1 Chamué 6:5 - Tupanaarü Ore

⁵ Rü ngẽmaca̱x name nixĩ i ípenaxüxü̃ i ngẽma taixnachicüna̱xãgü rü naxchicüna̱xãgü i ngẽma ü̃cagü i guxchaxü̃ pexna ãxü̃ i perü ĩanewa. ¡Rü nüxü̃ picua̱xüxü̃ ya yimá Iraéanecüã̱xgüarü Tupana! Rü bexmana ngẽmaãcü tá nüxü̃ narüchau nax pexü̃ yada̱xaweexẽẽxü̃, rü pexü̃ napoxcuexü̃ i pemax rü perü tupanagü rü perü naane.

1 Chamué 6:5 Referans Kwoze

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

1 Chamué 5:11

Rü guma ĩanewa rü guxü̃ma ga duü̃xü̃gü rü nanaxĩ̱xãchiãẽgü, yerü Tupana rü poraãcü nanapoxcue. Rü yemaca̱x ga yema ĩanecüã̱xgü rü guxü̃ma ga Firitéugüarü ãẽ̱xgacügüca̱x nangema rü ñanagürügü nüxü̃: —¡Nua torü ĩanewa ípenangexechi i ngẽma baú i Iraéanecüã̱xgüarü Tupanaarü mugüchixü̃, rü nachixü̃aneca̱xtama penataeguxẽxẽ nax tama toxü̃ nada̱i̱xü̃ca̱x i guxãma i tomax! —ñanagürügü.

Ore i mexü̃ ga Cuáü̃ ümatüxü̃ 9:24

Rü yexguma ga yema Yudíugü rü wenaxarü naxca̱x nacagü ga gumá ngexetüchire̱xcü. Rü ñanagürügü nüxü̃: —Rü ñu̱xma tanaxwa̱xe i Tupanape̱xewa rü aixcüma tomaxã nüxü̃ quixu nax texé cuxü̃ rümexẽẽxü̃. Erü toma rü meama nüxü̃ tacua̱x i ngẽma Ngechuchu rü wüxi i pecaduã́xü̃ nax yixĩxü̃ —ñanagürügü.

Ichaía 42:12

Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Wiyaegü 32:4

Rü chütacü rü ngunecü choxü̃ icurüwe̱xãchixẽxẽ, Pa Tupanax. Rü yema chorü pora rü ínaxũxũ ñoma putürachacu i üa̱xcü ipaxẽẽxü̃rüxü̃.

1 Chamué 5:9

Natürü yexguma marü yéma nangegüãguwena, rü nüma ga Cori ya Tupana rü yema ĩanecüã̱xgüxü̃ nayaxĩ̱xãchiãẽxẽẽgü yerü taixnamaxã nayada̱xaweexẽxẽ ga guxü̃ma ga duü̃xü̃gü ga ibuxü̃ rü iyaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:9

Rü guxü̃ma ga duü̃xü̃gü rü poraãcü nüxü̃́ nangu̱xema, natürü tama nüxü̃ narüxoe ga nacüma ga chixexü̃ rü tama Tupanaxü̃ nicua̱xüü̃gü. Rü naguxchigagüama namaxã ga Tupana ya guxü̃ma i ngẽma poxcuruü̃maxã icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:7

Rü tagaãcü ñanagürü: “¡Nüxü̃ pemuü̃e ya Tupana rü nüxü̃ picua̱xüü̃gü! Erü marü nawa nangu nax guxü̃ma i duü̃xü̃güna naca̱xaxü̃. ¡Rü nüxü̃ picua̱xüü̃gü ya yimá naxücü i daxũguxü̃ i naane, rü ñoma i naane, rü ngẽma már, rü guxü̃ma i natüxacügü!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Joel 2:25

Rü nüma ya Cori ya Tupana rü ñanagürü pexü̃: —Choma rü tá pexü̃́ chanatáeguxẽxẽ ga yema penetügü ga ñuxre ga taunecü pexü̃́ nax nangóoxü̃ ga yema munügü ga yéma chamugüxü̃.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Wiyaegü 39:10

¡Rü marütama nax choxü̃ cucua̱xixü̃! Erü curü cua̱ximaxã rü tá chayu.

Wiyaegü 18:44

Rü ngẽxguma choxü̃ naxĩnüegu rü chauga naxĩnüe. Rü togü i nachixü̃anecüã̱x i duü̃xü̃gü rü cho̱xme̱xwa nügü nangẽxmagüxẽxẽ rü mea chauchiga nidexagü.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

Ínachoxü̃xü̃chiga 8:24

Rü yemaacü nanaxü ga Cori ya Tupana. Rü ñoma wüxi ga caixanexü̃rüxü̃ Faraóü̃patawa nangugü ga mu̱xcügü. Rü norü ngü̃xẽẽruü̃güpatawa rü ta rü guxü̃ma ga Equítuanewa nangugü. Rü yema mu̱xcügü rü guxü̃wama nanachixexẽxẽ ga yema nachixü̃ane.

Ínachoxü̃xü̃chiga 8:17

Rü yemaacü nanaxügü ga Moiché rü Aróü̃. Rü nüma ga Aróü̃ rü norü naixmena̱xã nawe̱xnagü, rü waixü̃müte̱xewa namaxã nanacua̱i̱xca. Rü guxü̃ma ga yema waixü̃müte̱xe ga Equítuanewa yexmaxü̃, rü tunüxü̃ nananguxuchitanü. Rü yema tunügü rü poraãcü yema duü̃xü̃güxü̃ rü naxü̃nagüxü̃ nachixewe.

Ínachoxü̃xü̃chiga 8:5

Rü yexguma ga Cori ya Tupana rü Moichéxü̃ ñanagürü: —¡Rü namaxã nüxü̃ ixu i Aróü̃ nax natügüétügu, rü natüxacügüétügu, rü naxtaagüétügu namaxã nawéxme̱xü̃ca̱x ya norü naixmena̱xã! Rü ngéma tá ínachoxü̃ i cururugü nax guxü̃ma i Equítuane namaxã napaxü̃ca̱x —ñanagürü.

1 Chamué 6:8

¡Rü ñu̱xũchi yimá peweü̃gu peyaxǘe i ngẽma baú i Cori ya Tupanaarü mugü nawa ngẽxmaxü̃! ¡Rü ngẽma baúcüwagu peyaxüechiü̃ i ngẽma naxchicüna̱xãgü i úirunaxca̱x ixĩgüxü̃ i norü Tupanaarü ngüxmüxẽxẽruxü̃ ixĩxü̃! ¡Rü ngẽmawena rü peyange̱xgü i ngẽma wocagü nax nüma ínanaxwa̱xexü̃wa naxĩxü̃ca̱x namaxã i ngẽma baú!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:28

Pa Guxü̃ma i Nachixü̃anecüã̱xgüx ¡rü nüxü̃ pixuchigagü rü nüma ya Cori ya Tupana rü nüxicatama yixĩxü̃ nax aixcüma naporaxü̃ rü naxüünexü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:29

¡Rü nüxü̃ picua̱xüü̃gü erü ngẽma nixĩ i mexü̃ nax naxca̱x penaxüxü̃! ¡Rü perü ãmaregümaxã naxü̃tawa pexĩ! ¡Rü napata ya mexẽchínepe̱xewa nüxü̃ picua̱xüü̃gü!

Yoná 3:9

Rü bexmana ngẽxguma ya Tupana rü tá nüxü̃́ ingechaü̃tümüxü̃gü rü tá narüngüxmü nax tamaxã nanuxü̃, rü taxũtáma tüxü̃ nadai —ñanagürügü.