẽxgumarüxü̃ ta pexü̃ narümoxẽgü i Erástu i daa ĩanearü diẽruarü dauruxü̃ ixĩxü̃, rü taenexẽ i Cuártu.

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Colosenses 3:15

Rü name nixĩ nax pewa nangẽxmaxü̃ i ngẽma taãxẽ i Cristu pexna ãxü̃ nax ngẽmaãcü aixcüma pegü pengechaü̃güxü̃ca̱x. Yerü yemaca̱x nixĩ ga Tupana pexü̃ dexü̃ nax wüxitama i duü̃xü̃gü pixĩgüxü̃ca̱x rü mea wüxigu perüxĩnüexü̃ca̱x. Rü name nixĩ i Tupanana moxẽ pexãgü.

Efesios 5:20

Rü name nixĩ i guxü̃guma tórü Cori ya Ngechuchu ya Cristuégagu Tanatü ya Tupanana moxẽ pexãgü naxca̱x i guxü̃ma i norü ngü̃xẽxẽ.

2 Corintios 2:14

Rü Tupanana moxẽ taxãgü erü ñu̱xma nax Cristuarü duü̃xü̃gü tixĩgüxü̃, rü nüma ya Tupana rü guxü̃guma tomaxã nanaxũpe̱xe. Rü nüma nixĩ i towa duü̃xü̃güxü̃ nüxü̃ nacua̱xẽẽxü̃ i norü ore. Rü ngẽma norü ore rü guxü̃wama nangu, rü ñoma i naanewa rü ñoma wüxi i pumara i yixichixü̃rüxü̃ nixĩ.

1 Corintios 14:18

Tupanana moxẽ chaxã, erü perü yexera taxúema nüxü̃ cuáxü̃ i nagawa chidexa.

1 Corintios 1:4

Rü taguma nüxü̃ charüchau nax Tupanana moxẽ pexca̱x chaxãxü̃. Rü moxẽ nüxna chaxã naxca̱x i ngẽma ngü̃xẽxẽ ya Ngechuchu ya Cristugagu Tupana pexna ãxü̃.

Popera ga Filemúü̃ca̱x naxümatüxü̃ ga Pauru 1:4

Rü guxü̃guma i ngẽxguma cuxna chacua̱xãchigu i chorü yumüxẽwa, rü Tupanana moxẽ chaxã cuxca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:12

Rü moxẽ nüxna chaxã ya Ngechuchu ya Cristu ya tórü Cori ya choxü̃ naporaxẽẽcü. Yerü choxü̃ nangugü nax norü duü̃xü̃ i mexü̃ chixĩxü̃. Rü yemaca̱x choxü̃ nayaxu nax nüxü̃́ chapuracüxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:48

Rü nanamu nax Ngechuchu ya Cristuégagu ínabaiü̃xü̃ ga yema duü̃xü̃gü ga yexwacax yaxõgüxü̃. Rü yexguma Pedruxü̃ naca̱a̱xü̃gü nax yexma naxã́ũxü̃ca̱x ga ñuxre ga ngunexü̃.

1 Corintios 1:15

Rü ngẽmaca̱x taxucürüwa texé tügü tixu nax chauégagu ítabaiexü̃.