1 Chamué 8:18 - Tupanaarü Ore

¹⁸ Rü ngẽma ngunexü̃gu i namaxã pechixeãẽgügu i ngẽma ãẽ̱xgacü i ñu̱xmax naxca̱x ípeca̱xaxü̃, rü nüma ya Cori ya Tupana rü marü taxũtáma pexü̃ narüngü̃xẽxẽ —ñanagürü ga Chamué.

1 Chamué 8:18 Referans Kwoze

Miquéa 3:4

Rü wüxi i ngunexü̃ rü tá nüxna pecagü ya Cori ya Tupana nax pexü̃ nangü̃xẽẽxü̃ca̱x, natürü i nüma rü taxũtáma pexü̃ nangãxü̃. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Ichaía 8:21

Rü duü̃xü̃gü rü tá nuxica ne nanaxĩ, rü tá chixri namaxã nachopetü rü tá nataiyae. Rü ngẽma taiya tá nananuexẽxẽ. Rü chixexü̃ i ore tá norü ãẽ̱xgacümaxã nixugüe. Rü dauxü̃ nadaunüãcüma tá chixexü̃ norü Tupanamaxã nixugüe.

Ore i mexü̃ ga Luca ümatüxü̃ 13:25

Erü ngẽxguma ngẽma ĩarü yora írüdaxgu nax yanawãxtaü̃xü̃ca̱x i ĩã̱x, rü pema i düxétüwa ngẽxmagüxe rü tá nüxna pecagü nax pexca̱x yanawãxnaü̃xü̃ca̱x i ĩã̱x. Rü ñaperügügü tá: “Pa Corix, ¡paxa toxca̱x yawãxna i ĩã̱x!” ñaperügügü tá. Natürü nüma i cori rü tá pexü̃ nangãxü̃, rü ñanagürü tá: “Tama pexü̃ chacua̱x nax Nge̱xtácüã̱x pixĩgüxü̃”, ñanagürü tá pexü̃.

Ucu̱xẽgüchiga 21:13

Texé ya tama nüxü̃ rüngü̃xexẽ́xẽ i ngẽma ngearü diẽruã́xü̃ ega ngü̃xẽẽca̱x tüxna nacaxgu, rü tümax rü tá ta taxúetama tüxü̃ tarüngü̃xẽxẽ ega tüxí ngü̃xẽẽca̱x ítacaxgu.

Wiyaegü 18:41

Rü nümagü rü aita naxüe nax ngü̃xẽẽca̱x ínacagüxü̃ca̱x, natürü taxúema nüxü̃ tarüngü̃xẽxẽ. Rü Cori ya Tupanana nacagüe nax nüxü̃ nangü̃xẽẽxü̃ca̱x, natürü nüma rü tama nanangãxü̃.

Yox 27:9

Rü ngẽma duü̃xü̃ rü ngẽxguma guxchaxü̃gü naxca̱x ínguxgu, rü Tupana rü taũtáma nüxü̃ naxĩnü i norü yumüxẽ.

1 Chamué 8:17

Rü ngẽma 10 i perü carnérugüwa rü tá pexna nanayaxu i wüxi nax noxrüxü̃ yixĩxü̃ca̱x. Rü pema tátama nixĩ i ñu̱xũchi nüxü̃́ pepuracüexü̃.

Norü taxre ga to ga popera ga ãẽ̱xgacügüchiga ümatüxü̃ 10:11

Rü aixcüma nixĩ ga chaunatü rü poraãcü taxü̃ ga diẽru petanüwa nayaxuxü̃, natürü i choma rü tá yexeraãcü taxü̃ i diẽru petanüwa chayaxu. Rü chaunatü rü goyexü̃maxã pexü̃ nicua̱i̱xgü, natürü i choma rü tá cua̱i̱xruü̃gü i fierumaxã ãpe̱xexü̃maxã tá pexü̃ chicua̱i̱xgü” —ñanagürügü nüxü̃.

Yox 27:8

¿Ta̱xacürü mexü̃ tá ínanangu̱xẽxẽ i ngẽma duü̃xü̃ i chixexü̃gu maxü̃xü̃ i ngẽxguma Tupana nüxna nayauxgu i norü maxü̃?

Ichaía 59:1

Rü ngẽma Tupanaarü pora rü guxü̃guma nanaxa̱i̱xrügumaraxü̃ rü guxü̃guma ningu nax chixexü̃wa tüxü̃ ínanguxü̃xẽẽxü̃ca̱x. Rü ngẽxgumarüxü̃ ta i nüma rü tama nangauxchixẽ, rü ngẽmaca̱x guxü̃guma tüxü̃ naxĩnü ega nüxna ícaxgu.

Echequié 8:18

Rü ngẽmaca̱x i choma rü chorü numaxã tá chanapoxcue. Rü taxũtáma namaxã chixãũxãchi. Rü woo aita cha̱u̱xca̱x naxüegu rü taxũtáma nüxü̃ chaxĩnü —ñanagürü choxü̃.