1 Chamué 8:19 - Tupanaarü Ore

^19-20 Natürü nüma ga yema duü̃xü̃gü, rü tama inarüxĩnüechaü̃ ga yema Chamué namaxã nüxü̃ ixuxü̃. Rü ñanagürügüama: —Nüetama, rü tanaxwa̱xegü i toxü̃́ nangẽxma i wüxi i ãẽ̱xgacü i réi nax ngẽma togü i nachixü̃anerüxü̃ tixĩgüxü̃ca̱x. Rü nüma tá nixĩ i tórü ãẽ̱xgacü yixĩxü̃, rü tá tomaxã inacuáxü̃ ega ngẽxguma togümaxã togü tadaixgux —ñanagürügüama.

1 Chamué 8:19 Referans Kwoze

Yeremía 44:16

—Taxũtáma naga taxĩnüe i ngẽma Tupanaarü ore i tomaxã nüxü̃ quixuxü̃.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Yeremía 7:13

Rü woo mue̱xpü̱xcüna pexna chanachu̱xu ga yema pecüma ga chixexü̃, natürü pema rü tama chauga pexĩnüechaü̃, rü bai choxü̃ pengãxü̃güxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Wiyaegü 81:11

Natürü i pema i chorü duü̃xü̃gü i Iraétanüxü̃, rü tama choxü̃́ ipexĩnüe rü tama chauga pexĩnüechaü̃.

Wenaxarü naxümatü ga Tupanaarü mugü 17:14

Rü ngẽxguma tá marü nagu pechocuxgu rü penapuxgu rü nawa pemaxẽgu i ngẽma naane i Cori ya perü Tupana tá pexna ãxü̃, rü ngürüãchi tá penaxwa̱xe nax pexü̃́ nangẽxmaxü̃ i wüxi i ãẽ̱xgacü i réi nax pemaxã inacuáxü̃ca̱x, naxrüxü̃ i ngẽma togü i nachixü̃anegü.

1 Chamué 12:12

Natürü ga pema ga yexguma Amóü̃tanüxü̃arü ãẽ̱xgacü ga Naáx pexca̱x íyachoõchichaü̃gu nax pexü̃ nada̱i̱xü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.

Norü taxre ga popera ga ãẽ̱xgacügüchiga 21:9

Natürü nüma ga Iraétanüxü̃ rü tama Tupanaga naxĩnüe. Yerü nüma ga Manaché rü poraãcü chixexü̃ nüxü̃ naxüxẽxẽ, norü yexera ga yema duü̃xü̃gü ga nüxíra yema naanewa yexmagüxü̃ ga Tupana norü o̱xigüpe̱xegu daixü̃.

Wiyaegü 81:12

Rü yemaca̱x nixĩ ga pexü̃ chayexrüxü̃ nax penaxüamaxü̃ca̱x ga perü chixexü̃ rü pema penaxwa̱xexü̃ãcüma pemaxẽxü̃ca̱x.