1 Chamué 9:2 - Tupanaarü Ore

² Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

1 Chamué 9:2 Referans Kwoze

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

Iraétanüxü̃arü muxchiga 13:33

Rü nüxü̃ tadaugü ga Anáxtanüxü̃ ga itaxüchixü̃ rü máchanexü̃chixü̃. Rü yemaca̱x ga toma ga naxü̃tawa nax togü tadaugüxü̃ rü tanamunügüraxü̃mare. Rü nümagü rü ta yemaacütama toxü̃ nadaugü —ñanagürügü.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

1 Chamué 17:4

Rü yema Firitéugütanüwa nixũxũ ga wüxi ga churara ga 3 metrugu ixüchanexü̃, rü yema doxonexü̃wa naxũ. Rü Goriáx nixĩ ga naéga, rü ĩane ga Gáxcüã̱x nixĩ.

1 Chamué 9:3

Rü wüxi ga ngunexü̃gu rü Chíxarü búrugü rü inarütauxe. Rü yemaca̱x nane ga Chaúxü̃ ñanagürü: —¡Cugü namexẽxẽ rü naxca̱x yadau i ngẽma búrugü! ¡Rü wüxi i tórü duü̃xü̃maxã íixãmücü! —ñanagürü.

1 Chamué 10:21

Rü yexguma ga Chamué rü Bẽyamíü̃tücumüca̱x naca nax naxü̃tawa naxĩxü̃ca̱x, rü yema Bẽyamíü̃tücumüwa rü Matítanüxü̃gu nangu. Rü yematanüwa rü Chaú ga gumá Chíx nane ixĩcügu nangu nax Iraéanecüã̱xgüarü ãẽ̱xgacü yixĩxü̃. Natürü yexguma naxca̱x nadaugügu ga Chaú, rü tama nüxü̃ inayangaugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:33

Rü nüma ga Néx rü Chíx nanatü nixĩ. Rü Chíx rü Chaú nanatü nixĩ. Rü Chaú nanegü nixĩ ga Yonatáü̃, rü Maquichúa, rü Abinadá, rü E-baá.