1 Chamué 7:10 - Tupanaarü Ore

¹⁰ Yexguma Chamué íyaguyane ga yema ãmare rü ningaicagü ga Firitéugü nax Iraétanüxü̃xü̃ yadaixü̃ca̱x. Rü nüma ga Cori ya Tupana rü wüxi ga tacü ga ãẽmacü nayawã̱ĩ̱xẽxẽ. Rü Firitéugüxü̃ namaxã ínabaixgü, rü yemaacü narüporamaegü ga Iraétanüxü̃.

1 Chamué 7:10 Referans Kwoze

1 Chamué 2:10

Rü nüma ya Cori ya Tupana rü tá nanadai i norü uanügü. Rü daxũguxü̃ i naanewa tá naxca̱x ne nanamu ya tagaxü̃ ga duruanexü̃. Rü nüma ya Cori ya Tupana rü tá nüxna naca i norü maxü̃chiga i guxü̃ma i duü̃xü̃gü i ñoma i naanewa maxẽxü̃. Rü tá pora nüxna naxã ya yimá ãẽ̱xgacü ya nüma nüxü̃ naxunetacü, rü tá yexeraãcü nayaporachigüxẽxẽ —ngĩgürügü.

1 Chamué 12:17

Pema rü meama nüxü̃ pecua̱x rü ñu̱xma nax tríguarü buxgüwa nanguxü̃ rü taguma napu. Rü ngẽmaca̱x i ñu̱xma rü tá Tupanana chaca nax ãẽmacü rü pucü nua namuxü̃ca̱x nax ngẽmawa nüxü̃ picua̱xãchitanüxü̃ca̱x i ngẽma chixexü̃ i taxü̃ i pexüxü̃ ga yexguma wüxi ya perü ãẽ̱xgacü i réica̱x ípecaxgu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 5:20

Rü woo i woramacurigü i daxũwa ngẽxmagüxü̃ rü Chícharamaxã nanue. Rü ngẽma nũxcümaü̃xü̃ i natü i Quichóü̃arü poraxü̃chíüxü̃ nayachagüxẽxẽ ga guxü̃ma ga yema tórü uanügü ga yuexü̃. Rü choma i Débora rü yexera chapora rü ichixũama.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Ãẽ̱xgacügü ga guxchaxü̃güarü mexẽxẽruü̃gü 5:8

Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x. Rü woo 40,000 ga Iraétanüxü̃ ga churaragü tüxü̃́ nayexmagü, natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.

Ãẽ̱xgacügü ga guxchaxü̃güarü mexẽxẽruü̃gü 4:15

Rü yexguma inaxügüãgu ga Chíchara nax Baráxmaxã nügü nada̱i̱xü̃, rü nüma ga Cori ya Tupana rü poraãcü muü̃ naxca̱x ínangu̱xẽxẽ ga Chícharaarü churaragü ga carugu ĩxü̃ rü yema nacutügu ĩxü̃, rü woo nüma ga Chíchara rü norü caruwa ínaxüe rü nacutügumare niña.

1 Chamué 7:11

Rü yexgumatama ga yema Iraétanüxü̃ rü Mispáwa inaxĩãchi. Rü Firitéugüwe nangegü ñu̱xmata Bex-cáxarü tuãchigu nayadaix.

1 Chamué 14:15

Rü guxü̃ma ga yema Firitéugüarü churaragü ga ínapegüxü̃wa yexmagüxü̃ rü yema napechinüwa yexmagüxü̃ rü poraãcü namuü̃e. Rü yexgumarüxü̃ ta poraãcü namuü̃e ga yema tomaepü̱x ga churaragüchimü ga tóxnamana ĩxü̃ rü yema churaragü ga daiwa ĩxü̃. Rü yexgumayane rü naxĩã̱xãchiane rü yemaca̱x yexeraãcü namuü̃e.

Wiyaegü 29:3

Rü ngẽma naga ya Cori ya Tupana rü márétügu nayaxũ. Rü nüma ya Tupana ya poracü rü nayaduruanexẽxẽ. Rü nüma rü ngẽma taxü̃ i márétüwa nangẽxma.

Wiyaegü 29:4

Rü naga ya Cori ya Tupana rü napora rü guxü̃wama nangu.

Wenaxarü naxümatü ga Tupanaarü mugü 28:7

Rü nüma ya Cori ya Tupana rü tá pexme̱xgu nanayixẽxẽ i perü uanügü ega ngẽxguma pexca̱x íyaxüãchigu. Rü mea yachimachimüü̃ãcü tá pexca̱x ínayaxüãchi, natürü ngẽxguma pemaxã nügü nadaixgu rü tá nügü nawoone nax pexcha̱xwa yabuxmüxü̃ca̱x.

Wiyaegü 18:15

Rü yexguma Tupana norü numaxã nangaxgu ga yema uanügü rü naétü cue ñaxgu rü nipachitama ga már rü nango̱x ga yema naane naétügu üxü̃.

Wiyaegü 78:66

Rü yema namaxã rüxuanügüxü̃ narüporamae rü nayabuxmüxẽxẽ. Rü yemaacü guxü̃guma nanaxãneexẽxẽ.