1 Chamué 9:14 - Tupanaarü Ore

¹⁴ Rü yexguma ga Chaú rü yema namücümaxã guma ĩaneca̱x nixĩama. Rü yexguma guma ĩanewa nangugügu, rü nüma ga Chamué rü yéma ne naxũ ga ngutaque̱xechicawa nax naxũxü̃ca̱x.

1 Chamué 9:14 Referans Kwoze

1 Chamué 9:13

Rü ngẽxguma nawa pengugügu ya yima ĩane ¡rü paxa naxca̱x peda̱u̱x naxü̃pa nax ngutaque̱xechicawa naxũxü̃ naxca̱x i ngẽma õna! Rü ngẽma duü̃xü̃gü rü taxũtáma nachibüe ñu̱xmata nüma ngéma nanguxgu. Erü nüma tá namaxã nayumüxẽ i ngẽma Tupanaarü ãmare i yagugüxü̃. Rü ngẽmawena tá nixĩ i nachibüexü̃ i ngẽma duü̃xü̃gü i nüxna naxuxü̃. ¡Rü ngẽmaca̱x paxãma ngéma pexĩ i ñu̱xmax! Rü tá ngẽxma nüxü̃ ipeyangau —ngĩgürügügü.

1 Chamué 9:15

Rü ĩneacü, naxü̃pa nax Chaú yéma nguxü̃, rü Chamuémaxã nidexa ga Tupana rü ñanagürü: —Moxü̃ i ñaa tátama i oragu rü cuxca̱x tá nua chanamu i wüxi i yatü i Bẽyamíü̃arü naanewa ne ũxü̃. Rü cuma rü tá chíxü̃maxã cunabaeru i ngẽma yatü nax chorü duü̃xü̃gü i Iraécüã̱xgümaxã inacuáxü̃ca̱x. Rü nüma tá nixĩ i Firitéugüme̱xẽwa ínanguxü̃xẽẽãxü̃. Erü choxü̃́ nangechaü̃tümüxü̃gü i chorü duü̃xü̃gü i ngẽxguma nüxü̃ chaxĩnügu i norü yumüxẽ i auxeãcüma chomaxã nüxü̃ yaxugüxü̃ —ñanagürü ga Tupana.