1 Chamué 9:9 - Tupanaarü Ore

⁹ (Nũxcüma yexguma wüxi ga Iraétanüxü̃ Tupanana caxchaü̃gu rü ñanagürü: “¡Ngĩxã nüxna tayaca ya yimá Ẽxü̃guxü̃xü̃ Cuácü!” ñanagürü. Rü nũxcüma rü “Ẽxü̃guxü̃xü̃ Cua̱xcümaxã nanaxugü”, natürü i ñu̱xma rü “Orearü Uruxü̃maxã nanaxugü”.)

1 Chamué 9:9 Referans Kwoze

Ichaía 30:10

Rü ngẽmaca̱x yíxema ngo̱xetügüexü̃ ñanagürügü: —¡Marütama nax pengo̱xetügüxü̃! —ñanagürügü. Rü yíxema orearü uruü̃güxü̃ rü ñanagürügü: —¡Taxṹ i tomaxã nüxü̃ pixuxü̃ i ngẽma Tupana pexü̃ wéxü̃ woo aixcüma namexgu! ¡Rü dexagü i toõẽwa mexü̃xü̃ tomaxã pixu rü taxṹ i toxna peyañaxẽẽxü̃ i ngẽma torü taãẽgü! —ñanagürügü.

Amúx 7:12

Rü yemawena ga Amachía rü Amúxü̃ namu rü ñanagürü: —¡Ínaxũxũ i nua, Pa Orearü Uruxü̃x! Rü ngẽxguma cunaxwa̱xegu nax cuxü̃́ naxãtanüxü̃ i ngẽma orexü̃ nax quixuxü̃ ¡ẽcü Yudáanewa naxũ rü ngéma nüxü̃ ixu i ngẽma ore!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:29

Rü guxü̃ma ga yema Dabí üxü̃ ga yexguma ãẽ̱xgacü yixĩxgu rü yema popera ga Tupanaarü orearü uruxü̃ ga Chamué ümatüxü̃gu naxümatü. Rü yexgumarüxü̃ ta ga yema Dabí üxü̃ rü naxümatü nagu ga yema popera ga Tupanaarü orearü uruxü̃ ga Natáü̃ ümatüxü̃, rü nagu ga yema popera ga Tupanaarü orearü uruxü̃ ga Gáx ümatüxü̃ ga Dabíchiga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:28

Rü yexgumarüxü̃ ta yematanüwa nayexmagü ga yema yemaxü̃gü ga Chamué ga Tupanaarü orearü uruxü̃ nüxna naxü̃, rü yema yemaxü̃gü ga Chaú ga Chíx nane Tupanana naxü̃, rü yema yemaxü̃gü ga Abnéx ga Néx nane Tupanana naxü̃, rü yema yemaxü̃gü ga Yoá ga Cheruiá ngĩne Tupanana naxü̃. Rü guxü̃ma ga yema yemaxü̃gü ga Tupanana naxü̃ rü Cheromíx nixĩ ga wüxigu naenexẽgümaxã nüxna daugüxü̃.

Norü taxre ga popera ga ãẽ̱xgacügüchiga 17:13

Rü yema nixĩ ga norü orearü uruü̃güwa marü Iraétanüxü̃maxã nüxü̃ yaxuxü̃ ga Cori ya Tupana nax nüxü̃ naxoexü̃ca̱x ga yema chixexü̃ ga nacümagü, rü nüma ya Tupana nanaxwa̱xexü̃ãcüma nax yanguxẽẽgüãxü̃ca̱x ga yema mugü rü ngu̱xẽẽtaegü ga norü o̱xigüna naxãxü̃ ga norü orearü uruü̃güwa.

2 Chamué 24:11

Yexguma moxü̃ãcü pa̱xmama naba̱i̱xãchigu ga Dabí, rü nümax ga Cori ya Tupana rü norü orearü uruxü̃ ga Gáx ga Dabíarü ngü̃xẽẽruxü̃ ixĩcümaxã nidexa rü ñanagürü nüxü̃:

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Naanearü ügüchiga 25:22

Rü nataxree̱xpü̱x ga ngĩxacü, natürü ngĩanügu nügü nadai. Rü yemaca̱x ñaxü̃gu irüxĩnü: “Ngẽxguma tá ngẽmaãcü yaxĩgügu i ñaa buxü̃gü ¿rü tü̱xcüü̃ ichamaxü̃xü̃?” ñaxü̃gu irüxĩnü. Rü yemaca̱x ga ngĩma ga Rebéca rü Cori ya Tupanana ica yemachiga.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Norü taxre ga to ga popera ga ãẽ̱xgacügüchiga ümatüxü̃ 16:7

Rü yema ngunexü̃gügu rü Tupanaarü orearü uruxü̃ ga Ananí rü Yudáanearü ãẽ̱xgacü ga Acháxü̃tawa naxũ nax namaxã nüxü̃ yanaxuxü̃ca̱x ga ñaa ore ga ñaxü̃: —Ñu̱xma nax cuxme̱xwa yabuxmüxü̃ i ngẽma Chíriaanearü churaragü, rü cugagu nixĩ erü Chíriaanearü ãẽ̱xgacüga cuxĩnü rü tama curü Cori ya Tupanaga cuxĩnü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:22

Rü guxü̃wama ga yema duü̃xü̃gü ga ĩã̱xarü dauruü̃ca̱x nadexü̃ rü 212 nixĩ ga norü mu. Rü yemagü nixĩ ga nawa ngo̱xégaxü̃ ga yema popera ga natanüxü̃ nagu iwǘgüxü̃ ga wüxichigü ga norü ĩanewa. Rü Dabí rü Chamué ga Tupanaarü orearü uruxü̃ nixĩ ga noxri nüxü̃ unetagüxü̃ ga yema Lebítanüxü̃ naxca̱x ga yema puracü.

Ãẽ̱xgacügü ga guxchaxü̃güarü mexẽxẽruü̃gü 1:1

Nawena ga nax nayuxü̃ ga Yochué rü nümagü ga Iraétanüxü̃ rü Cori ya Tupanana nacagüe nax nüxü̃ nacua̱xgüxü̃ca̱x rü ngexü̃rüüxü̃ i natücumü tá nixĩ i nüxíra Canaáü̃tanüxü̃maxã nügü daixü̃.

1 Chamué 9:10

Rü nüma ga Chaú rü ñanagürü: —Marü name. ¡Ngĩxã rü ngéma taxĩ! —ñanagürü. Rü yexguma inaxĩãchi rü guma ĩane ga Tupanaarü orearü uruxü̃ nawa yexmanewa naxĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:9

Rü yexguma ga Cori ya Tupana rü Dabíarü ucu̱xẽruxü̃ ga Gáxü̃ namu, yerü guma nixĩ ga Dabímaxã Tupanaarü orexü̃ ixucü. Rü nüma ga Tupana rü Gáxü̃ ñanagürü:

Ãẽ̱xgacügü ga guxchaxü̃güarü mexẽxẽruü̃gü 18:5

Rü yexguma ga nümagü rü ñanagürügü: —¡Cori ya Tupanana naca nax nüxü̃ tacuáxü̃ca̱x rü tá mea toxü̃́ ínanguxuchi i ngẽma ítaxĩxü̃wa! —ñanagürügü.

1 Corintios 12:17

Rü ngẽxguma chi guxü̃ma i naxü̃ne rü naxetü yixĩxgu, ¿rü ta̱xacümaxã chi i nüxü̃ naxĩnüxü̃ i ngẽma naxü̃ne? Rü ngẽxguma chi guxü̃ma i naxü̃ne rü naxmachixẽ yixĩxgu, ¿rü ta̱xacümaxã chi i nüxü̃ nawãxĩxü̃?