1 Corintios 1:12 - Tupanaarü Ore

¹² Rü pemaxã nüxü̃ chixu i ngẽma erü ñuxre i pema rü ñaperügügü: “Choma rü Pauruwe charüxũ”, ñaperügügü. Rü togue rü: “Choma rü Apóruwe charüxũ”, ñaperügügü. Rü togue rü: “Choma rü Pedruwe charüxũ”, ñaperügügü. Rü togue rü: “Choma rü Cristuwe charüxũ”, ñaperügügü.

1 Corintios 1:12 Referans Kwoze

Ore i mexü̃ ga Cuáü̃ ümatüxü̃ 1:42

Rü yemawena, rü Ngechuchu íyexmaxü̃wa Chimóü̃xü̃ naga ga André. Rü yexguma Ngechuchu Chimóü̃xü̃ da̱u̱xgu, rü ñanagürü nüxü̃: —Cuma nixĩ i Chimóü̃ i Cuáü̃ nane quixĩxü̃. Natürü ñu̱xmawena rü Nuta tá nixĩ i cuéga —ñanagürü. Rü ngẽma naéga rü Pedru ñaxü̃chiga nixĩ.

Gálatas 3:17

Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

2 Corintios 9:6

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!

1 Corintios 16:12

Rü ngẽma taenexẽ i Apóru rü poraãcü nüxü̃ chaca̱a̱xü̃ nax petanüwa íyadauxü̃ca̱x namaxã i ngẽma togü i taenexẽgü. Natürü tama ngéma naxũxchaü̃ i ñu̱xmax. Natürü ngẽxguma naxãchicagu rü tá ngéma naxũ.

1 Corintios 15:50

Rü dücax, Pa Chauenexẽgüx, pemaxã nüxü̃ chixu rü ñaa taxü̃ne i namachinaxca̱x rü naxchina̱xãnaxca̱x, rü taxucürüwa Tupana ãẽ̱xgacü íyixĩxü̃wa nangu. Erü ngẽma iyarüxoxü̃, rü taxucürüwama Tupanaxü̃tawa i ngextá taxuxü̃ma íyarüxoxü̃wa nixücu.

1 Corintios 15:5

Rü yexgumarüxü̃ ta pexü̃ changúexẽxẽ nax Pedruca̱x nangóxü̃ ga Cristu, rü yixcüra norü ngúexü̃gü ga yamugüxü̃ca̱x nangóxü̃.

1 Corintios 9:5

¿Ẽ̱xna tama i namexü̃ nax wüxi i ngexü̃ i yaxõxü̃maxã nax chaxãmaxü̃ nax chayagaxü̃ca̱x ngẽxgumarüxü̃ nax naxãmaxü̃ i Pedru, rü naenexẽgü ya tórü Cori, rü ngẽma togü i yatügü ya Tupana imugüxü̃?

1 Corintios 7:29

Pa Chauenexẽgüx, pemaxã nüxü̃ chixu rü tama muxü̃ i ngunexü̃ tüxü̃́ nangẽxma nax naxüxü̃ca̱x i Tupanaarü puracü. Rü ngẽmaca̱x ya yíxema ixãma̱xgüxe rü name nixĩ i mea tanaxügü i Tupanaarü puracü ñoma tangema̱xgüxü̃rüxü̃.

1 Corintios 4:6

Pa Chauenexẽgüx, perü mexü̃ca̱x nixĩ i pemaxã nüxü̃ tixuxü̃ i ngẽma ore nax Tupana naxwa̱xexü̃ãcüma pemaxẽxü̃ca̱x. Rü choma rü Apóru nixĩ i perü cua̱xruü̃gü tixĩgüxü̃. Rü name nixĩ nax towa pengúexü̃ rü tama ípeyatóxẽẽxü̃ i Tupanaarü ore i marü ümatüxü̃. Rü ngẽmaãcü taxũtáma texé tügü ticua̱xüxü̃ namaxã i wüxi i Tupanaarü orearü uruxü̃ rü ngẽma to rü tama.

Ngechuchuarü ngúexü̃gü ga yamugüxü̃arü puracüchiga 18:24

Rü yexgumaü̃cüxü rü Epéchiuwa nangu ga wüxi ga Yudíu ga Apórugu ãégaxü̃. Rü nüma rü ĩane ga Areyandríacüã̱x nixĩ, rü nüxü̃́ natauxcha nax duü̃xü̃güpe̱xewa yadexaxü̃. Rü meama nüxü̃ nacua̱x ga Tupanaarü ore i ümatüxü̃.

Ore i mexü̃ ga Matéu ümatüxü̃ 23:8

¡Natürü i pemax, Pa Chorü Duü̃xü̃güx, rü taxũtáma penaxwa̱xe nax duü̃xü̃gü “Pa Ngúexẽẽruxü̃”, ñagüxü̃ pexü̃! Erü guxãma i pema rü pegüenexẽgü pixĩgü, rü wüxixicatama nixĩ ya perü Ngúexẽẽruxü̃ ixĩcü.

Ngechuchuarü ngúexü̃gü ga yamugüxü̃arü puracüchiga 19:1

Rü yexguma Coríntiuwa nayexmayane ga Apóru, rü Pauru rü naxpü̱xanegu idaxü̃ ga namawa nixüpetü, rü Epéchiuwa nangu. Rü yexma nüxü̃ nayangau ga ñuxre ga yaxõgüxü̃.

1 Corintios 1:11

Pa Chauenexẽgüx, pemaxã nüxü̃ chixu i ngẽma ore, yerü Croétanüxü̃tanüwa nüxü̃ chacuáchiga nax pegümaxã penuexü̃ rü tama aixcüma wüxigu perüxĩnüexü̃.

2 Corintios 10:7

¡Mea penangugü i ngẽma nüxü̃ pedauxü̃! Rü ngẽxguma texé tügü cua̱xgu nax Cristuarü duü̃xü̃ tixĩxü̃, rü name nixĩ i nüxü̃ tacua̱x nax toma rü ta Cristuarü duü̃xü̃gü tixĩgüxü̃.

Nüxíraxü̃xü̃ ga popera ga ãẽ̱xgacügüchiga 16:21

Rü yexguma ga Iraéanecüã̱x ga duü̃xü̃gü rü taxrechimüü̃gu nügü nitoye. Rü wüxichimüü̃ rü Tixní ga Guináx nanewa naxügü nax norü ãẽ̱xgacü yixĩxü̃ca̱x, rü toxchimüü̃ rü Omríwa naxügü nax norü ãẽ̱xgacü yixĩxü̃ca̱x.