1 Chamué 9:25 - Tupanaarü Ore

²⁵ Rü yexguma marü yema nachicawa yanachoxü̃gu ga ĩanewa nax naxĩxü̃, rü ĩpataarü daxũwa Chaúca̱x nanamexẽẽgü ga wüxi ga pechica.

1 Chamué 9:25 Referans Kwoze

Ngechuchuarü ngúexü̃gü ga yamugüxü̃arü puracüchiga 10:9

Rü moxü̃ãcü ga yexguma namagu naxĩyane ga yema duü̃xü̃gü ga Cornériu yéma mugüxü̃, rü yexguma marü Yópexü̃ yangaicagügu, rü Pedru rü daxũ naxĩ ga ĩpataétüwa nax yéma nayumüxẽxü̃ca̱x. Rü tocuchiarü oragu nixĩ ga yexguma.

Wenaxarü naxümatü ga Tupanaarü mugü 22:8

Rü ngẽxguma texé ngexwacaxü̃ne ya tümapata taxü̱xgu rü name nax ítanapoxeguxü̃ i naétüwa ya tümapata nax ngẽmaãcü taxúema ngéma rünguxü̃ca̱x rü ngẽmaãcü tama yatümaguãchixü̃ca̱x ega ngürüãchi texé ngéma rünguxgu rü tayu̱xgu.

Neemía 8:16

Rü duü̃xü̃gü rü norü naiátüwa naxĩ rü namaxã ínangugü nax yemaacü wüxichigü ga duü̃xü̃ noxrütama düxenü ne naxüxü̃ca̱x. Rü nümaxü̃ ga duü̃xü̃gü rü napataétügu nanaxügü ga norü düxenü, rü togü rü napataa̱xtügu nanaxügü, rü togü rü Tupanapata ga taxü̃nea̱xtügu nanaxügü, rü togü rü ĩã̱x ga Dexágu ãégaxü̃pe̱xegu nanaxügü, rü togü ga duü̃xü̃gü rü ĩã̱x ga Efraíü̃gu ãégaxü̃pe̱xegu nanaxügü ga norü düxenügü.

2 Chamué 11:2

Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

Ore i mexü̃ ga Matéu ümatüxü̃ 10:27

Rü guxü̃ma i ngẽma bexma pemaxã nüxü̃ chixuxü̃, ¡rü mea duü̃xü̃güca̱x penango̱xẽxẽ! Rü guxü̃ma i ngẽma pemaxãxicatama nüxü̃ chixuxü̃, ¡rü tagaãcü guxü̃ i duü̃xü̃gümaxã nüxü̃ pixu!

Yeremía 19:13

Rü ngẽma doxonexü̃ i Tóperüxü̃ rü chope̱xewa tá nixãũãchi ya yima ĩpatagü ya Yerucharéü̃cüã̱x rü yima Yudáanearü ãẽ̱xgacügüpatagü rü ngẽma ĩã̱xtügü ga nawa woramacurigüca̱x pumarate̱xe yagugüxü̃ rü bínu ga ãmarexü̃ nagu nabagüxü̃ naxca̱x ga yema tupananetagü” —ñanagürü ga Tupana.

Ore i mexü̃ ga Matéu ümatüxü̃ 24:17

Rü ngẽma ngunexü̃gu ega texé tümapataétüwa ngẽxmagu, rü tama name i tümapatagu tayangaxi nax tümaarü ngẽmaxü̃ tayayaxuxü̃ca̱x.

Ore i mexü̃ ga Luca ümatüxü̃ 5:19

Natürü taxuacüma yexma nanangecuchitaxü̃gü, yerü namuxũchi ga duü̃xü̃gü. Rü yemaca̱x ĩétügu naxĩgü. Rü meama Ngechuchu íyexmaxü̃étüwa ínanapogüãü̃gü ga gumá ĩpata. Rü yéma duü̃xü̃gütanüwa Ngechuchupe̱xewa ínanachü̱xüxüetaü̃gü ga gumá nawãĩxãchicü.

1 Chamué 9:26

Rü nüma ga Chaú rü yexma nape. Rü moxü̃ãcü nüma ga Chamué rü Chaúxü̃ naca ga ĩpataarü dauxnawa, rü ñanagürü nüxü̃: —¡Írüda rü marü name nax íquixũxü̃! —ñanagürü. Rü nüma ga Chaú rü ínarüda. Rü yemawena rü ínachoxü̃ ga Chaú rü Chamué, rü namawa naxĩ.