1 Chamué 6:6 - Tupanaarü Ore

⁶ ¿Rü tü̱xcüü̃ pegü ípenataiãchiarü maxü̃ã̱xgü narüxü̃ ga yema Equítuanecüã̱xgü rü norü ãẽ̱xgacü ga Faraóü̃? Yerü yexguma Tupana düxwa guxchaxü̃ naxca̱x ínguxẽẽguxicatama nixĩ ga Iraétanüxü̃xü̃ yange̱xgüxü̃.

1 Chamué 6:6 Referans Kwoze

Ínachoxü̃xü̃chiga 14:17

Rü choma rü tá Faraóü̃xü̃ íchanataiãchiarü maxü̃ã̱xẽxẽ nax tama pega naxĩnüexü̃ca̱x i ngẽma Equítuanecüã̱xgü rü pewe yangexü̃tanüxü̃ca̱x. Rü ngẽmaãcü tá chanango̱xẽxẽ i chorü pora. Rü pema tá nüxü̃ pedau i ngẽma namaxã ngupetüxü̃ i Faraóü̃, rü guxü̃ma i norü churaragü i nacutügu ĩmarexü̃, rü ngẽma norü churaragü i cowaruétügu ĩxü̃, rü ngẽma norü churaragü i cowaru itúgüxü̃ i carugu ĩxü̃.

Ínachoxü̃xü̃chiga 8:15

Natürü yexguma yema guxchaxü̃güwa ínanguxuchigu ga Faraóü̃, rü yema Cori ya Tupana nüxü̃ ixuxü̃rüxü̃ rü wenaxarü nanuama ga Faraóü̃, rü tama Moiché rü Aróü̃ga naxĩnüchaü̃.

Ínachoxü̃xü̃chiga 7:13

Natürü woo yemaxü̃ nax nadauxü̃ ga Faraóü̃, rü tama inaxĩnüchaü̃, yema Cori ya Tupana nüxü̃ ixuxü̃rüxü̃.

Ínachoxü̃xü̃chiga 9:34

Natürü yexguma Faraóü̃ nüxü̃ nada̱u̱xgu nax yanaxoxü̃ ga pucü rü marü tama nayixü̃ ga gáuxü̃pütagü rü tama yaduruanexü̃, rü nüma ga Faraóü̃ rü wenatama chixexü̃ naxü. Rü tama nüxica nixĩ ga inataiãchiarü maxü̃xã́xü̃, natürü yema norü ngü̃xẽẽruü̃gü rü ta naxrüü̃tama nixĩgü.

Popera ga Yudíugü ga yaxõgüxü̃ca̱x ümatüxü̃ 3:13

Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Wiyaegü 95:8

Erü nüma rü ñanagürü: —Tama name nax choxü̃ pexoexü̃ yema perü o̱xigü choxü̃ oegurüxü̃ ga yexguma taxúema íxãpataxü̃wa nayexmagügu ga Meribáwa rü Macháwa.

Yox 9:4

Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?

Ínachoxü̃xü̃chiga 14:23

Rü guxü̃ma ga churaragü ga icowaruã́xü̃ rü yema churaragü ga cowaru itúgüxü̃ i carugu ĩxü̃ rü Iraétanüxü̃we nangẽgü ñu̱xmata yema már arü ngãxü̃tüwa nangugü.

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Ínachoxü̃xü̃chiga 8:32

Natürü nüma ga Faraóü̃ rü yemawena rü nanuama, rü tama nayange̱xgü ga Iraétanüxü̃.

Ínachoxü̃xü̃chiga 4:21

Rü yemawena ga Cori ya Tupana rü Moichéxü̃ ñanagürü: —Rü ngẽxguma tá Equítuanewa cunguxgu, ¡rü Faraóü̃xü̃tawa naxũ rü nape̱xewa naxü i ngẽma guxü̃ma i ta̱xacü i choma cuxü̃ chamuxü̃ nax chorü poramaxã cunaxü! Rü ngẽxguma i choma rü tá íchayataiãchiarü maxü̃neã̱xẽxẽ nax tama Iraétanüxü̃xü̃ ínamuxü̃xü̃ca̱x i Equítuanewa.

Ínachoxü̃xü̃chiga 7:14

Rü yemawena rü nüma ga Cori ya Tupana rü ñanagürü Moichéxü̃: —Nüma i Faraóü̃ rü tama inaxĩnüchaü̃, rü taxũtáma Iraétanüxü̃xü̃ ínamuxü̃chaü̃.