1 Chamué 8:7 - Tupanaarü Ore

⁷ Natürü nüma ga Cori ya Tupana rü Chamuéxü̃ nangãxü̃ga rü ñanagürü: —¡Ẽcü, naxü i ngẽma cuxna naxca̱x nacagüxü̃! Erü tama cuxü̃ nixĩ i naxõõ̱xgüxü̃, rü choxü̃waxi nixĩ, erü tama nanaxwa̱xegü i norü ãẽ̱xgacü nax chixĩxü̃.

1 Chamué 8:7 Referans Kwoze

1 Chamué 10:19

Natürü i ñu̱xma i pemax rü nüxü̃ pexo ya yimá perü Tupana ga guxü̃ma ga perü guxchaxü̃güwa rü perü ĩ̱xãchiãẽgüwa pexü̃ ínguxü̃xẽẽcü. Rü ñu̱xma nax nüxü̃ pexoxü̃ ya perü Tupana, rü ngẽmaca̱x wüxi i perü ãẽ̱xgacü i réica̱x ípeca nax pemaxã inacuáxü̃ca̱x. Rü ngẽmaca̱x i ñu̱xma rü chanaxwa̱xe i Cori ya Tupanape̱xewa ípengugü ya wüxitücumüchigü rü tügütanüxü̃chigü —ñanagürü ga Chamué.

Ore i mexü̃ ga Luca ümatüxü̃ 19:27

Rü yema chorü uanügü ga tama naxwa̱xegüxü̃ nax norü ãẽ̱xgacüxü̃ chixĩxü̃, ¡rü nua penagagü, rü nua chopexegu peyadai!” —ñanagürü.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Ínachoxü̃xü̃chiga 16:8

Rü yexguma ga nüma ga Moiché rü yema duü̃xü̃gümaxã nidexa rü ñanagürü nüxü̃: —Rü yixcüra yáuanecü rü Cori ya Tupana tá pexna nanaxã i namachi nax penangṍxü̃ca̱x, rü pa̱xmama rü tá pexna nanaxã i muxü̃tama i paũ. Erü nüma ya Tupana rü pexü̃ naxĩnü nax nachigagu chixri pidexagüxü̃. ¿Rü texégü tixĩgü i tomax? Pema rü tama tochiga nixĩ i chixri pidexagüxü̃, natürü Cori ya Tupanachiga nixĩ —ñanagürü.

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.

Ore i mexü̃ ga Matéu ümatüxü̃ 10:40

Rü texé ya mea pexü̃ yaxúxe rü choxü̃ nixĩ i tayaxuxü̃. Rü texé ya choxü̃ yaxúxe rü yimá núma choxü̃ mucü ya Chaunatüxü̃ nixĩ i tayaxuxü̃.

Ore i mexü̃ ga Cuáü̃ ümatüxü̃ 13:16

Rü aixcüma pemaxã nüxü̃ chixu rü taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ. Rü taxuxü̃ma i ãẽ̱xgacüarü orearü ngeruxü̃ i norü ãẽ̱xgacü i namuxü̃étüwa nügü nangẽxmaxẽxẽ.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Iraétanüxü̃arü muxchiga 22:20

Rü yema chütaxü̃gu rü nüma ga Tupana rü Balaáü̃ca̱x nango̱x rü ñanagürü nüxü̃: —Ñu̱xma nax cuxca̱x nua naxĩxü̃ i ngẽma yatügü rü ¡ẽcü, írüda rü nawe rüxũ! Natürü ngẽma choma cumaxã nüxü̃ chixuxü̃xica tátama nixĩ i cuxüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 8:23

Natürü nüma ga Yedeóü̃ rü nanangãxü̃ rü ñanagürü: —Tama chanaxwa̱xe i choma rüe̱xna chaunegü nax pemaxã itacuáxü̃. Rü Cori ya Tupana tá nixĩ ya pemaxã icuácü.

1 Chamué 8:8

Rü yexguma Equítuanewa íchanguxü̃xẽẽ̱xgucürüwa chomaxã naxügüxü̃ rü ngẽmatama nixĩ i ñu̱xma cumaxã naxügüxü̃. Yerü choxna nixĩgachi nax tupananetagüxü̃mare yacua̱xüü̃güxü̃ca̱x

1 Chamué 8:22

Rü nüma ga Cori ya Tupana rü Chamuéxü̃ nangaxü̃ rü ñanagürü: —¡Naxü i ngẽma naxca̱x ínacagüxü̃ rü nüxü̃ naxuneta i wüxi i norü ãẽ̱xgacü i réi! —ñanagürü. Rü yexguma nüma ga Chamué rü yema Iraéanecüã̱xgüxü̃ namu nax norü ĩanegüca̱x nawoeguxü̃.

1 Chamué 12:1

Rü yemawena ga Chamué rü guxü̃ma ga Iraéanecüã̱xgüpe̱xewa ñanagürü: —Pema nüxü̃ pecua̱x rü guxü̃ma ga yema naxca̱x ípecaxü̃ rü pexca̱x chanaxü nax yangucuchixü̃ca̱x ya yimá perü ãẽ̱xgacü ya réi.

1 Chamué 12:12

Natürü ga pema ga yexguma Amóü̃tanüxü̃arü ãẽ̱xgacü ga Naáx pexca̱x íyachoõchichaü̃gu nax pexü̃ nada̱i̱xü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.

Yeremía 34:14

“Rü ngẽxguma norü 7 ya taunecüwa nanguxgu rü wüxichigü i Iraétanüxü̃ i pexü̃ nügümaxã taxexü̃ nax perü mugüruxü̃ yixĩxü̃ca̱x rü tá ípenanguxuchixẽxẽ nawena nax marü 6 ya taunecü pexü̃́ napuracüxü̃, ñachagürü nüxü̃. Natürü ga perü o̱xigü rü tama chauga naxĩnüe rü tama nanaxü ga yema namaxã nüxü̃ chixuxü̃.

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Echequié 3:7

Natürü ngẽma Iraétanüxü̃ rü taxũtáma cuga naxĩnüe, erü tama chauga naxĩnüechaü̃. Rü guxü̃ma i ngẽma Iraétanüxü̃ rü tama chauga naxĩnüe rü tama choxü̃ nacua̱xgüchaü̃.