1 Chamué 9:21 - Tupanaarü Ore

²¹ Rü nüma ga Chaú rü nanangãxü̃ rü ñanagürü: —Natürü i choma rü Bẽyamíü̃tanüxü̃ chixĩ, rü ngẽma totücumü rü guxü̃ma i togü i Iraéanecüã̱xgütücumüxü̃ narüxíxramae. Rü ñu̱xũchi ngẽma nügütanüxü̃chigü i Bẽyamíü̃tücumüwa ügüxü̃, rü chautanüxü̃ nixĩ i guxü̃arü yexera rüxíxramaexü̃. Rü ngẽmaca̱x ¿tü̱xcüü̃ chomaxã nüxü̃ quixu nax guxü̃ma i Iraéanearü mexü̃gü rü cho̱xme̱xwa tá nangẽxmaxü̃? —ñanagürü.

1 Chamué 9:21 Referans Kwoze

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Wiyaegü 68:27

Rü Bẽyamíü̃chimüxü̃ rü nape̱xewaama naxü, rü ngẽmaweama naxü i Yudáchimüxü̃ norü ãẽ̱xgacügümaxã. Rü ngẽmaweama naxügü i Chaburóü̃chimüxü̃ norü ãẽ̱xgacügümaxã, rü Netaríchimüxü̃ norü ãẽ̱xgacügümaxã.

Ochéa 13:1

Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.

1 Chamué 18:23

Rü nüma ga yema Chaúarü ngü̃xẽẽruü̃gü rü yéma Dabíxü̃tawa naxĩ rü namaxã nüxü̃ nixugü ga yema ore ga Chaú namaxã nüxü̃ ixuxü̃. Natürü nüma ga Dabí rü nanangãxü̃ rü ñanagürü: —¿Ẽ̱xna pema nagu perüxĩnüegu i natauxchaxü̃ nax wüxíe ya chauxrüxü̃ ngearü diẽruã́xẽ rü taxuxü̃ma ixĩxẽ nax ãẽ̱xgacüxã̱xte tixĩxü̃? —ñanagürü.

1 Chamué 18:18

Natürü ga Dabí rü nanangãxü̃ rü ñanagürü: —Taxuxü̃ma chixĩ i cupe̱xewa, rü chautanüxü̃ rü taxuxü̃ma nixĩgü i Iraéanegütanüwa nax cuxã̱xte nax chixĩxü̃ca̱x —ñanagürü.

1 Chamué 10:27

Natürü nayexmagü ta ga duü̃xü̃gü ga Chaúmaxã chixexü̃gu rüxĩnüexü̃ rü ñagüxü̃: —¿Ñuxãcü tá i ñaa yatü i tamaxã inacuáxü̃? —ñagüxü̃. Rü yemaacü nüxü̃ naxõõ̱xgü rü tama namaxã nataãẽgü. Natürü nüma ga Chaú rü tama yemagu narüxĩnü.

1 Chamué 9:22

Rü yemawena ga Chamué rü chibüchicawa nanagagü ga Chaú rü norü duü̃xü̃. Rü yema rümemaexü̃ ga nachicawa nanatogüxẽxẽ natanüwa ga yema 30 ga duü̃xü̃gü ga nüxna naxuxü̃.

1 Chamué 14:51

Rü Chaú nanatü rü Chíx nixĩ, rü Abnéx nanatü rü Néx nixĩ. Rü nanatü ga Chíx rü Néx, rü Abié nixĩ.

Wiyaegü 68:28

Pa Chorü Tupanax ¡inawe̱x i curü pora! ¡Rü wenaxarü toxca̱x naxü ga yema taxü̃ ga mexü̃gü ga nũxcüma curü poramaxã cuxüxü̃!